وردة يعقوب🌹مكتملة🌹

🌹الجزء 33🌹

❄🌺قصة : وردة يعقوب🌺❄

🦋البارت : 33 🦋

دخلو لعروسة لقاعة لابسة نفس الكسوة و لكن مع فورير فالبيض ساتر ليها صدرها و دراوعها اما حتى ظهرها ساترو شعرها الطويل

كاتمشا بحال شي اميرة هازة بوكي دالورد البيض وفيه شاريط بلغوز متوجهة لطابلة فين محطوطة كيك ديزاين متكونة من 5 ايطاج كبييرة و مكتوب فيها مبروك للعروسين بالبيض ولغوز

وقفات حداها و هزات سيف باش تقطعها و هي كتصور واقفين حداها عائلتها لي هي ماماها و عائشة و الحاجة فاطمة و البنات اما وراشيدة ونورة تكونو فواحد طابلة بحال لمعروضين مامبشورينش وجهم مبدل فيه لون
رقية مكونة حتى هي ممسوقاش

قطعات لحلوة وهي كاضحك كلات شوية من الحلوة و وكلاتهم تفرقات على الناس أما تا الخواتم ركبوهم قبل
كانت الاجواء مرافقة باغنية خاصة

شطحو وغناو وضحكو حتى
تجمعو البنات باش تلوح ليهم الورد لاحتو و هي كتضحك جا فإيد واحد لبنت من دوار لي بقات كتنقز فاش شداتو و هوما كيضحكو عليها

وصل لوقت تاخذ الوجهة لدارها الجديدة فمدينة جديدة مع ناس جداد وحياة جديدة معرفات تكون زوينة كيف تمنات ولا لعكس كيف ولفات
زرورة لي من بين مراسم العرس في المنطقة مداروهاش فقط لي جاب شي كاطو حطو الام العروس ولي جاب زرورة حطها ليها فيديها

بداو الناس يقصدو ديورهم شوية بشوية حتى بقاو غير مالين العرس وعائلت يعقوب بدا يصبح الحال لي عندو شي براهش منعسهم فواحد لبيت فدار لعرس ستامر حتال صباح وحطو ليهم لفطور لي لحريرة ضروري فيه

سرباية ولجوق و نكفات ولكوفرة وصحاب لقاعة كولشي تخلص من طرف يعقوب و بداو كيجمعو الماطريال ديالهم تا سالاو كولشي و شدو طريق كلا و الوجهة ديالو وشعلو معادا القاعة لي بقات حتى يمشيو الناس كلهم عاد يجمعوها

شمس لي حوايجها كلهم جمعاتهم ليها مها لبسات جوهرة فالأبيض بحزامها و لاحت عليها شال بذهي ومخلية شعرها مطلوق مع شربيل فرجيلاتها كلشي من لي جاها فدفوع كالسة معها ماماها فالبيت كتدوي معها كيف أي أم مغربية كتوجه بنتها على واجباتها الزوجية وخصوصا انا شمس عروسة لي هي صغيرة 16 وزيد انها خلاوها تنعازل على لعالم لخارجي من صغرها ماعندها صحبات لي تجمع معاهم ماعندها تليفون والو خلاوها بحال شي علبة خاوية

هاجر : كاتشوف في كبدتها لي ولات عروسة مبقاتش محسوبة عليها وغير لبارح كانت تراري بيها ليام كيطيرو وزمان كايجري ..كاتهضر و عينيها مدمعين على فراق بنتها لي ضروف دات مابغات ولمكتاب هضر بلاصتها وعطاها فهاد السن صغير : بنتي نتي دبا مبقيتيش صغيرة تبارك الله كبرتي و تزوجتي و دبا ولاو عندك مسؤوليات جديدة مبقتيش ديال راسك مديري تا حاجة حتى تشاوري راجلك ابنتي شوار شوار راجلك سمعي منو و لي قالها ليك ديريها ما ترديش عليه الهضرة و حتارمي عائلتو راهم ناس مزيانين مو ديريها مك و خوتو راهم خوتك ولي قاليك فوتيها فوتيها وماتسوليهش علاش هو عارف مصلاحتك فين كاينة عمرك ابنتي تخلي شي حد يدخل بينك وبين راجلك اي حاجة بيناتكم متعاوديها لحد كينين شي حوايح مكيتقالوش ابنتي سمعتي بينك وبين راجلك والى بغيتي تسولي على شي حاجة ماتسوليش منوالا سولي عكوزتك راها مرأة ضريفة ولا صوني عليا انا وسوليني دبا ناخد ليا شي تليفون صغير لابد منو دبا باش نبقى نسول فيك وتسولي فيا