وردة يعقوب🌹مكتملة🌹

🌹الجزء 141🌹

❄🌺قصة : وردة يعقوب 🌺❄

🍂🍂 بقلم : نور الصدقي 🍂🍂

🍁 البارت : 141 🍁

جالسة في لوطو كاتشوف فيه كيفاش كيضرب كلها كترعد وتنخصص خايفة يقتلو مكتحملش تشوف شي مضاربة كتخلع بقى فيها هداك لي سخفان بدق بجهد ويعقوب كاتشوفو ولا كحل بالاعصاب كيضرب ولخوين كيفكرو والو روينة منوضها تم كي شي جبل كيدفعو فيه مكيتزحزحش شدات على كريشتها مخلوعة فتحات باب طموبيل بلاما تفكر ونزلات كتسرع في خطواتها عندو حتى قربات عندو كتبكي وتنخصص قلبها هشيش لحنينة ماتقدر تصبر وهي كاتشوفو كيضرب في داك الراجل قلبها ضرها وخصوصا كتفكر الى جاو لبوليس اكيد غايديو يعقوب لحبس تما غاتحمااق ليهم ديال بصح عقلها صغير مسكينة وماصور ليها .... وقفات حدا رجال لي شادينو ملور كيجرو فيه يالاه غاترمي يدداتها صغار تشد فيدو هز يدو بجد رجها لور بزعااف من هادوك لي شادينو عينيه منيشين على داك لي طايح باغي يكمل عليه
عطاها بجهد لوجه جمع ليها لحنك ولودن والرأس حتى غوتات بججججهد بحر الدقة وجات طايحة كونما يدين لبنت لي كانت مع لاخور في لوطو غير شافت شمس تشجعات وخرجات حتى هي تفك شداات شمس بزربة قبل طيح

يعقوب سمع غواتها جاها بحال السيف لقلبو ودنيه ولا كيصفرو دار بزربة لقاها شادة على وجها ولخورا شادة فيها لاطيح عرف راسو صلاها قلبوو تزييير طار عليها بزربة هزها عندو كيقلب فيها عينيه ولا بحال الدم صدرو كيطلع وينزل ركابيه فشلو وهو شايفها غاتسخف ليه بالبكاء

يعقوب: بلع ريقو ونطق بصوت مقهوووور وقاااصح كيخلع مدعدع كيقلب في وجها وليد تانية مدورها عليها : ااااش داااااك تنزلي اااش داك ياك وصيتك

شمس: كتنخصص مسكينة دوخها بدقة حنكها ولا حمررررر ودنها كتسمع فيها طننننننن : هئئئ هئ ضربتيني هئئئ ووجهي هئئئ نيفي هئئئ

عض على فمو حتى طير جلدة لشفتو كيقلب في وجها نيفاها دايز منو شوية ديال الدم هزها بزرربة للوطو قلبو باغي يخرج فتح لباب وحطها بلاصتها كيقلب في وجها لي لون تخطف منو بالخلعة

يعقوب: قستك فشي بلاصة منغير وجهك ؟؟ دووي وااش كاضرك شي حاجة شششت صافي الله يرضي على بنتي بلا بكاء وهضري ماتخلينيش نصعر عليك

شمس: هئئئ هئ هئ لا ضربتيني في وجهي ونيفي ووذني هئئئ يديك كبيرة قصحتيني هئئئ راسي ضرني

يعقوب : عنقها عندو كيبوس في راسها هز كلينيكس بزربة من تما كيمسح ليها في نيفها : ياك كلت لطاسيلتك ماتنزليش كون ضربتك بجهد كووون جبتك كاااو تما فيين نوليو فييين دوي

شمس: تكمشات خايفة مسكينة ودقة مدوخها وهادشي غير ماقصدش لا قصد ومدارش جهدو اما غايصيفطها لقبر نيشان نطقات بخوف وصوت رقيق : هئئئ هئ هئ ي يعقوب

يعقوب: نعل الشيطان وخا لداخل كيغلي باسها من راسها وشد ليها راسها خشاه في عنقو كيبوس في راسها وحنيكاتها : شششت صافي ماوقع باس انا نديك عند الطبية تشربي لماء ؟