وردة يعقوب🌹مكتملة🌹

🌹الجزء 94🌹

💎🌺 قصة : وردة يعقوب 🌺💎

🌨بقلم : وردة نور " نور الصدقي " 🌨

❄❄ البارت : 94❄❄

عند ملاك ووصال

راكبين في طرونسبور جلسو بلايصهم جبدات ملاك مراية صغيرة ومسكارة طلعات شفارها و دارت عكر مباينش ولكن طالق لون فاتح كيبري

وصال : وبراكة الدحشة راه يشوفك المدير تاني بهاد الوجه يضربها ليك هاد المرة بشي تقرير

ملاك : كتماصي في لعكر : ومكانش صباح يعني حتى دبا مغاديش يكون

حطهم طرونسبور ونزلو ملاك كي حطها قلعات الطبلية وزادو داخلين كيفرنسو ولي لقاو كيضحكو معاه ويتجمعوحتى صونات وطلعو لقسمهم قراو جوج سوايع ديال لفيزيك خرجو مع الربعة

ملاك : خلينا نتسناو طرونسبور حتال ستة
وصال : ولا الصحيبة راه مي حلفات عليا عرفاني غانخرج مع الربعة إوا خاصني نمشي نعاونها

ملاك : هههخخهه نتي تشقاي وانا نمشي نضربها بواحد لقيلولة حتى وكان نجي معاهم بليل

وصال : ياولاه حتى تقلعي معايا ديري يديك شمن قيلولة ولا قلاو.. استغفر الله مع هاد القوم
ملاك : غانعطيك واحد تحدي لي لمدة ديالو دقيقة يا ضحكيني ولا تخلعيني في قل من دقيقة بلاما تستعملي يديك ونمشي معاك بكل روح رياضية

وصال : ضحكات بمكر وهي كاتشوف وراها : ملاك المذير جاي
ملاك : هاهاها خلعتيني
وصال : دوري بعدا شوفي

دارت ملاك وهي تشرع عويناتها كيبان ليها داخل من لباب ديال الأساتدة باين يالاه جا وجهو معصب باين من طيارة

ملاك : ناري ناري ناري مك الحلوفة باك شيباني

جمعات لوقفة بزربة وجرات وصال كتخبع فيها
ملاك : زيدي زيدي غير لطواليت نلبس طابليتي

وصال : وغير لبسيها هنا حيث ملي ندورو غايقشعك

يالاه جات تجبد طابليتها رمات عينيها بلحس منورا وصال غير جاو عويناتها فيه شرعاتهم لقاتو منيش عليها وواقف برجولية فاتح رجليه يد دايرها في جيب ويد هاز بيها لكونطاكت يالاه غاتهبض عينها وهو يشير ليها بمعنى أجي

ملاك : عينيها مشرعين فيه وكتهضر مع وصال بزربة : تفوو حمار بغل قشعني اععع اليوم يعيط ليعقوب يحيد ليا تقبة الأنوثة ديالي يكزروني بجوج تجمعو عليا صاافي مشييت فيها
وصال : وصافي غير كوني قوية وسيري خلاص راه كيخنزر فيك
ملاك : بسم الله نتوكل على الله

زادت عندو كتفيبري وتعصر في صباعها وهو عينيه كي لقرطاس عليها حتى وقفات عليه وهزات راسها فيه كتبحلق فيه

ملاك : حم سلام أستاذ
رضى : وعليكم السلام أعيشة دويبة

ملاك : لا ملاك أوستاذ
رضى : خنزر فيها : فين طابلية ؟
ملاك : بدات دور في عينيها : في الشكارة
رضى : ايه وهما داروها تلبس ولا تدار في شكارة علاش مالبستيهاش ياك قلتها وعاوتها