وردة يعقوب🌹مكتملة🌹

🌹الجزء 160🌹والأخير🌹

🍷🍒 قصة : وردة يعقوب 🍒🍷

🍂 بقلم : نور الصدقي 🍂

🍷🍒 البارت : 476 🍒🍷

بعد مرور 6 سنوات

في فيلة زوينة جنب لبحر في مدينة الناظور كلها زااج داير بيها صور وجردة كلها ورد وخضورية لكازو ومن جيهة تانية جردة كاطل على لبحر لي قررريب جا مور لفيلة

جالس مطفح فوق لفوطوي لي فجردة في ظل بطولتو قد سخط شعرو ولحيتو مرشوشين بشعيرات بيضاء خفاف وجسمو ضخم كلو عضلات لابس شورط أسواد وكلاكيط فرجليه فقط
هاز بنيتة صغيييورة مفايتاش عام تكون عندها عشر أشهر أية من الجمال بشعر زعيعر وعيون زوورق بحال سماء بشاء بيضااء طبوزية ولحنيكات مطيبزين شعر مسبسب بحال لحرير طايح على وديناتها أما لي لقدام مجموع بفيليل على شكل فراشة بالغوز قوي غير شعر مها وجمال مها نسخة مصغرة من شمس سبحان من صورها .... ملبساها ماماها كسيورة بنوتية غوز كاتبجغط وتخشى في باباها لي رااد معاها لبال هي كاتشوف في خوتها كينقزو قدامها كاضحك ببراءة جاالسة كيف الأمانة صغيورة فيدين باها لي عندو كي مومو عينيه لا هي لا خوتها

إسحاق جالس بحال شي راجل حااضي خوتو كلما كبر كلما زاد وضاح انه طالع غير ليعقوب كبر ودخلوه لمدرسة حتى هو ... دري مشاء الله مربي وخا قاصح وحاار إلى أنه مربي على يدين باه والوردة لحنينة ديال مو

وجوج وليدات صغار كايلعبو قدامو ولي هما خوتو توأم فهد و أسد متشابهين سبحان الله بشعر أسود وملامح سوداء بشرة بيضاء وعيون زورق مشابهين حد وعاد أخير لعنقود صغيورة ديال يعقوب لي جالسة فحضنو شابهة غير لمها دايرليها سكاتة ففمها

إسحاق: بابا شوف وردة كاضحك

يعقوب: حدر عينيه سوود لبنتو وردة ولي فعلا لوردة ديالو تانية منبعد لولة ولي هي لبرهوشة ديالو : حاضية فهد و أسد

إسحاق: عطيها ليا أبابا نشدها شوية عفاك

يعقوب: شير ليه لفوطوي لي حداه بعينيه حتى هو فهمو جلس ومد يدو حطها ليه يعقوب بشوووية خايف طيح رااد لبال حطها فيدين خوها لي باسها فراسها بحب ويعقوب بالو غير معاهم ومع توأم ديالو لي مكيزكااوش

إسحاق: زوينة ختي مشاء الله
يعقوب: شاف في وردة لي جاالسة بحال الامانة كاترمش ببراءة وتضحك لخوتها : بحال ماماك

فهد : ماماا
اسد : ماما وي وي كيك شوكولا

دور يعقوب عينيه لوردة ديالو لي جاية هازة طبيسلات فيهم لكيك بالاكريم باارد كل واحد بطبسيلو جاية كاضحك بداك لوجه طفولي سااحر لابسة تيشورط ديال يعقوب وشورط حد لفخاد مع كلاكيط دايرة ظفيرة على جنب باينة مدوشة ريحت لباندوش كاتعطعط منها

حطات لبلاطو على طابلة لي تما قرب فهد وأسد شداتهم كاتبوس فيهم غسلات ليهم يديهم من نافورة لي تما وجلساتهم وكل واحد مدات ليه طبسيلو ومعيلقة خدات وردة عندها كاتبوس فيها بحب جبدات صدرها لبيض عطاتها كاترضع وجلسات حدا يعقوب لي عينيه هاايمين فيها وفي ولادو الأربعة

شمس: شافت فيه بحب : تنزلنا لبحر نتبحرو الحبيب ديالي

يعقوب: باسها من خدها بحب : حتى يبرد لحال شوية

أسد : وأنا أبابا
فهد : وأنا
إسحاق: وراه بابانا كلنا إذا غايهبطنا نعومو كلنا وحتى وردة

شمس: هههه
يعقوب: غمزها : كاضحكي الشبر ونص
شمس: كانبغيك
يعقوب: قرب خطف بوسة من شنيفاتها صغار مخلي ولادو ملاهين مع لكيك : وردة يعقوب قلتها ونعاودها لقلب بغاك وهذا كواك دخلتي ليا مع لعضم الشبر ونص لقلب وعقل ديتيهم نتي

شير لمعلم مخليها تحماار في بلاصتها ملقاش ليها جهد يتكيها ولا يخسر لهضرة داكشي حيدو في وجود وليداتو حتى كايقنتها عاد كايفدي فيها لقديم وجديد كايحمد الله ويشكرو على لوردة لي عطاه ولي منها جاب ربعة ديال لوليدات لي هما نور عينيه إسحاق أسد فهد وردة

واخدهم في عطلة لشمال مخلين دار مراكش لي لعائلة كاتكبر ولحفايد معمرين دار مفرحين عائشة بنت هيشام جوري ولاد أنوار هارون و فاروق بنت ملاك غزل وحاملة بطفلها التاني ياسين هو لواحيد لي مزال خااوي راسو من زواج

❤

❤

❤

🍒 النهاااااية🍒

🍒❤ نهاية قصة وردة يعقوب ❤🍒