وردة يعقوب🌹مكتملة🌹

🌹الجزء 140🌹

❄🌺قصة : وردة يعقوب 🌺❄

🍂🍂 بقلم : نور الصدقي 🍂🍂

🍁 البارت : 140 🍁

داز لوقت وتحط لغداء للعيلات ورجال كان عيبارة عن كصاعي ديال كسكسو بالحم ولخضراء مع كيسان لبن تبعوه لحم بالبرقوق عاد سفة وديسير كلاو ناس وغسلو جلسو شوية يرتاحو على صينية ديال اتاي وصباسل لفاكية ولحلوة على طبالي كينقبو منهم
حتى وقف يعقوب باغي يتيسر رسل ميساج لشمس تكلم ليه مو وداكشي لي كان جات عندو هضر معاها وعرف منها انها مغاديش تمشي وغاتجلس عند بنتها حتى تكمل 7 أيام باس راسها وقال ليها تكلم ليه مرتو باش يتيسرو توادع مع خوت رضى وزادو خارجين معاهم لبراء وقف حدا رضى

يعقوب: شاف في رضى ونطق بصوتو لغليض عينيه كي الصقر : مانوصيكش انسيبي على ختي صغيرة لي هي بنتي كون مابنتيش ليا من الأول راجل وباغيها ماتعتبش بابك تهلا ليا في بنتي وديرها ختك قبل مرتك مانبغيش ختي تبكي وتشكى ليا شي نهار منك عطيناك ضو دارنا لي كانت ضحكتها هي لي كتسمع فديك دار هي وردة وسط ثلاثة ديال لعزارة راه عطيناك طرف منا كون قد لمسؤولية وحطها تحت جناحك

رضى : كيشوووف فهاد صعصع لي كيهضر معاه وكيف كيهضر على ختو وهو مخنزر كيف عادتو وعاقدهم يخليك تبلع ريقك بلا خاطرك من هيبتو فاارض راسو وبقوة جدي وكيخلع تبسم بلطف ونطق بجدية : كون هاني ختك بين عيني نهزها فوق كتافي وربي شاهد وعمر لحاجة لخايبة نبغيها ليها دخلات لقلب انسيبي منهار قصدتك وطلبتها لحلال

يعقوب: حرك راسو بشوية ونطق: جيب ليا ختي نشوفها

رضى حرك راسو وخا وزاد لدار غير شوية وخرج مدور يدو على خسر ملاك فرحان بيها كيتمشى معاها بشوية عارفها مقصحة تحتها وناوي غير يخرجو نسابو يتحرك لشي فرماسيان يجيب ليها دواء لتحتها ... قربها لجيهت خوتها لي كيشوفو في ختهم بكل حب مساخينش بيها موراها عائشة وسلمى وشمس لحاجة وصال سميرة وهاجر كوثر اميمة كل لي جاو خرجو وعائلة رضى من عيلات خوتو وميمتو خوتو وباه كيتوادعو

ملاك قربات لخوها يعقوب لي وااقف وقفتو روجولية فااتح رجليه وجامع يديه عينيه منيشين عليها بنضرتو لقاصحة ماتعرفو فرحان ولا غضبان ولا معصب شوفتو ديما كتخلع قربات عندو بشوية شفايفها كيترعدو عرفاتهم غايمشيو مسخاااتش بخوتها جاتها صعييييبة

ملاك : نطقات بضعف وصوت مرعود كلمة كتعني ليها بزاااف : خ خووياا

يعقوب: عض على فمو وفتح ليها يديه زعما اجي عندي هي غير دار ديك لحركة تلاحت وسط حضنو كتبكي وتنخصص وتمسح وجها في كرشو وهو كيطبطب على ظهرها وراسها بشوية نطق بهمس وصوت حنين : ششششت بلا بكاء الله يرضي عليك خوتك ديما معاك

ملاك : زيدات يديها على قاميجتو من ظهرو وزادت في لبكاء : نمشي معاكم اخويااا هئئئ هئ هئ مابغيتش نبعد ع عليكم هئئئ عفااك