وردة يعقوب🌹مكتملة🌹

🌹الجزء 5🌹

❄🌺 قصة : وردة يعقوب 🌺❄
💎 بقلم : وردة نور 💎

🦋البارت : 5🦋

رجع يعقوب لداار وهو معصب وعياان يدييه عطياه لحريق خلا يدييه هاكاك مداهاش فيها ،ديك ليلة منعسش بقى غير تيفكر خرج تنهيدة عميقة من أعماقو تتعبر على بزااف شاب فعمر صغير بزاف 19 لعام هاز مسؤلية أفكار تديه وأفكار تجيبو حتا داه نعااس صباح فاق بكري كيف ديما هز شي حاجة مندوك لفلوس لي بقات ليه من الارض لي بااع وخرج بكري مشاا لواحد لهري كبير تقدا سلعة ديال داار كلها وبزاايد من سكار، أتاي زيت تيد لحليب روز لعدس لوبية لحمص ...و لعضرية كل حاجة خدا منها خلص وخرج مشا لسوق خدا لخضرة و لحم و خدا حوايج جداد لخوتو كساهم حتا ختو صغيرة منساهاش وميمتو أما هومخدا والو لراسو لمهيم عندو خووتو هو كيلبس غا لقديم وحوايجو قلال مكيهموش راسو .. تقدا كلشي ورجع لدار شاف لحانوت محلول مشاا ليه خدا دانون وشي تخربيق ديال سقاطة لخوتو وليكوش لختو خدا داكشي لداار فرح خوتو دييك لفرحة لي تيشوف فعينين خوتو تتخله فرحان وخا متيبينش متيضحكش ولكن أهم حاجة إشوف خوتو وميمتو فرحانين حط داكشي وزاد خارج عمر لبوطة ومشاا خلص لماء وضوء
ودوك لفلوس لي بقاو عطاهم لمو تبقى تصرف منهم وقال لمو بلي غدي يطلع لطنجة يخدم ولكن رفضات بقى معاها حتا قنعها وجمع حوايجو و زااد شاد طريق لطنجة مشاا قطع لكاار وقلبو مع خوتو و مو ولكن معندو ميدير غدي يصبر خااص يصرف عليهم
يعقوب سافر لطنجة تماا خدم شي شهورة وديما تيهضر مع مو ويسول ف خوتو وهو مرتاح نسبيان من جيهتهم على الاقل غادي يتعاونو بلفلوس لي تتشد مو منعند ناس لي كارين عندهم بقاا خداام و تيكافح تما تلاقى ناس أشكال و أنواااع تيشوفوه بافي صغير ومتيهضر مع حد تيگولو مغلوب ولكن لي قرب ليه تيعطييه علاش تيدور متيخاافش واحد نهار بصدفة سمع شي دراري تيهدرو على شي باطو غدي يتحرك من تما بغاو إحرگو فييه مفكوش جوج دلمرااة مشاا تزاحم حتا هو وتكرفس و داحس حتاا طلع منبين دراري لي بغااو إغامرو ياربحة يادبحة دارها فيد الله وزاد وخا جاتو صعيبة يمشي معرف واش يموت ولا يفلت وااش باقي غدي يشوف ميمتو قصح قلبو وزعم عرف بلي إلى مكان ذييب إنهشوه لكلاب ، صبر على جووع ولبرد وخلا ربي يتصرف ف امرو فاش تقلع دااك لباطو وهوما كانو حداا ديك لفرفارة لي حداا لموطور يتزعزع شي حد فيهم يرجع كفثة غامرو وإلى نجاو رااه فعلا معجزة هو غيير تيشوووف و ساكت تيشووف دراري شي خايف شي تيبكي بلخووف هو جامد ف بلاصتو بقااو تقريبا سااعة وهوما ف رعب حتاا قرب لباطو يوقف يعني وصلو واحد من دووك دراري باين عارف قولب هادشي گال ليهم يالله دبا كل واحد يمشي يشوف حياتو خصهم ينقزو قبل يوصل لباطو ويكملو بلعومان لي عندو شي سوفل يباان داكشي لي كان بدااو ينقزو يعقوب نقز وزااد تيعوم بمهارة عندو سوفل لخريين كل واحد غادي ف جييه كل واحد تيگول راسي ياراسي. فاش خرج من لمااء لقى قدامو حيااة وحدة خورة تما تاني غدي تبدا ريحلة وحدة خورة ف حياة يعقوب لياام لولة بقاا بجوع ونعس غير ف زنقة ولكن ماشي غير هو لقاا منو عدااد كل واحد منين جاا بقاا هاكاك حتا لقاا شي دراري تعاشر معاهم خدمو ف
شلا خدامي من بينهم لمخديراات لي كيمشيو ويجيو بيهم وسط المدن الاسبانية وهنا غدي يبدا يتكون يعقووب واحد اخور لي اكثر قصوة وعنف

يعقوب من بعد ما بدا يدور لحركة ف اسبانيا هضر مع مو لي تصدمات فااش قال ليها انا ف اسبانيا بكاءت حتا عياات ولكن عارفة ولدها لي فراسو غدي يديرو طمنها بلي هو لاباس ولقى خدمة. هناا يعقوب غدي إولي مع النااس لي تيهربر لمخديراات ويديرو اي حاجة خارج لقانون بقاا مقاتل حتا داار بلاصتو ولا من أخضر الاشخااص ف هاد لمجال عليه طلب كبير من لمفياات ولكن هو مبغااش يغرق راسو كثر مهو غارق بفضل ذكاء ديالو .داير بحال شي ذيب بدا يكبر ف دومين دوز بزااف فديك لحيااة شحال من مرة هرب من لبوليس شحال من مرة تشد ف لحبس وخرج بحال شعرة من لعجينة لحاصول اي خطوة تيديرها تيدرسها مزياان عاارف راسو اش تيديير ولا يربح لفلوس صحااح تيصيفت لميمتو ويوصي على خوتو وقرايتهم دازو أيااام وشهوو وسنييين تبدلات فيهم بزااف ديال لحوايج اولها يعقوب لي صايب وراقيه ولا تيهبط مرة مرة لمغريب إشوف ميمتو ولا راااجل مبقاااش كيف كاان ولا واحد أخور ذيييب قراتو دنيا بزااف وقسحات قلبو ولا حجر متيرحمش عصبي بزااف يدييه سبقااه ديما ياوييل لي إدير معااه شي فوت ميعقلش عليييه ولا مگطر ومفورمي رااجل ضخمم أسمرلي يشوفو يزررع فيه روعب شوفتو قاصحة بحال رصاص عصبي وعنييف معندوش لخاطر لبنادم بمرة ولكن مكيظلم حد غير لي قرب لييه ولا نبش علييه معندووش يما رحاميني ولا معاشر مع لمافيات أي عملية ديال تهريب هو لي تيديرها بعقلو و ذكاو ولمكر ديالو وقوتو متياخاافش داخل للمافيا بوجه غير مكشوف تيدير قناع اسود على وجهو وليباس أسود حتا حد معارفو داخل بجنسية مزورة إسمو لحاقيقي حتا حد مكيعرفو مسمين عليه لوحش هدا هو الاسم المعروف بيه لوحش1

دااخل لمافيا بوجه غير مكشووف تيدير قيناع أسود على وجهو تيبانو غير عينييه لكحلين بحال نسر. وداخل بجنسية إيطاليا مسميين عليه لوحش نظرا لبينية ديالو ضخمة ولجسم ديالو لمعضل إنساان غامض زور كلشي على راسو نتاقل لروسيا بلاد ثلج ولمفيات لكبار وبضبط لعاصمة موسكو ختاار لعزلة داكشي بااش بنا لييه كوخ خاص بيه وسط لغابة مباغييش حس بنادم معندوش مع صدااع . تيدخل فلووس صحيحة خداا لمو فيلة زوينة ف لخرجة ديال مراكش ف بلاصة راقية وزوينة فيها غير لفيلات بلاصة نقية قراء خوتو ممخليهم مخصوصيين من والو أنوار ولا مقااول وهشاام دار تهندوس ولا مهنديس أما ملاك عندها لباك. بنسبة ليعقوب حقق حلم الاب ديالو وكمل قرايتو وولا راجل أعمال عندو شركة ديال تركيب سيارات هادي حياتو نقية اما حياتو سودا لي دارها بجنسية مزورة فهو مفيوزي خطير ولا راجل فعمرو 36 سنة زينو حررش خشن
💢رجوع للحاضر
منبعد لمكالمة ديالو مع الواليدة ديالو مشاا للكوزينة هز من ثلاجة لماكلة لي كانت واجدة في صشيات ديالها سخن داكشي وحطو ف طبسيل ودااه لديك لگلسة لي عندو ف لكووخ طبلة دايريين بيها زوج كراسة گلس وهز واحد لجيهااز كان فوق طبلة برك علييه وهو يطلع لخشب مندييك جيهة دياال لكووخ وبقاا غيير زاااج تيباانو لييه لمناضير لي براا وثللج منضر غزاال تيفتح نفس كلا حتاا شبع ورد داكشي للكوزينة حط داكشي تما وخرج تمشاا جيهت لفوطوي وتكسل فوقو بدييك لكسدة لي غير رجل منو ديير من لبطلة زووج 🙄 .هز تيليفونو ودووز لخط دغياا جاوبو شخص
شخص : حم سي يعقوب أهلا
يعقووب : هضر بدااك صوت ديالو لي غليظ ومدعدع بباحة رجولية غيير صوتو يخلق روعب : غداء نبغي طيارة تكون واجدة غادي للمغريب
شخص : هيا لولة سي يعقوب أحم شي حاجة خورا سي يعقوب ؟؟
يعقوب : وهوتيحك بجوج صبااع عنقو : ديير اش گولت لييك
يالله بغا يهضر لاخور قطع لخط معندوش مع كثرة لهضرة وشد ليا نقطع ليك
( الاتصال كلو كاان بالغة الانجليزية )