(هلبة طلبوا حلقة زيادة بس و الله اكثر من هكي ظروفي ما تسمح لكن ع شانكم ح انزل تشويق و ان شاء الله يرضيكم ❤️🌹❤️)
الحياة غريبة و صدفها اكثر غرابة
بعد اتفاق نتج عن جدال كبير
اخذت هي مسارا جديدا مع الجميع
شريطة شيء واحد
ان ياخذ مع تلك المعتوهة "كما تصفها " مسارا جديدا بدوره
و بالايجاب اجاب لانها عنده المنى و المراد
بس في يوم و بمحض الصدفة
جاها اتصال من بنت عمها: سيارتي وقفت تعالي روحي بيا من المصحة اللي في ال###
: تمام
غيرت مسارها للمصحة
في ذات الوقت وصلاته مكالمة من اختها : بالله عليك تجي البنت قاعدة تموت و مش طالبة غير تشوفك
عد العشرة و عد ايام حلوة جمعتهم و مشي قائلا في نفسه هي مش ح تعرف و بعد نشوف وضعها و نطمن عليها ح نفهمها علاش جيت و اكيد تفهم و تعذرني
بس حياة غريبة
وقت درست سيارتها و بتتصل ببنت عمها
شافاته نازل و ع عجلة من امره
استغربت اتصلت بيه ع طول
وقف بين السيارات تردد يرد او لا
وهذا كله تحت انظارها
خلاها تشك
بس هو رد : ايوا
: اهلين وينك نسمع في دوشة جنبك
وزع انظاره ع المكان : احم في الكلية
هي مش مستوعبة علاش يكذب
: اوكي سلام
طوط طوط
للحظة خاف بس استبعد انها تكون عارفة بعدم وجوده في الكلية و كمل طريقه داخل
و هي نزلت و سكرت السيارة و وراه ع الدعسة
مشت و مشت
لعند وصل لقسم بذاته
احيانا نجهلوا الحقيقة افضل ما نعرفوها
بس شخصية زيها ضروري تعرف و اعتادت انها تعرف
مشت وراه انفتح الباب
و هو قدم
شافت الايد انحطت ع الايد
و قلبها نار فيه تشتعل و تزيد
في هاللحظة سحب ايده و بيوخر
سمع شهقة قام عيونه
و ياريته الوقت يرجع
ما كان غامر بشيء من هذا ابدا
تراجعت بسرعة
اصطدمت بممرضة في ايدها حاجات اصلا ماشافت شني كان عندها
طاحوا منها و بدت تعارك و تسب
و هي مش مدورة تبي تطلع و بس
شافتها بنت عمها لحقتها
ما قالت شي غير : اركبي فيسع اركبي
ركبت و طلعت هي بالسيارة باقصى سرعة
و مهما ركض ابدا ما قدر يلحق الا بطيفها
ايديه في وسطه حاس بعجز و خذلان و ليس هو المخذول بالطبع الخذلان يعني خذلها نظرة عيونها تركت ندوبا بقلبه
كيف سيتجاوز الامر الان
هو نسي يوم اللي قالتله بالحرف "راني واعرة " ونسي اصلا ان هكي مسجلها في تيليفونه
ما ان وصلت
حتى فكرت
و خططت
و دبرت
و بالجميع اتصلت
و كلها ساعات
و كانت في طريقها الى الجبل بصحبة من اجبرها ع تغيير مسار حياتها معهم
هو قال لنفسه "خليها تهدا اليوم و غدوا نمشي لحوش عمها نتفاهم معاها "
بس جي غدوا و مشي و عرف بمشيتها
و ولعت يا حيه عليها ......
مع تحياتي
مارية علي الخمسي ❤️❤️❤️❤️❤️
