وردة يعقوب🌹مكتملة🌹

🌹الجزء 154🌹

❄🌺قصة : وردة يعقوب 🌺❄

🍂🍂 بقلم : نور الصدقي 🍂🍂

🍷🍒 البارت : 154 🍒🍷

هز يعقوب عينيه فيها لوى لسانو في فمو جرها بشوية منورا ظهرها حتاها عليها ببوسة لدوك شنيفات لي مدليااهم كايبوس فيها بشووية منغامسين حتى تفتح لباب عليهم وهو كايشلقم فيها وإسحاق بيناتهم كايبجغط

تسمعاات شهقة بجهد تبعاتها غوتة وجرية ... ملاك لي داخلة مدرمة حتى كتلقااهم خدامين يعقوب كايشلقهم مع راسوو فالوردة ديالو لي مغمضة عويناتها مطيرها معاه .... شهقاات بجهددد مخرجة عينيها كاتبلع ريقها مع دااار عندها يعقوب بشووفة كااتخلع عااااقدهم لواحد دراجة مايمكنش عينيه كايخلعوو عاااض على شفتوو تحتانية بجهد صاااعر عدووووه لي يقاطعو وفماباالك بلي دمرمة بلا مادق ولا تأخد الإذن غير تململ يجمع لوقفة طلقاتها بغوتة وطاارت ضرباتها بجرية مخلوووووعة جرية وحدة حتى لدرووج ونزلاات كاطير فدروج مع طالون حتى كاتقرب تجي على وجها وتشد فراسها ناازلة كاتنهج ماوقفاات حتى لصالة فين جالسين تنفساات شهييق زفير باش مايعيقوش بيها ونيشاان دخلات تكمشات حدا رضى لي كايشووف فيها مصغر عينيه عرفها بيها شي حاجة

رضى : قرب راسو شوية عندها منزلو كايهضر بشوية باش تسمعو : مالك ؟

ملاك : هزات راسها فيه مبرققة عينيها لعسلين فيه ماكترمشش غير مصدومة نطقات بتلعتم : و واالو مادرت والو

رضى : هز حاجبو بمعنى تيقتك : شنو درتي تاني امم ؟ غااكري متخافيش

ملاك : بلعات ريقها ودورات عويناتها في خوتها لي شادين في عمتهم كايضحكو وقربات راسها لرضى كاتهضر ودير فيه شي شوفات زعماكين أنا بريئة : دبا أنا طلعت لفوق نشوف ولد خويا يااكا إوا يحساب ليا خويا يعقوب مكاينش ودخلت بلاما ندق في لباب و حم وولقيتهم كيتباوسو هو ومرتو وهربت عرفتي ويشدني دبا يعقوب ناااري غايرزيك فمرتك أرضى ونتا عااد تزوجتي مزال مادوزتي حتى أيام لباكور بقيتي فيا صراحة

رضى : خرج عينيه فيها صدماتو : دبا بقيت فيك أنا ماشي راسك ؟

ملاك : تبسمات ليه ببلاهة وحركات راسها بكل ثقة : واه حيث كايرزيوك فيا ليوم ونتا عاد عريس جديد مشكلة صافي

رضى نطق مقصح شوفة فيها : ولباب علاش داروه ناس ؟

ملاك : دورات عويناتها وعوجات فمها : ورااه والله مايحساب ليا كاين خويا و شمس أنا وياها موالفين هكاك فاش مايكونش كاندخل عندها ودخل حتى هي وعاادي

رضى :حرك راسو ونطق كايدوز على لحيتو : لا حول ولا قوة إلا بالله دخلنا عليك بالله وحدة مزوجة ودخلي لبيتها بلا دقان ؟ وخا عادي هي عندها حيث معندها ماتقول ليك تقوليك مادخليش ؟ لا ولكن راسك يقولها ليك وكون دبا جيتي فيهم خدااامين على ولادهم فشي وضعية لي ماهياش ؟