တတိယလူအဖြစ်ကူးပြောင်းခြင်း

Arc 2.1 စာသင်ကျောင်းဇာတ်လမ်း၊သုံးပွင့်ဆိုင် အချစ်နဲ့ သေနတ်...

unicode

ယူယွီသည် သူ့စိတ်ကို တစ်မိနစ်လောက် ကြိတ်ဆုံထဲ ထည့်မွှေသလို ခံစားလိုက်ရသည်။ မြင်နေကျ အလင်းရောင်တွေ သူ့ကို ရစ်သိုင်းပြီးသည့်နောက်မှာတော့ သူ နောက်ကမ္ဘာထဲကို ခုန်ကူးသွားခဲ့ပြီဖြစ်သည်။ သူ့ခန္တာကိုယ်ကို အပြည့်အဝ ထိန်းချုပ်နိုင်ဖို့ အချိန်အတော်ယူလိုက်ရပြီး ကြာလွန်းလို့ ယူယွီ သူ့ကိုယ်သူ လေဖြတ်နေသည်ဟုပင် ထင်လိုက်သည်။

[ system, ငါဘာလို့ အားနည်းနေသလို ခံစားနေရတာလဲ? ]

[ ပျူပါ : ဘာလို့ဆို မင်းရဲ့ လက်ရှိကိုယ်က အားနည်းတဲ့ ကျောင်းသားလေးရဲ့ ခန္တာကိုယ်ပဲလေ ]

[ အာ... ] ယူယွီသည် ပတ်ဝန်းကျင်ကို စစ်ဆေးဖို့ မျက်လုံးကို ဝေ့ကြည့်လိုက်သည်။ သူသည် မှောင်မဲ စွတ်စိုသော အခန်းတစ်ခုထဲ ရောက်ရှိနေသည်။ အခန်းကျဉ်းကျဉ်းလေးဖြစ်ပြီး ကြွက်သေက လာတဲ့ ပုပ်အက်အက်အနံ့မျိုး တစ်ခန်းလုံးဖုံးလွှမ်းနေသည်။ လေဝင်ပေါက်လိုမျိုး ကျိုးတို့ကျဲတဲ သတ္တုချောင်းနဲ့ ပြတင်းပေါက် တစ်ခုရှိသော်လည်း သိပ်ပြီး အကျိုးမသက်ရောက်ပေ။

[ သိုလှောင်ခန်းထဲ ရောက်နေတာလား? ]

[ ပျူပါ : စွန့်ပစ်ထားတဲ့ သိုလှောင်ခန်း။ သည်ကမ္ဘာရဲ့ အရှင်သခင် ကျောင်းကျွင်းကျယ်က မင်းကို ထည့်ပိတ်ထားတာ။ သူက သည်အထက်တန်းကျောင်းက အားကောင်းတဲ့ ကျောင်းတွင်းအနိုင်ကျင့်တဲ့သူပဲ ]

[ ငါကရော? ]

[ ပျူပါ : မင်းကတော့ သည်အထက်တန်းကျောင်းရဲ့ ဆင်းရဲပြီး နုံချာတဲ့ ကျောင်းသားပေါ့။ ဆင်းရဲလွန်းလို့ ပညာသင်ဆုထောက်ပံ့ကြေးတွေနဲ့ အသက်ဆက်ရှင်နေရတာ။ သည်ကမ္ဘာက မင်းရဲ့ နာမည်က လီယူယွီ ]

[ hey! အဲ့တာ ငါ့နာမည်ပဲ! ] သူ့ရှေ့မှာ ပေါလောမျောနေသော ပေါက်ဖက်ကို ယူယွီ သံသယအကြည့်တို့ဖြင့် ကြည့်လိုက်သည်။

[ တိုက်ဆိုင်တာလား ငါ့ကို ထပ်ပြီး အနိုင်ကျင့်ဖို့ နည်းလမ်းလား ပျူပါ? ]

[ ပျူပါ : တိုက်ဆိုင်တာပါ ] ပေါက်ဖက်သည် ခံစားချက်မဲ့စွာ ပြန်ဖြေလိုက်လေသည်။ သူက ယူယွီအနားမှာ လှည့်ပတ်နေပြီး စကားဆိုလိုက်သည်။ [ ကိုယ့်အခန်းကို ပြန်သင့်ပြီ။ ကြာကြာဆက်နေရင် မင်းဖျားလိမ့်မယ် ]