وردة يعقوب🌹مكتملة🌹

🌹الجزء 1🌹

قصة : ✨ وردة يعقوب ✨
بقلمي : 💫 وردة نور 💫

البارت 1:

في واحد من الأقاليم المغربية وبضبط مدينة بني ملال مدينة الجبال والربيع والأجشار الكثيفة منطقة شوفة فيها تتفتح النفس لمناضرها الخلابة .وفي نواحي هاد لمدينة كاين واحد الدوار مبعيدش بزااف على المدينة جاء وسط ديك الغابة لي كتحيط بالمدينة بين الغابة والجبال كان جو قراوي مئة بالمئة داك نهار شتاا خيط من السماا كتنزل قطرات كثيرة ولماء كيجري والغيس بحكم المكان فيه اراضي زراعية والفدادن بيئة طبيعية كانت ريح مجهدة شوية شجار كيمشي ويجي ومن تماا دايز وااد في الأصل لماء تيكون فيه نقي ولكن دبا رجع قهوي بسبب الشتاا ولغيس المنازل على قد الحال كتختالف الأحجام ديالهم ماشي بنيات لي شاهقة الأغلبية ديور من طبقة وحدة وكاينين لي جوج طبقات وكاينين لي عندهم غي سقف ديال لقزدير. دنية مظلمة شوية وخا وقيت لعاصر بحكم شتاا وفواحد من البيوت ديال واحد العائلة دار لي متكونة من طبقة وحدة وسطح من برا ممسبوغاش اما من لداخل كانت دار بسيطة فيها ربعة ديال لبيوت و كوزينة و صالة و طواليت. فلعتبة ديال باب دار من برا كانت گالسة بنت صغيورة تكون عندها ديك 4 سنين لباب مسدود عليها وهي برا خاشية راسها وسط رجيلتها صغيورين كتبكي بصوت ممسموعش كيتسمعو غير شهاقاتها و انينها صغيور ولبرد كيصوت فيها شعرها لونو أشقر ومجموع بلاستيك طوييل لبسة واحد سورفيت فالقهوي كاتبان قديمة لونها بهات وفي رجيلتها صغيورين لبسة صندالة ديال لميكة كيبانو رجيلتها حمريين بزاف بسبب لبرد و لماء ديال شتاا كتبكي وترعد بالبرد. هزات راسها من بين رجيلاتها ياسبحان من صورها عوينتها زرقيين وكبار مشفريين بزااف وجها بيييض ومدور لي رجع حمر بالبكاا حنيكاتها طبوزيين و حوومر وشنيفاتها بحال توت وصغيورين على شكل قليب ومنفوخين بواحد طريقة مثيرة . تترمش ببراءة بدوك لعوينات لي تنفخو بالبكاء تتقطع في لقلب و كلشي داخل لدارو و مدخل وليداتو على شتاا إلا هيا مسكينة تتشوف في طريق بحال تتسناا شي حد

في نفس الوقت وفي دخلة ديال دوار وقف طوبيس لي كان جاي من لفيلاج كان معامرش بزااف فيه غير ناس قلال نزلات مرأة من داك طوبيس قصيرة شوية و ضعيفة لبسة جلابة بلكحل ودايرة زيف بالغوز بارد فيه وريدات بالبيض وفي رجليها صباط قديم ومقشر ملامحها زوينين وجها بيض لي رجع سمر بشمس وتمارة وجها بدا يشرف قبل لوقت عينيها زرقين زينها باين وعاطي لعين حروفها زوينين رغم تمارة لي باينة عليها. هازة ف يديها ميكة فيها جوج خبزات و بيموا ديال شلاط غير ديال عشرة دريال و لحليب سنطرال غادية وتتزرب في لمشية و جويجها دغيا سردو حتا قربات لدار وهي تشوف كبدتها گالسة و باينة تتبكي زادت في خطواتها عن بنتها لي بدورها غير شافتها ناضت تتجري عندها تحدرات تتعنق وتبوس ف بنتها لي غير شافت ماماها فرحات بعدات من حضن مها وهي تتمسح عويناتها بكمام لكيطمة وتتشوف فمها ودغياا ترسمات ضحيكة زوينة على شفيفها وبانو غمزاتها في حنيكاتها .
بقات تتشوف في بنتها وقلبها تهز وهي تتشوف صباع مطراسين ف خدها حمريين ومايلين لزروقية حطات يديها على حنكها بخوف باش تشوف وهي تسمع أنينها بحال شي مشة
لبنت بصوت صغيور وطفولي:احح كسحتيني اماما
الام : (هاجر )سمحي ليا أبنتي لحبيبة مالك شكون ضربك تاني اءء وعلاش احبيبة گالسة برا في لبرد(تتهدر وعينيها مغرغرين حيث عارفة ضربوها تاني ) هدري اشمس مالك ابنتي
شمس ببراءة : دلباتني هئء تاتا راسيدة حيث هلزت كاس. تتهدر وشهقة تتطلع ليها مرة مرة (ضرباتني طاطا راشيدة حيث هرست كاس)
هاجر :(وهي معصبة من مرت لوسها لي مبغاتش تعطي لبنتها بتيساع بقات فيها بنتها مسكينة لي ديما تتضربها) صافي ابنتي صافي انا جبت لبنتي حليبة لي تتعجبك و شكلاط. تتهدر وتبوس في راس بنتها
شمس : ياااي سكرا ماما لحبيبة. وهي تبوس ماماها في وجها
هاجر تتشوف في هاد لبرءة لي هازة بين يديها هادي لحاجة لوحيدة لي باقي مصبراها. دقات في لباب
قبل ساعة فدار لداخل :
ف دار لداخل كانت واقفة مرأة ف لكوزينة تكون حتا هي في اواخر لعشرينات لبسة بيجامة طويلة بالحمر وفيها نقيضات بالكحل غليضة و سبغاا شعرها بسفر (زعما بغات تولي زعرة بزز) بشرتها حنطية حروفها كحلين زوينة ولكن من عينيها باينة مشرارة واقفة مع لبوطاجي كتقاد شكلاط في لخبز لبنتها لي گالسة على واحد لكرسي صغير حداها تتسنا تعطيها تأكل بنت صغيرة يكون في عمرها 9 سنين تتشبه لمها حروفها كحلين وزوينةلابسة بيجامة ديال لموبرة سخونة وفيرجليها تقاشر وبانطوفة .عطاتها لخبز مع كاس أتاي برداتو ليها بدات لبنت تتاكل وفي باب لكوزينة واقفة شمس تتشووف بعويناتها تتسناا تعيط عليها وتعطيها تاكل تتشوف فداك شكلاط وتخرج لسانها صغيور دورو على شفيفاتها وعينيها فيهم لقلوبة شأفتها لمرأة وهي تخنزر
راشيدة: مالك حاطياني ياربي سلامة تفوو سيري تلعبي درڭي عليا زلافتك
شمس ببراءة: تاتا عتيني سوية سكلاط عافاك فيا زووع
راشيدة : تأكلي جنابك واش يحساب لمك تنصنع فيه هالقرعة تسالات غير تهناي بقا فيها شوية تفطر بيه بنتي صباح
شمس: تغرغرو عينيها مسكينة : عفاك اتاتا غي سوية سافي
راشيدة:سدات لقرعة :سيري راه مك تشريه ليك تفوو حتاا حد ميوكل وليداتو بخاطرو معرت هاد راجل عندي واش يخدم نهار وليل باش يجيب لولادو ولا ليك
شمس مسكينة تتشوف وجوع تيقطع فيها وعينيها دغيا تغرغرو
نورة : وهي كتاكل : ماما ماما فراسك شمس هرسات صباح كاس غير جدة لي جمعاتو وگاع مضرباتها
شمس مسكينة ولات تترعد حيث تتخاف من مرت عمها ديما تتضربها متتحملهاش
راشيدة بحال قلتي ليها هرسات ليك بنتك ماشي كاس دغيا مشات ليها شداتها من ودنها وجراتها حتا تسمعات ديك تق شمس مسكينة مقسحة وتتبكي وترعد
راشيدة : كنت عارفة عارفة بلي نتي مولات لفعلة علاش هرستييه اءء دوي ألبرهشة شمس مسكينة مخلوعةغير تتبكي وترعد وراشيدة تتزير ليهاعلى ودنها : وااش يحسااب ليك بااك لي تيشريهم وهي تجمع معاها بتسرفيقة لي تسمعات فدار حتا قلبات ليها وجها شمس تتبكي بجهد تتحس بوجها مبنج
جراتها راشيدة من حوايجها ورجيلاتها تيتخواو بيها دوخاتها بتسرفيقة حتا خرجاتها لبرا
راشيدة: يالله غوتي حتا تشبعي دبا متصدعيش ليا راسي. دخلات وسدات لباب وراها وخلات شمس تتبكي مسكينة بوحدها وشتاا ولبرد
من بعد ما دخلات راشيدة لداخل تلاقت عگوزتها ولي هي خالتها في نفس لوقت خارجة من واحد لبيت هازة تسبيح بين يديها وتتسبح باينة كانت تتصلي
رقية : سمعت غوات ديك لبرهوشة واش ضربتيها تاني
راشيدة : هاديك مفششاها مها ولكن انا نعاود ليها تربية من جديد
رقية : شي نهار تموت ليك بين يديك بداك ضرب لي تديري ليها تصدقي واحلة فيها
راشيدة : تنشوفها تيطلع ليا طانسيو تفو يالاطيف
رقية : فين هيا دباا
راشيدة : راه خرجتها لبراا ضراتني فراسي .وهي تم غادية لبيتها
رقية كملات طريقها لصالة تفرج مقالت نشوف ديك لبنت لي رماتها لبراا فهاد شتاا مقالت حشومة لبنت باقة صغيرة وحفيدتها ياحسرة
✨لعودة للحاضر
دقات هاجر في لباب وهي هازة بنتها بين يديها تحل لباب وطلات نورة غير شافت شكون خلات لباب محلول ودخلات. زادت هاجر داخلة لدار دازت على صالة لي كانت گالسة فيها عگوزتها و راشيدة ونورة لي رجعات حدا مها حاطين اتاي و تيتفرجو ممسوقينش لبنت لي رماوها لبرا فهاد لبرد وهي غير صغيرة متتعرف والو
هاجر: سلام
رقية: عليكم سلام. قالتها وهي تتفرج مهزاتش فيها حتا راسها اما راشيدة ممسوقاش گالسة تتفرج و تخشي في وجها ماردات حتا سلام
هاجر : ختي راشيدة علاش ضربتي لبنت حشومة عليك باقية صغيرة متتعرف والو شوفي وجها مسكينة و خليتوها براا فهاد شتااا ماشي حشومة
راشيدة : متفركعيش لياا راسي تاني راك نتي لي ممربياهاش وانا لي غادي نعاود ليها تربية ألالة نضربها لا دارت علاش والى ماعجبك حال شوفي ليك شي حل ولبنتك إواا تبارك الله هادي هيا متولدهم ميخصوك ملي نتي ماقاداش على بنتك لاش والداها توحليها فينا حنا( تتهدر وهي مخرجة عينيها بغات غير تجبدها باش تنوض صداع بحال شي لفعة بغات غير تنشر سمها )
شمس مسكينة غير سمعات صوتها زادت تخشات في مها تترعد خايفة وخشات راسها في عنق مها
هاجر : حتا دبا ماقلت ليك والو غير الله يرحم ليك لواليدين اختي متبقايش تضربي ليا بنتي راه قلبي تيتقطع عليها راه باقة متتعرف والو
راشيدة : إييه ألالة ودوك لكيسان لي كول مرة تهرس وحد باها لي تيشريهم
هاجر تزيرات هزات عينيها في عگوزتها لي حالة فمها في تلفازة ممسوقاش ليها ولا لحفيدتها دغيا تجمعو دموع في عينيها ولكن مبغاتش تبكي قدامهم
هاجر بصوت مغنغن بالبكاا : باها الله يرحمواا
وزادت لبيتها لي غير دخلات وسدات لباب طاحوا دموعها لي بزز حابساهم دموع لقهرة ولحگرة عيياااات عياات بزااف
شمس خرجات راسها صغيور من عنق مها وهي تشوفها تتبكي
شمس بصوت صغيور وحنييين : ماما علاس تتبكي سكتي عافك سوف انا مبقيتس تنبكي وهزات يديداتها صغيورين تتمسح ليها دموعها. هاجر زادت خشاتها في حضنها تتشم ف ريحتها هادي هياا لحاجة لوحيدة لي مصبراها بنتها حاولات تتحكم فراسها باش متخلعش بنتها
هاجر : لا ابنتي متنبكيش غير شي حاجة لي طاحت ليا ف عيني
حطاتها فوق لفراش لبيت لي كان صغير شوية فيه ماريو قديم جنب لحيط وفي الارض مفرشة حصيرة و فوقها ناموسية قديمة و قاصحة مفرشة فوقها مانطة وجوج مخاد وحدة صغيرة خداتها لشمس باش مظرهاش في عنقها حطات شمس على لفراش عطاتها بيمو لي جابت ليها فرحات بيه مسكينة تتاكل فيه وگالسة مهدنة بحال شي ملاك حاضية مها بعويناتها لي كانت تتبدل حوايجها وعكسات راسها و بدلات لشمس لبساتها بيجامة من لي تيعطيوها ناس خلات شمس تتلعب في لبيت ومشات للكوزينة فيطات لحليب لي تتحماق عليه شمس ودارت فيه شوية د سكار وهزات واحد لفرماجة من ثلاجة هي نيت لي جابتوا وكبات لراسها كاس د أتاي وشوية د زيت في طبسيل و شوية د زيتون دارت كلشي في بلاطو وداتو للبيت وكلات بنتها وكلات حتا هيا عطاتها لماء شربات وخلاتها تلعب ردات لماعن لكوزينة وغسلات كلشي