တတိယလူအဖြစ်ကူးပြောင်းခြင်း

Arc 3.14

unicode

[ ပျူပါ : ဒင်! လျို့ဝှက်ဇာတ်အိမ် ပေါ်လာပါပြီ! လင်းခိုင်ရဲ့ ဆန်းကြယ်သော သုတေသန! ]

ပျူပါသည် ယူယွီ၏ ခေါင်းထဲသို့ လျှို့ဝှက်ဇာတ်အိမ်ကို ဖြည်းညှင်းစွာ ထည့်သွင်းနေသောကြောင့် ယူယွီ အသက်ပြင်းပြင်းရှူလိုက်သည်။ ယူယွီ ပထမဆုံးမြင်လိုက်ရသည်မှာ အသက်နှစ်ဆယ်ဝန်းကျင်ခန့်ရှိ အမျိုးသားတစ်ဦးသည် သူ၏မှတ်စုတွင် ရေးမှတ်ကာ အဏုကြည့်မှန်ပြောင်းအောက်ရှိ တစ်ခုခုကို တစ်ပြိုင်နက် စစ်ဆေးနေခြင်းဖြစ်သည်။

သူသည် ဓာတ်ခွဲခန်းအင်္ကျီကို ဝတ်ဆင်ထားသည်။ သူသည် ဓာတ်ခွဲခန်းကြီးတွင် တစ်ယောက်တည်း အလုပ်များနေပြီး သူ့လက်ထောက်နှင့် အင်တာကွန်းမှသာ ဆက်သွယ်နေသည်။ လင်းခိုင်သည် မြင့်မြတ်သောနှလုံးသားရှိသည့် သိပ္ပံပညာရှင်လူငယ်တစ်ဦးဖြစ်သည်။ လင်းခိုင် အသက် ၁၀ နှစ်သာရှိသေးသည့်အချိန်တွင် သူ့အဖေသည် ခန္ဓာကိုယ်ကို လျင်မြန်စွာ ယိုယွင်းပျက်စီးသွားစေတဲ့ လျှို့ဝှက်ဆန်းကြယ်ရောဂါတစ်ခုကြောင့် သေဆုံးသွားတဲ့အထိ အိပ်ပျော်သွားခဲ့ပါသည်။

သူ့အဖေ ဘာရောဂါရသွားတယ်ဆိုတာ ဘယ်သူမှမသိကြပေမယ့် ငယ်ရွယ်သော လင်းခိုင်သည် သူ့အဖေရဲ့ရောဂါကို ရှာဖွေတွေ့ရှိဖို့ စိတ်ပိုင်းဖြတ်ထားသည်။ အထူးသဖြင့် သူ့အမေလည်း သူ့အဖေနဲ့တူသော လက္ခဏာမျိုးကို လင်းခိုင် အသက် ဆယ့်ခုနစ်နှစ်မှာ စတင်တွေ့ရှိခဲ့ပေမယ့် သုံးနှစ်အကြာမှာတော့ သူ့အမေဆုံးပါးသွားခဲ့သည်။

သူ့မိသားစုဝင်များအားလုံးကို ဆုံးရှုံးလိုက်ရချိန်တွင် လင်းခိုင်သည် အသက်နှစ်ဆယ်သာရှိသေးသည်။ သူ့မှာ တခြား မိသားစုဝင် မရှိသောကြောင့် သူ့အိမ်မှာ တစ်ယောက်တည်း နေရသည်။ သူသည် အိမ်နီးနားချင်းများနှင့်လည်း မထိတွေ့သူလည်းဖြစ်သည်။

သို့သော် လင်းခိုင်သည် ငယ်ရွယ်သော သိပ္ပံပညာထူးချွန်သူ တစ်ဦးဖြစ်ပြီး သူ့ရဲ့ကိုယ်ပိုင် သုတေသနပြုချက်အရ သူ့ မိဘများ၏ ခန္ဓာကိုယ်များသည် ဖြည်းညှင်းစွာ ပုပ်ပွသွားကာ သေဆုံးရန် နှစ်ပေါင်းများစွာ အချိန်ယူခဲ့ရကြောင်း ကောက်ချက်ချခဲ့သည်။ မည်သူမဆို တွေ့ကြုံခံစားရမည့် အိပ်မက်ဆိုးတစ်ခုလိုပင်။