وردة يعقوب🌹مكتملة🌹

🌹الجزء 86🌹

💎🌺قصة : وردة يعقوب 🌺💎

🍁🍁نور الصدقي 🍁🍁

🍂🍂البارت : 86 🍂🍂

لاجودان: ضحك بتقالة : أايه من أين داك الشبل من داك الأسد

جبد تليفونو لخاص كيقلب فيه حتى لقا نمرة لي بغا ودوز لخط بقى شوية حتى سمع صوتو الجوهري

لاجودان: سلام عليكم باا يعقوب

شمس مع سمعات سميتو قلبها طااح دورات عينيها لملاك لي كثر منها لا هي لا وصال

عند يعقوب

لي كان صايك عااقدهم كيف عادتو كان في بني ملال عاد وصل لمراكش وشاد طريق دارهم حتى صونا تليفونو جاوب بصوت مدعدع

لاجودان: اباا يعقوب كيف الأحوال

يعقوب: نحمدوه أسي جواد

لاجودان( جواد ) : الحمد لله وا دوز دوز عندي لابريكاد

يعقوب: زاااد خنززز اول من طاح في بالو هو هيشام و ياسين : حاجتي تماا ؟؟

لاجودان: أيه الأخت الصغيرة ولمدام وبنت عمك

يعقوب: ودنيه بداو يصفروو ممتيقش أش كيسمع دار واااحد تخنزيرة عروق جبهتو وعنقو في لبلاصة تنفخو وزراااقو يديه عروقها تجبدو وجهو في لبلاصة رجع كحل عينيه ولاو حمرييين ماعرف ولاش شي حد تبسل عليهم ولا دار ليهم شي حاجة ولا ضربهم شي حد معرف باش تبلا نطق بصوت غليض قاااصح ومزييير : هما بخير بناتي بخير ؟؟؟؟

لاجودان: بخير بخير كلهم غير تشادو مع واحد سيدة

يعقوب: أنا جاي
مع قالها وقطع دور روايد بزربة حتى تحكو في الأرض مخلي دخان من وراه زاد طاير وجهو كحل مكيبشرش بلخير مكانش بعيد بزااف على لابريكاد ومع غادي طاير 10 دقائق لاقاتو تما خارج من طموبيل بحال شي وحش كيخلع زاد داخل نيشان جيهت مكتب لاجودان جواد حتى لقا لمختار والراجل لاخور جاسين على لكراسة لي في لباب
لمختار لي غير شاف يعقوب وقف عندو : ولدي يعقوب

يعقوب ودنيه كيسوطو مسمعوش زاد حل باب لمكتب بلا دقان بلا والو دخل بحال شي ثور خلا لي تما كلهم هزو عينيهم فيه داخل قد سخط بطولتو وتكضيرة ديالو كيخلع بحجمو أما هو دور عينيه عليهم بزربة كيقلب عليها حتى قشعها مخشية في ختو

لاجودان: يعقوب زيد جلس

شمس: هزات عويناتها فيه وبدات تبكي ناضت عندو بزربة كتنخصص وترمش فيه بواحد نظرة كتقطع في لقلب نطقات بصوت حنين مرعد: هئ هنن ي يعقوب هئ

يعقوب: بزربة جرها عندو خاشي ليها راسها في كرشو وعنقها عندو أكثر وهي كتبكي هز راسو في جدارمي لي تما وزااد كمش جبهتو حجبانو مقرونين وعينيه حمرييين جدارمي غير شافو حدر عينيه مبغاش يجبد صداع لراسو