وردة يعقوب🌹مكتملة🌹

🌹الجزء 49🌹

❄🌺قصة : وردة يعقوب🌺❄
💎 بقلم : وردة نور 💎
💎BY : Ama Mery💎

✨البارت : 49✨

مشات وصال قاصدة بيت هشام كتحس براسها متوترة فوق القياس و راكباها الخلعة بحالا غادة تجاهد واخة كتشوفو كلا نهار و مربيين مجموعين مي شعورها تيجاهو غير قلبها دق ليه من و هي صغيرة واخة عمرو بين ليها شي حاجة و عمرو عطاها أمل و لا تجاوز معاها الحدود ... حب بريء غمر قلبها ... تنهدات كتبغي تحاول تقرب منو و لكن كتخاف فنفس الوقت ... ما عرفاش واش يقدر يبغيها شي نهار ... زعما ما ياخدش عليها نظرة خايبة حيت عينيها فاضحينها ... ولكن كتحس بلي تا هو منجاذب ليها هي ماشي مكلخة باش متعرفش معنى شوفاتو ليها .... نفضات هاد الأفكار من راسها منين شافت راسها وقفات قدام بيتو هزات يديها لي كانو عرقانين من كترة ما كتحكهم مع بعضياتهم ... دقات فالباب بالشوية... تا رجعات اللور فاش حل الباب

هشام لي غير شافها هي لي عند الباب توسعات ابتسامتو و حط ذراعو على قنت الباب ناطق

هشام : وصال زارتنا البركة

وصال : هنن م أ د ش شكرا

هشام : ؟؟؟ أ مالكي كتفتفي بشوية عليك

وصال : "حسات بالإحراج ما عرفاتش مالها ولات غير كتفتف واخة تكون غدوز الباك ما ديرش هاد الحالة" احم مهم قالت ليك خالتي عائشة واش تقدر تخرج تجيب سيليا واحد البنت صاحبتنا من دارهم حيت ليل دابا و متقدرش تجي بوحدها باش تحضر معانا غذا

هشام : أه ما كين تا مشكل أنا نبدل و نمشي و لكن فين ساكنة بالضبط ؟

وصال : "بدات كتفكر هي ما عرفاش فين ساكنة و تا ملاك تا جا فبالها أنور لي وصلها ديك لمرة" آه راه أنور عارف العنوان قولها ليه يعطيه ليك صافي

هشام : واخة صافي "شاف فجنابو دنيا خاوية... قرب وجهو ليها كتر و هز يدو قرص ليها حنكها لي كان تزنننك من قربو الكبير ليها جاتو كيوت " تهلاي فراسك أ شنيولة

وصال غير طلق ليها حنكها طارت من حداه و هي كتحس بحناكها سخاان و قلبها كيضرب بالجهد و الابتسامة كتبقا تفلت ليها

أما هو ضار داخل كيضحك تا ضرب على جيهة قلبو تلاتة الضربات و تنهد بالجهد قايل

هشام : ياو قلبي داتولي بنت العم

.................................

وصلات عند ملاك لقاتها غتنتف شعرها غير قشعاتها جرتها بالجهد

ملاك : يا الحمارة مخلياني نتسنا ساعة هنا امالك صيفطناك تقولي ليه و لا تولدي معاه ... تعطلتي بزاف الخرية آاو

وصال : و بالشوية أ صاحبتي تي مالكي راه دغيا قلت ليه هو لي شدني بالهضرة

ملاك : همم شدك بالهضرة و لا بشي حاجة آخرة غيري شفتك مزنكة "قرصتها تا زوكات