وردة يعقوب🌹مكتملة🌹

🌹الجزء 45🌹

❄💎قصة : وردة يعقوب💎❄
💎بقلم : وردة نور 💎
💎Ama Mery 💎

✨البارت : 45✨

⬅️حل المساء

كانو جاو دراري كاملين منين عيط سعيد لفيصل و قاليه بلي وصل لدار جاب ياسين و هشام و جاو عندو عاد موراهم دخل أنور و جلسو مجموعين تعرفو عليه دخل لخاطرهم و بقاو خالقينها بيناتهم

ليلى كانت لابسة شورط قصييور و ميني فونطخ زعما كدير الإغراء واخة معندهاش فورمة العرا و خارجة لجردة كتهضر فتيليفون

ليلى : واييه شفتها بنت الكلبة صدماتني كان يحسابني داكشي لي شفت فالعرس غير مايكاب و ليلونتي............... ههه من نيتك هي أه زوينة "بغيرة" و لكن ما توصلنيش أنا و لو تا شوية............... أكيد مغدوزش هدشي بساهل مزال أنرجع داك أنور فحال الكلب أنا متأكدة بلي مزال ما نساني و من بعد أنبالي بهاد لبرهوشة لي عاجباهم و شكون عرف يقدر نبدا بيها كاع مكينش لي يقدر يحبسني هاد المرة

" كااين "

غير سمعات شي واحد دوا من موراها تفافات دغيا قطعات و دارت تشوف شكون و هي كترعد

سعيد : كاين لي يحبسك و نصحك تبعدي من طريق شمس يكون حسن ليك

ليلى : " تنفسات بارتياح " أوف غير نتا، شنو زعما نتا لي أتحبسني متلا هههه "قربات و غمزاتو" و لاياكما بيناتكم شي حاجة ؟

سعيد : "شاف فيها باحتقار و استهزاء" عيفتيني بهاد الأفكار للحظة يحسابني أتكوني ذكا من هاكا "زاد قرب تا لعند وجها و أنفاسهم تخلطات نطق بفحييح" متلعبيش معايا نقدر نحرقك اقسم بالله بنت عمي تقاس حتى نمشي عليك لحبس

و دار داخل فحالو هو محملهاش من فاش شافها و دابا زاد كتر كان باغي يكمي تا هو مبلي بالكارو الله يعفو و بالصدفة سمع هضرتها و هدشي زاد شوشو على شمس لي عارف شخصيتها مزيان

أما هي متسرطاتش ليها عمر شي حد دار ليها هاكا و قال ليها كتعيفي من الفوق قمعها كتر من مرة فنهار واحد مكرهتش تقتلوا استافزها بزاف

طلع الفوق للبيت لي عطاوه قرر يبقا هنا شوية تا يطمن على شمس كتر و يشوف الناس لي أتعيش معهم بان ليه واحد لباكية ديال الشوكولا كان هازها معاه و هو يتفكر شحال كان عزيز على شمس تبسم و هزها هابط عندها لقاها جالسة هي و العيالات مجمعين و انضمت ليهم تا ليلى فالكلسة لي اونفاص مع الباب مشا باتجاه ديالهم تا هزو فيه راسهم

سعيد : لالياتي لاباس عليكم

ضحكو و قالت ليه عائشة

عائشة : ههه لاباس أوليدي مقلتيش ليا مزوج بعدا

سعيد : "ضحك حشمان زعما هو طبعو مرة يضحك مرة جدي مرة طالقها تسرح يعني كيمشي مع الظروف" باقي هاد الساعة عا الله ما تلقايش ليا شي بنت ناس أ خالتي منساش خيرك