وردة يعقوب🌹مكتملة🌹

🌹الجزء 121🌹

❄🌺قصة : وردة يعقوب 🌺❄

🍂🍂بقلم : نور الصدقي 🍂🍂

🍁 البارت : 121 🍁

ملاك : االو
رضى :نطق برجولية : على سلامتك ملي جاوبتيناا
ملاك : بغنج : الله يسلمك
رضى : مال الحب معفر ؟

ملاك : لااا انا متوااضعة
رضى : ياك الالة علاش مكتجاوبيش شحال وانا نصوني ؟
ملاك : بتلاعب : ماسمعتوش خليت تليفوني لفوق
رضى : اش كاديري
ملاك : والو عاد فطرت وغانخرج نشري شي حوايج
رضى : بوحدك ؟!
ملاك : لا بنت عمي ومرت خويا
رضى : وخا الالة بصحة ...كثري ليا من المعري
ملاك: خرجات عينيها : ويلي على ممسووخ
رضى : لمسخ هو لي غاتشوفي معايا غير بلاتي نجيبك لداري
ملاك : اخويا انا مابقيتش بغيت نتزوج

رضى : خووك ؟ كون تشوفي اش باقي تابعك مع هاد خوك تحشمي صراحة

ملاك : خاصني نقطع
رضى : فاش ترجعي صيفطي ميساج نصوني جااوبي
ملاك : اوك يالاه بااي

قطعات عليه كتفرنس وزادت لماريو هزات من لفلوس لي عطاها دارتهم في صاكها وزادت خارجة من البيت دازت على بيت خوها انوار ودقات حتى سمعات الاذن ودخلات عارفة بلي مكاينش خوها لقات سلمى واقفة حدا لكوافوزة كتماكي لابسة كسوة ديال لخيط مزيرة بلكرونة تحت ركبة مع ليبا بالاسود مقطنة وليبوط قصير جامعة شعرها من لقدام وخلاتو مطلوق

ملاك : ساليتي
سلمى: وي ساليت كي جيتك يالالة

حققات ليها ملاك مزيان في وجها دايرة ليكخون ومجبدة عينيها بالايلينر ومكحلاهم بقلام ابيض دايرة فغاجو وشوية عكر ماط حدرات عينيها لكريشتها لي بدات تبان شوية بحالا واكلة بزااف

ملاك : جيتي زااز ياختشي يالاه زيدي قدامي باش نرجعو بكري

سلمى: هزات تليفونها : زيدي خاصني نرجع ونصبن شي حوايج ديال انوار

خرجو من البيت هبضو لتحت كيقلبو على عائشة حتى تمات خارجة من لكوزينة محزمة بطابلية

عائشة: ماتعطلووش ونتي سيري وزلعي فلوسك في لخوا لخااوي كتشري غير داكشي لي مامنوش
ملاك: وامي راه كنشري داكشي لي عجبني وخاصني

عائشة: خودي غير شي حاجة وخلي لباقي غدا غانخرج معاك
ملاك : لا امي نتي كتختاري لياا غير داكشي لي لا علاقة بغيت نشري بوحدي خليوني في خاطري ولا ندير بناقص منشي زواج والله حتى نديرها راكي عرفاني مقطعة لوراق نعيط ليه نقوليه اجي طلقني

عائشة: دايرة يديها على جنابها : ياك المجعوفة سيري سيري زلعيهم انا ماشغليش لي عليا ناخد ليك ذهبك خوك وصاني وعطاني لفلوس حتى نخرج وناخد ليك شي سرتلة وشي ذهب يحمر لوجه اما شراوط سغلك هداك

ملاك : حلفي غاتاخدي ليا الذهب انا نختار عفاك امي

عائشة: سيري حتال غدا