وردة يعقوب🌹مكتملة🌹

🌹الجزء 8🌹

❄🌺قصة : وردة يعقوب 🌺❄
❄🌺 بقلم : وردة نور 🌺❄

🌼البارت : 8 🌼

منبعد مالبسو و وجدو عائشة قالتها ل أنوار مبغاش يمشي دار لحجة بالخدمة
يعقوب كان ف لمكتب ديالو خداام ف لبيسي تيقضي شغالو غير عن بوعد حتا يرجع لخدمتو دقات عليه عائشة
يعقوب : بصوت مدعدع وهو مخنزر : دخل
دخلات عائشة و سدات لباب : اولدي
يعقوب : نعام لواليدة
عائشة : حم دبا حنا كيف گولت ليك اولدي غدي نشدو طريق دبا لبني ملال نباتو عند عمتك صباح نمشيو نشوفو لبنت
يعقوب : امم مزياان
عائشة : مغتجيش ورانا اولدي
يعقوب : معندي مندير بشي صدااع غير تيسرو نتوما
عائشة : ناضت لعندو باستو من راسو وهو زااد خنزر : الله يهديك اولدي ما جي انا دبا لي مك تنبوس ليك راسك و تنطلبك فرح ميمتك اولدي انا راضية عليك دنيا و اخرة
يعقوب : عصباتو مو مبغاش يخسر ليها هيا لي عندو وهي لي ثاج فوق راسو : تيسرو الواليدة صباح انا معاكم
عائشة : عودات باست ليه راسو :ههههه الله يفرحك اولدي
يعقوب : شد يد ميمتو وباسها ليها خلا عائشة خارجة فرحانة سلمات على خديجة وزادت خارجة لقاات هيشام و ياسين ركبو هيشام لي كان صايگ و ملاك بقاا برا طنوبيل تتسناا بشي حد حتا كتبان ليها جاية تتجري وتلهت خافت يمشيو ويخليوها وصال بنت فعمرها 17 لعام سمرة وزوينة شعرها كحل واصل نص ف ضهرها تتشبه لملاك ف لملامح غير هي عينيها كحلين
ملاك : على سلامة كون غير زدتي تعطلتي شي شوية
وصال : تتنهج بجرا : هووف الله يربي الله سخفت بغيت ليك ساحق لمتالاحق
ملاك ركبات حدا مها لي طلعات و ركبات حتا وصال منبعدما سلامات على خوها ياسين و مرت عمها عائشة و ولد عمها هيشام لي غير تتشوفو تيولي قلبها يضرب وصال هي بنت عمهم لي ساكنين قرااب ليهم شوية هي و خوها ياسين مولفيين دار عمهم بزااف ومايمكنش تمشي ملاك لشي بلاصة ومتديش معاها وصال وحتا لخورة نفس شئ
ياسين : ياك گولت لحسك متجيش
ملاك : ونتا اش دخلك اراس لبصلة رااه غادية معايا
هيشاام : شااف ف وصال من لمراية : خلي عليك لبنت اصاحبي
وصال : مسكينة فاش شاف فيها دابت لحب مايدير هو حب طفولة ديالها ومنغيرو حالفة متدي
ياسين : رااه لعطلة مبقاا ليها والو وتسالي راه عندكم لباك واقيلا شفتكم نسيتو راسكم
هيشام : وي قراو وفكرو ف مستقبالكم
ملاك : انا بعدا فاش كنبقى نخطط لمستقبلي كنحس بزهري جالس مورايا كياكل ف الزريعة ويرمي عليا القشور تف تف وكيقول ياك إيوا زيد ومنبعد
وصال : ههههه
عائشة : إييه راه عارفك اوجه طوبة معندك مستقبل
ملاك : تتحطمي لياا لمشاعر اعيشة
هيشاام : على عندك بعدا شي مشاعر
ياسين : هههه نتي باينة بلانك دار راجلك
ملاك : واييه راجلي المستقبلي تلقااه دابا كتحلف ليه شي وحدة وتقول ليه ماتفرقنا غير الموت 😏 انا هي الموت ازين ديالي غير صبري عليا نسالي هادشي لي عندي
عائشة : إواا الله يمسخك ابنت كرشي علا بعدا اش تديري باش تساليه
ملاك : نزوج خويا يعقوب
وصال : اجي حگا اخالتي شكون هادي لي غيتزوج واش تنعرفوها وشحال فعمرها
عائشة : والله ابنتي منكذب عليك تنوصلو عند عمتكم لي تتعرفها
هيشام : باينة غتكون قريبة ليه ف لعمر
عائشة : لعلم لله انا عرفت غير سميتها شمس
ملاك : الله الله شمس هاي هاي عروستنا سميتها زينة
وصال: باينة غتكون حتا هي زوينة
ملاك : قربات لودنيها : فراسك راسي ضرني بغيت نشوفها خلاص عرفتي علاش
وصال : علاش
ملاك : نشوف شكون هاد مرضية لوالدين لي غيفرع خويا انا غي ملي تجي عدنا لدار بقاي معانا حتا نشوفو اش غيوقع ليها ملي يدخل بيها باش ناخدو دوروس
وصال :ههههه الله يمسخك ولايني مكدبتيش خوك الساطة عدو لخير زاايد
ملاك : هزاات فيها حاجب : على فين شفتيه اوجه طوبة يعني تتشوفي ليه جيهت لمعلم
وصال : تي رااه تيبان وخا يلبس لي لبس داكشي مفضوح خاص ينقص منو لمدام غدي تكره لكوا مسكينة ههه