وردة يعقوب🌹مكتملة🌹

🌹الجزء 90🌹

💎🌺قصة : وردة يعقوب 🌺💎

🍂🍂بقلم : وردة نور "نور الصدقي " 🍂🍂

🍁🍁البارت : 90 🍁🍁

شمس: حركات راسها باه وببراءة نطقات : صافي تعلمت اماما منبقاش نعاود
خديجة: هههه حتى وصلتي المشة لمخزن عاد تعلمتي
شمس: كنا غانمشيو لحبس هههههه

عائشة: ههههه فعايل بنتي وديك سليعفانة حتى هي وخا ماعندهم صحة ميتفاكوش

شمس: تفكراتهم : فينهما ملاك ووصال
عائشة: راهم في لبيت لفوق
شمس: وقفات : أنا نمشي عندهم

عائشة: شوية وهبضو نحطو لعشاء

زادت طالعة حتى تلقات ب هيشام و ياسين هابضين وكيدافعو
ياسين: واش أنا والدك وناسيك عطيني اخويا شبر تيساع
هيشام : إوا والله لاكانت ليك شي ياكل لحلوة وشي يجلس يحكو مع لحيط ازين بربي لا كليتي هاد لحلوة ليلة كتفقص فياا

ياسين : وااكلها موووت
هيشام : إوا غير سير الى ماوصلتهاش لصعصع يقلع لمك بيضاتك مانيش خوك
ياسين: كيجر في تريكوه : هااا لعار اخويا فين كتعرفني مصيدني معاك عطيني شبر تيساع

هيشام : كيفرنس ويفقص فيه : لا والو وتقول غا زيد تكمش وتشرب لحريرة ونسا لكوا
ياسين يالاه بغا يخسر لهضرة بانت ليه شمس طالعة وكضحك ببراءة عليهم

ياسين : ها هي قنبلة هيرو شيما كضحك فينا يالاه هادشي لي بغيتي مضحك فينا مرت صعصع

شمس: كضحك حتى يتغمضو عويناتها ولغمزات تحفرو : هههه سلام
هيشام: كيضحك لضحكتها لحلوة : مرت لخوادري أهلا وسهلا كيف الأحوال
شمس: تبسمات ليه حشمانة : انا لاباس وعلاش كتخاصمو هههه

ياسين : زين ماعندكمش شي وحدة في لعائلة بحالك أنا مزااوك
هيشام: دفعو : ريح أصاحبي
ياسين: بعد مني خلينا نقلبو على رزقنا
رجع شاف في شمس : ماتديش عليه وكولي ليا واش كاينة
هيشام: أبغيتو يسمعك الحمار زيد زيد خلي هاد توت يتسارا كيف بغا يخرج يشوفنا حابسين عليها طريق يحبس لينا دورة دموية

شمس: بقات غير كضحك كيضحكوها زادت لبيت ملاك كتفرنس دقات في لباب ودخلات لقاتهم جالسين ملاك مجبدة على ناموسيتها وهازة مراية صغيرة كتشوف في وجها وتعوج ووصال حتى هي شادة سريرها كتفرج في تليفونها كانو جوج ناموسيات أنثوية بلون غوز في لبيت ديال وصال وديال ملاك تقول تويميات ماشي بنات لعم
شمس: هاني جيت

ملاك: شافت فيها كضحك : يا لصفريطة صفرت سيفة درتيها وخليتينا واحلين فيها

شمس: جلسات حداها ونطقات بعفوية : هههه كليت لعصى
وصال : ناضت جالسة : حلفي
شمس: ببراءة دلات شنوفتها بغات تبكي: اه ضربني
ملاك: إوا شيباس مكاين حتى انا ووصال مرمقنا

شمس:خرجات عويناتها: هييي واش ضربكم بحالي

ملاك: الله وعلم شمن ضرب كليتي نتي ولكن حنا جمع معانا بتصرفيقة وركلة شوفي وجهي