وردة يعقوب🌹مكتملة🌹

🌹الجزء 29🌹

❄🌺قصة : وردة يعقوب🌺❄

🦋البارت : 29🦋

قفزو كلهم
دارو كيشوفو فمصدر الصوت حتى كيبان ليهم سي يعقوب بعظمته واقف عااقدهم مخنزززر وساخط على الوضعية شوفة فيه تعرفو خااسر واقف في لباب و داير شمس قدامو و هي كتشوف فيهم بواحد البراءة تحلف عليها ماشي هي لي مخلية القيامة من وراها
اما هو كي جبل وراها بركاان

هاجر مارجعات فيها الروح حتى شافت بنتها قدامها و فرحاات قلبها تفاجا عليها واخا مزال مافهمة والو و أش كدير شمس مع يعقوب و أش جاب يعقوب أصلا ياك مغيحضرش العرس على قولت عائشة مو شافت شوفتو خلعها

تساؤلات كثيرة طاحوا فبال عائشة و الحاجة و وصال و ملاك ماشي غير هاجر بوحدها

أما العقرب و مها صفاارو مفهموش آش وقع ماشي هادشي لي كان فبالهم وعلى البرهوشة واقفة قدامو بلا بكاء

نورة حسات بطعم صدا في حلقها شنو واقع وشنو جرا كيبان ليها كلشي مزيان ماشي كي بغات
راشيدة تففات تزعزعت من بلاصتها وكحلات بلعمى
واش زعما هاد الثور يكون عاق بيهم لالا مايمكنش

راشيدة : كتحاول تخفي خوفها : بنتي الحبيبة فين ماشية و خليتينا مهولين عليك خارجة مع نبوري تسلتي معلمتينا ما والو خفنا توقع ليك شي حاجة اش هاد لفعايل ابنتي

يعقوب عض على فمو بفقصة و شاف فيها واحد شوفة ديال الاستهزاء عرفها تاهي داخلة فالتقحبين مع بنتها ميدوزوهاش عليه

يعقوب : عينيه منيشين على راشدة بنضرة كاتخلع : فعايل بنات لحرام وفعايل لقحااب ماعنديش معاه بغياني نقرط زاامل بوك
كلشي لي تما خرجو عينيهم من تخصار الهضرة

راشيدة : مفهمتش شكتقصد أولدي واش هاد لهضرة راني فمقام ميمتك
يعقوب : " خنزر فيها و ضغط على سنانو كيحس بيها كتستحمر فيه و دوا بنبرة كتخلع كاع لي تماك تزعزعو طلق من شمس و زااد مقرب ليها مشربن ومخرج عينيه " متقارنيش زاامل لي حطك بميمتي انا اشنوووو قلت شنوووو ياك قبل مانقاود قلت مرتي ميقرب ليها حتى شي قواااد
راشيدة :كاتشوفو قاصدها لبولة طلقاتها : أ ا و لك..
خرج فيها عينيه تا تفافات وهز رجليه ركل واحد لكرسي صغير بجهد جابو ليها فركبتها و رجعات لور وحلات ليها الهدرة وكتشهد

قلب عينيه و
مشا قاصد نورة هي اللولة و هو كيتفكر الحالة لي كانت فيها شمس وداك سكايري لي قرب ليها كيزيد دمو يفور ويغلي أما هي خلعها بدات تبكي عرفاتو عاق بيها تا جات بغات تهرب هز رجليه عكلها جات مكربعة على وجها تزدحات بجهد حتى حسات بصدرها تزعزع شهقات بوجع

كاشي لي تما خرجو عينيهم مخلوعين تصدمو عرفوه غايعضبها من كترة ما رجع كيخلع و جسمو ضاعف بالأعصاب وحتى لي يتشجع يقرب ليه يفكها والو هوما كاملين مغيقدوش عليه وزيد مكيقشع والو قدامو لي قرب يجمعو