وردة يعقوب🌹مكتملة🌹

🌹الجزء 25🌹

🌺قصة : وردة يعقوب🌺

💎 BY : وردة نور 💎

💎البارت : 25💎

بخطوات محتشمة خرجات شمس من الطوموبيل مزنكة وشفايفها موردة طايح عليها السر ماشاااء الله وحشمتها غالباهاا زادت جمال على جمال سبحان من ابدع في صورتها ....

دخلوها للبيت تاخد راحة لأنه مازال تابعاها الحنة النهار لاخر تا هي غير دخلات على الفراش طاحت موتة حمااار منبعدما جابت ليها ماماها غداها حتال لبيت

ولعيلات في صالة منبعدما تغداو محيحن بشطيح ورديح مكاين غاالله يعطيك الصحة مترسأهم إمرأة غليظة وطويلة مراكشية أصلية صوتها غليض ومجهد كتغني بصوتها لجوهري ولعيلات كيعاودو منوراها شي شاد لبندير شي طعارج وشي صينية ولكيسان وملاك هي وصال لوسط كيشطحو ويلوزو

يااا شمس يالوردة في لكاس الالة 🎶

أياعقوب عليها عساس ألالة 🎶

أسوط أريح أاهجار والدة لمليح 🎶

ياسوط ياريح أ عائشة والدة لمليح 🎶

فرحي يالالة وسعدي يالالة زوجت بنيتي وحيت لومة عليا 🎶

أما السي لعريس يعقوب ملي وصل لمراكش و هو غارق فالخدمة عندو شريكة كتهتم بمجال السيارات الإصلاح وتركيب لقطع (مريات ، سويكلاس ؛ كونطاكت ، زاج ...) كايهز راسو من حاجة ويطيح فحاجة باش يحيد الخدمة من وراه وحاجة ماتبقا تابعاه و يخوي وقتو شوية فالأيام لي جاية أما لخدمة ديال لعالم الاسود ناسيها حاليا ممسوقش وفنفس لوقت مغافلش كلشي متبعو من بعيد

خدام مخنزر ولبيسي قدامو ولوراق وكاس ديال لقهوة قاصحة كيدخل فشي حسبات وفي لحظة نسا فيها راسو حتى كايلقا نفسو ساهي فيها كايفكر ..... شكون من غيرها هي لي دات ليه العقل بالسلوكة ديالو .... مراتو الصغيوة ....الشميسة ديالو ....حاس براسو توحشها واهو ياالله شافها و يالله كانت معاه ..... ريحتها مازالا ليه فأعماقو وفنيفو كاتسركل ....غير كايتفكر اللي وقع بيناتهم كيعاود يقيم حتى كره كاع هاد التفكير
.... و ندم حتى ماخداش ليها تيليفون باش يبقى يسمع صوتها و لا يشوفها واخا غير ب ابيل فيديو فقط أوقات قليلة باش شافها وخلات بلاصتها

عيا يصبر و في اللخر هز التيلي و صونا لمو ...مدة قليلة وهو كايصوني ومن بعد ردات عليه
عائشة لي كانت لداخل ناشطة مع لعيلات حتى بدا تليفونها يصوني في طبليتها وناضت خرجات لبرة مبعدة على صداع

عائشة : أهلا وليدي.

يعقوب: الواليدة راكي بخير ؟

عائشة: الحمد لله أوليدي لحبيب الله يرضي عليك ...باغي شي حاجة؟!.

يعقوب[حنحن وبصوت غليط ] : فين مرتي الواليدة حداك

عائشة[تبسمات فخاطرها]: راها ناعسة أوليدي كيشتي راه كانت فالحمام هي و البنات جاو عيانين و دابا راها ترتاح شوية