وردة يعقوب🌹مكتملة🌹

🌹الجزء 84🌹

💎🌺قصة : وردة يعقوب 🌺💎

🍁🍁نور الصدقي 🍁🍁

🍂🍂البارت : 84 🍂🍂

دخلات لكوزينة عمرات كاس ديال لحليب وطرف ديال الحرشة دهناتو ب لفرماج دارتهم في بلاطو ومشات حدا ماماها جلسات كتفطر

هاجر : لي مقابلة بنتها مسخياش بيها وكتقنع نفسها بلي هادي سنة الحياة : يكما مريضة أبنتي نعستي حتال هاد الوقت
شمس: لا أماما غير ماحسيتش وصافي

هاجر : وخا الحبيبة ديالي يالاه فطري مزيان
وصال : كلي معايا أماما
هاجر : غير فطري أبنتي انا فطرت كولي ليا احبيبتي نتي مرتاحة يعني واش مرتاحة مع راجلك بغياه ؟
شمس: بخجل : أه اماما
هاجر : تبسمات ليها : الله يسكم سعدك و يفرحك
شمس: باستها في خدها : أمين الله يخليك لياا الحبيبة

هاجر : ويخليك ليا أبنتي لمرضية أنا نوض عندهم لكوزينة نشوف واش كاين فاش نعاونهم نتي فطري
شمس: وخا أماما غير نكمل فطوري ونجي نعاونكم

هاجر : ناضت : وخا أماما يالاه غير كملي فطورك

بقات شمس كتفطر حتى دخلات عليها لحاجة فاطمة

لحاجة: أصبحتي منورة العروسة ومشيتك ماهياش ياك لاباس
شمس: تبسمات ليها ببراءة وحدرات عويناتها وهي حشماانة وجها طبع بالاحمر نطقات بخجل : أنا لاباس
لحاجة : شادة فيها : ومالك ابنتي فاش كنتي نازلة كتلوحي رجل بزز يكما راجلك ضربك لرجلك
شمس: عضات على شفتها بدات تفرك في صبيعاتها شداتها لبكية من لحشمة : هنن لا أخالتي غ غير ت طحت في دروج وضراتني شوية صافي

لحاجة : ولايني هاد دورج ميسواش لمطور عندو مجهد
شافت وجها غيطرطق ولات حمررررة فريزة نيت بدوك لحنيكات وحلفات حتى تشد فيها

لحاجة : إوا أبنتي راجلك مقال ليك والو
شمس: هزات عويناتها فيها ونطقات بصوتها رقيق : لا
لحاجة: و ا هو قال شهر ويطلقك مباغي زواج ها هو الشهر داز
شمس: خرجات عويناتها ونطقات بصوت حنين مرعد : و واش غيطلقني ؟
الحاجة : أغير كانضحك معاك يعطيك الربح هو قالها قبل يشوفك إوا دبا نجبدها ليه يجبد عيني
شمس: مدلية شفيفاتها : هو قالها أخالتي ؟
الحاجة : حادرة راسها على تليفونها مصغرة عينيها بغا دوز نمرت ولدها فيصل جوبات بلا ماتشوف في وجه شمس ولا تحس : قالها المصعور لاخور قالها كالك واش نديرو في برهوشة وهو دبا مخليك ماقدرة تجمعي رجليك باينة مبيتو فيك ابنيتي ماشي غا دارو فيك

شمس: ناضت بشوية هازة لبلاطو لي فطرات منو غادية مدلية شنيفاتها باغة تبكي وصابرة دخلات لكوزينة لقات ماماها و عائشة وخديجة جالسين كينقيو في جلبانة تبسمات ليهم و حطات لبلاطو بدات تغسل لماعن لي كانو في لافابو و هي كتسمع ليهم مجمعين حتى سلات

شمس: بصوت حنين : خالتي ندير شي حاجة معاكم
عائشة: لا أبنتي لغدا راه كيطيب و لمسمن طيبناه غا شادين لحتيت
بهاد جلبانة