السلام عليكم ، مسيتوا بالخير يا وجيه الخير 🤎 ..
عندي كذا حاجة حابة أوضحّها *مُمكن ينحذف ومُمكن لا*
أول شيء بإسم شخصية البطل ، ما أقصد فيها أي شخص واقعي نهائيًا مُجرد إن الأسم عجبني و ناسب الكاركتر الي أنا راسمته للشخصية، وناسب إسم شخصية أخوه "وهاج" و ناسب إسم الرواية ،
الشيء الثاني بالنسبة للبارتات ما عُمري نزلت بارت أقل من 1000 كلمة نهائيًا لذا ما تعتبر قصيرة أبدًا ، لو تقولون متوسطة الطول بأتفق معاكم لكن قصيرة نهائيًا
الشيء الثالث بالنسبة لموعد التنزيل ، ما عندي وقت مُحدد و لا بألعب عليكم بوقت و أعشمكّم فيه .. تنزيلي عشوائي و لكنه غالبًا بيكون يوميًا بارت او إثنين وقت ما يكون عندي شغل
أدري هذي الفترة قطعت و أخر بارت نزل قبل يوم او يومين و لكن لأني منضغطة بشغلي هذي الأيام فـ ماقدرت أنزل لذلك أتمنى تعذروني و بإذن الله بعوضكم بكذا بارت و كذا حدّث يعجبكم ❤️🔥
و بالنسبة للشخصيات و طول الرواية .. انا بمشي بالرواية هذي على أقل من مهلي، بفصّل لكم حياتهم، وشخصياتهم، ومُمكن أخذ بعد على الحدّث الواحد بارت كامل او بارتين عشان أكتبه بكل تفاصيلكم و أعيشكّم إياه .. بروايتي هذي ابي أخذكم لعُمق حياتهم وحتى أتفه تفاصيلهم و أخليكم تعيشون معاهم فعلًا
فـ اللي ما يحب الروايات المُفصلّة و حياة الأبطال بكل حذافيرها .. روايتي و مع الأسف ما هي مُناسبة لك،
ولكثرة طلبكم لحسابي الإنستا سويت حساب فيه هذا
novelwed_
تعالو هِناك نسولف عن الرواية و الشخصيات و الاحداث نفصلهم مع بعض ، و عن اذا بتنزل بالإنستا الى الان ما افكر انزلها بمكان غير الواتباد ولكن مُستقبلًا الله العالم،
وختامًا .. أتمنى من كل قلبي إن الرواية الى الآن فعلًا معجبتكم و قدرت أني أوصل لكم الي كنت أبيه ، أبي أتناول في هذي الرواية كذا مُشكلة إجتماعية و من أبرزها "التحيير" الي بدأت توضّح بسياق قصة إقبـال وهبـاب .. و كذا مُشكلة و حدّث ما بعد برزو الى الآن لأننا ما زلنا في بدايات عالم أبطال بهـج الليـل ،
أتمنى لكم قراءة مُمتعة وأتمنى إني و حروفي كنا عند حسن ظنكم دائمًا ،دمتم بوّد ..
كاتبتكم ود🤎.
