وردة يعقوب🌹مكتملة🌹

🌹الجزء 137🌹

❄🌺قصة : وردة يعقوب 🌺❄

🍂🍂 بقلم : نور الصدقي 🍂🍂

🍁 البارت : 137 🍁

كانو ربعة ديال لعيلات جوج هازين طباسل كباار ديال الطوس فيهم ثمر معمر بالكركاع وجوج هازين بلاطوات فيهم كيسان ديال لحليب كيقدمو للعروس وأهلها كترحيب لكل كلا من الثمر وشرب من لحليب زادو بلعروسة لدار لداخل هي ولي جاو معاها دخلوهم لواحد صالة كبييييرة مفرشة بالون الأزرق ملاكي فبها ثريات كبااار وسراجم كبار لخوامي ديالهم بذهبي وثلاثة ديال طبالي لوسط كباار منقوشين بذهبي ولكود ليها كاينة صالة قدها مفرشة بالاحمر ملاكي بنفس طباليو ولون لخوامي

دخلو الرجال لصالة ولعيلات لصالة لي كودهم ولي فيها بلاصت لعروسة معلقين زربية صفرة في لحيط كلها موزون ولمخيدات ديالها مع لورد من جنااب جلسو ملاك تما وعائلتها دايرين بيها
جابو ليهم لمغسل غسلو يديهم وعطاوهم لفوطة مسحو وتحطو صوااني ديال أتاي ولفاكية ولحلاوي حتى سلاو وتحطو نص من لحوالا مشوين مفرشين ليهم لخص ولخضرة من جناب تبعووهم ذجاج محمر والسفة عاد باش الديسير
كلاو وشبعو عطاوهم غسلوو وقالو ليهم ينوضو يخرجو لبراء فين كاينة لفراجة خرجو لعروسة بصلاة والسلام ولعريس شاد فيها كانت لبرزة ديالها في لخزانة برزة بالابيض ولورد مرشوش من جنااب ولحيط ديال لبرزة كللو منبت بالورد جلسات لعروسة في لخزانة لي كانو فيها غير لعيلات ولبنات باس رضى راسها وناض لخزانة لي مقابلة معاهم كانو فيها رجال جلس حدا يعقوب وانوار وخوه وهيشام شدو بلاصة وحدا كلهم يعقوب حاضي غير مرتو بعينيه لي جالسة حدا مها وسلمى وكوثر ووصال راجين لور باش ميبانوش لرجال وصاها يعقوب فين تجلس

لوسط بين لخزانة ولخزانة كانو مفرشين لحصاير وزرابي حمرين كبااار و لفرقة لموسيقة حاطين لماتيريل ديالهم مقادينو ها لي هاز لكمانجة وها لي هاز لبنير ولي هاز دربوكة كول واحد حاط قدامو الألة لي كيعزف ولميكروفون قدامهم تسمع صوت لموزون كلشي دور راسو لجيهت شيخات لي جاين ولموزون كيتحرك معاهم شيخان الأطلس بلباسهم ليموني ولموزون مدورينو على تراميهم ومور ظهرهم جاين حفيانين كل وحدة ياوحدة عيلات طول في لعرض لوجه مماكي وشعر مجقبوط بفيليل شدو بلايصهم ووحدة منهم شدات ليكروفن

بدات لكماانجة مكاين غير الله يعطيك الصحة

يعقوب: نطق وعينيه منيشين على فين جالسة شمس : لي ماعندها موزون تسلفوو

نطق فيصل عينيه على شيخات ريوقو سايلين : الله الله شيخات دوريجين هادو تعطي لغرامة ونتا فرحاان غانووط نعلق ليهم الإخوان

يعقوب: دار خنزر فيه ونطق بصوتو لغليض لخشن : شد الارض

فيصل جلس بلاصتو قاطع لحس حتى تسمع صوت امازيغي لبحة ديالو ترددات في لمكان كان صوت الشيخة لي لكل تنغم معاها رجال حلو فمهم لكمانجة على جهد والشطيح ولكلام لموزوون بصووت الشلوووح زغاريت منعند لعيلات كيتردد صداه في لمكان