وردة يعقوب🌹مكتملة🌹

🌹الجزء 149🌹

❄🌺قصة : وردة يعقوب 🌺❄

🍂🍂 بقلم : نور الصدقي 🍂🍂

🍁 البارت : 149 🍁

نهاار جديد

صبااح بكرري فاقو دراري هيشام و ياسين ولحاجة فاطمة فطروو مع لفجر وحطو كلشي ف طموبيل من طباسل لحلاوي ولفاكية وطيفاار فيهم لهدايا ديال ملاك من جلالب لحوايج لقفطان ذهب وشلا حوايج حطوو كلشي ف طموبيل ف لكوفر ولكوسان لور شي حاطينو فوق شي ولحاجة شدات واحد جهة وهيشام صايك وياسين حدااه زادو شادين طريق بكررري يالاه فات لفجر بشوية باش عاد يوصلو لخنيفرة شوية بكري دايرين مع السيد لي شراو من عندو لحولي تما نيت ف خنيفرة غايلقاوه تم بلبيكوب ديالو يوصل معاهم داك لحولي

فحين خلاو لباقي ف دار بااقين ناعسين منغير يعقوب لي فاق توضاء ومشا لجامع لي قريب ليهم صلا صلاة الفجر ورجع ادراجو لدار قلع حوايجو وتخشى حدا لبرهوشة ديالو حتى يوصل ليه وقت لخدمة

مافاقو حتى ل 8 لكل داير ب طابلة ديال لفطور كايفطرو بسكاات غير أنوار وسلمى ويعقوب حداه شمس وخديجة من جيهة تانية

............

في مكان تاني وبضبط نواحي بني ملال في دوار لي مولفين لفيااق بكري على صوت دجاج ولبقر بنادم كاينوض يحلب ويسكي لماء ويشطب باب دارو شي غادي لسوق وشي غادي يدفع لحليب كايديرو كلشي قبل ماطلع شميسة لكن لجو كاان ديال شتاء لغيوم وريح بااارد كل واحد وشغلو كل واحد وشنو كايدير وكاين لي مزاال جابد عليه نااعس خصوصا لوليدات مع لعطة شاادين ديورهم وشابعين نعاس

قدام باب داار مصطفى كاان وااقف سعيد كايكمي متكي على لحيط مكروازي رجليه لابس سروال كيطمة كري مع تريكو كحل عينيه مجبديين بااين عااد فاق من نعاس باغي يكمي باش يدخل يفطر عاد يمشي يقضي شغلوو متكي على داك لحيط بطولتو معضل بااينة فيه لفورمة ديال لبوليس وهو هكاك مخنزر فايق خااسر مع مشاكل داار مو لي ديما كاطبل فوق راسو على ختوو لي مكرفسيين عليها نااسها هو كايدير راسو ماعلا بالووش ولكن لعكس قلبو وااكلو على ختو وخا هو كاعي عليها ومبقااش حامل يشوف وجها هي لي خانت تيقتوو مشات مع شمااتة وهزات كرش لحرام في علاقة كلها حراام ومع شمكاار لا خدمة لا ردمة لا نفس ديال رجال نهار ساق لخباار كفر عليها كان غايقتلها كونما نااس فكوها منيديه ورغم دالك نهار جاا داك شماتة يتزوجها رفض مبغااش ختو تكون ليه مرأة لكن هي عصاات كلام خوها باغي عاااقل خيرها بين دار بوها وهو يصرف عليها وعلى ولدها اما إلى مشات مع شماتة تنساااه بلي خوها وهي بكل برودة خرجات وعطاتو بظهر ف الأخير ندمااات وليوم ساق لخبار بلي ولدات بنت
كايقصح قلبو حتى يعياا وينكر إلى قال مابقااتش فيا ختي وف بالو غايعاود يعطيها تختار غايعطي لختو فرصة وهو قااد بيها وببنتها

وهو مزال كايفكر مهمووم راسو تنفخ عليه دارهم من جيهة ختو من جيهة لخدمة من جيهة سااط نفس سخووون من فموو كايدخل ف دخاان لريتوو هز عينيه مجااو غير فيها بقى متبعهااا بعينيه خارجة من دار خالتها لابسة بيجامة سخونة بالغوز مع بانطوفة وجامعة شعرها الأسود في ظفيرة هابط مع ظهرها فيها غير صدرر لي وااقف فورمتها رقيقة وجمالها سااحر بشرة بيضااء وعيوون سوود شفار كثاف وفيم حمر وجها مزلعين فيه خلات صغار هادشي كلوو متبعوو بعينيه لحادة دازت عليه حشماانة نطقات بخفووت حادرة عينيها قدامها