وردة يعقوب🌹مكتملة🌹

🌹الجزء 110🌹

❄🌺قصة : وردة يعقوب 🌺❄

🍁🍁بقلم : وردة نور "نور الصدقي " 🍁🍁

🍂 البارت : 110 🍂

يعقوب: زاد عقد حجبانو شدو من عندو كيقلب فيهم براسلي صحيح ومتين ذهب خاالص مع سنسلة لي كاتلبس سااانبل عجبووه قياس شمس : أخر ثمن ؟ شي ثمن لبيع الشريف

الراجل : خداهم من عندو عبرهم في لميزان : و
اش نقولك الخواة 6600 درهم أخر ثمن

يعقوب : يالله غير قضي لغراض الله يربح

الراجل جمع ليه داكشي في باطة خاصة ودارهم في صاشي : بصحة

يعقوب جبد بزطامو حط ليه فلوسو غير زرقة لاف لختها هز عينيه فشي سنيسلات ساانبل ديال لعنق ذهب : ارا ليا جوج منهم وصايب معانا في ثمن

خدا جوج سناسل ساانبل نفس ستيل وحدة لملاك ووحدة لوصال اما حتى ميمتو واخد ليها ديجا مشبعها ذهوبات داز لواحد لمحل ديال الشكلاط خدا بوكي ديال الورد وصتو شكلاط على شكل دوائر مغلفين بدهبي والورد بالالوان لحمر ولغوز جاي على شكل قلب بقى كيشووف فيه شحاال معندووش مع هاد تخربيق ولكن عاارفها غاتفرح أي بنت غاتفرح كاتبقى أنثى حاجة صغيرة تفرحها وفرحتها عندو بدنيا ومافيها

زاد راجع بحالو لطموبيل كيتمشى وسط ساحة جامع لفناء تقدا ديسير لدار زاد لفين سطاسيونا طموبيلتو ركب وزاد بحالو راجع لدار خدم راديو جا في القرأن نقص ليه شوية وزاد مكمل طريقو كيسمع ليه بصوت عبد الرحمان مسعد حتى تسمعات في ودنو الاية لي ضرب ليها قلبو كلما تفكر أنه غايولي أب
" وزكريا إذ نادى ربه رب لا تذرني فرداوأنت خير الوارثين فاستجبنا له ووهبنا له يحيى وأصلحنا له زوجه إنهم كانوا يسارعون في الخيرات "

يعقوب: نطق بصوت مدعدع قلبو كيضرب إحساس فشكل : صدق الله العظيم

في الدار كانو مجمعين في سطح مفرشين حصيرة و زرابي ديال الخيط وحاطين طابلة دائرية صغيرة لوسط حاطين عليها اتاي وطبسيل لحلوة وشاعلين ضوء ديال السطح في لغربي دسيدي ربي كيتهواو لجو زوين وفي لقنت لاخور من سطح كاين مجمر فيه لفاخر و عليه طاجين كيطيب حتى من لعشاء نصبوه في سطح و جلسو فديك لجليسة ملاك و وصال مجبدين و شمس متكية على المخدة وعائشة وخديجة حتى هما مسرحين رجليهم وجيهة تانية ياسين وهيشام حتى هما جالسين مفطحين كيتغرباو

هيشام : إمتا نتي غادوزي فديك المسابقة ديال الالمبياد

ملاك : في القريب العاجل إن شاء الله

ياسين : اه اه اه زعما الناس قراية وداكشي ولكن شتك مخايفة ما والو كيفاش زعما بلانك

ملاك : مابقيتش عارفة واش الهيبة د الإمتحانات لي مشات ولا ضميري الدراسي لي مات

هيشام : لخوادرية عندي مرجلة مريولة

ملاك : سمعاتو وبدات تغني وتفقص فيه : جوكيرا حبي مرات ولادي حبك سطاني فرفر حبك مقراج يفرفر حبك شلالالا حبك هلالالا ...نحرق وجدة على جالك ، نقتل مجنونة أسامة على جالك وخا نتي مريولة اوكتسلخيني باش تبان شخصيتك قوية مي هانيا حبي ربيني على يديك انا تراب تحت رجليك 🙃