وردة يعقوب🌹مكتملة🌹

🌹الجزء 4🌹

💎 قصة : وردة يعقوب💎
💎بقلم : وردة نور 💎

🦋البارت : 4 🦋

يعقوب راجل ذو هيبة وعزة نفس، بهيبتو و شانو داير لعز لراسو، قلبو قبيح ورأسو قاصح نفسو فوق كلشي صعيب وعكسي هو ولعكس خوت، من صغرو بدات توضاح شخصيتو صعيب مانفع معاه لا العصى ولا لمعيور ماكيخاف لا ذم لا هم كيتصرف بعنف وبقصوة مع كلشي لدرجة مع عائلتو كيكرزز على سنانو وكيزير راسو باش إنقص من عصبيتو معهم كلما كبر كل مزااد صعاب وحتا فشوش واليديه لعب دور كان هو لولد لكبير ف عائلتو عاطينو لحرية متيخسروش ليه خاطرو كان عزييز عند باه لي طلبها إجيبها ليه عمرو حط عليه إدييه واخا يدير لي داار ياوييل لي قرب ليه و جبدو ولا جبد ليه عائلتو دمو سخوووون شخصيتو فشكل هز لمسؤولية وهو صغيير كان تيقراء ف لباك نهار خرجو نتائج وعرف راسو نجح مشاا تيجري لدار يفرح باه ولكن فاش ووصل لقى لبكاء ونواح داار عامرة بناس تما تلقى صدمة بااه ماات بسكتة قلبية جاتو ف لخدمة كان خدام بناي على قد لحال خلا ورااه أم وثلاثة ديال دراري يعقوب هو لكبير كانت فعمرو 19 لعام و أنوار فعمرو 10 سنين و هيشام 7 سنين ولبنت صغيرة ملاك مزال مكملات عاام. يعقوب كان اكثر واحد حس بموت بااه كان عارف و فاهم مرض بزااف فديك لفترة وتعقد بااه كان عزييز عليه بزااف ومتعلق بيه . تماا لقى يعقوب راسو ولا مسؤول على خوتو صغار وميمتو كان باغي يكمل قرايتو ويقراء إدارة الاعمال باش يحقق حلم بااه كان باغيه إكون راجل بقرايتو وخدمتو ميضربش تمارة وتكرفيس عند ناس ولكن للقدر راي أخر فاش شااف مو لي مكانت لا تخرج لا درج خارجة تخدم ودير لميناج عند نااس وفليل تتبات تخبز ف لخبز ولمسمن ولحرشة وتتبيعها باش تعيش هي ووليداتها هو مرضاش مو تخدم عند ناس وتغسل وسخهم مبقاش تيمشي لقرايتو ولا هو لي خداام على عائلتو تيضرب لكرفي كان تيخدم فكلشي لي لقى خدم ف لمرشيات لكبار ديال لخضرة تيهز صنادق ولخناشي ديال لخضرة على ضهرو خدم ف لبني تيهز سيمة ورملة وخا كان صغير عمرو گال عييت تيخدم من نيتو وخا صعيب وقبييح إلا أنه إنسان معقوول تيخدم لييل ونهار باش إوكل خوتو ويكسيهم ميخصهم والو أما راسو متيفكرش فيه لمهيم ميمتو وخوتو لي حسبهم ولادو
يعقوب خدم وردم وضرب تمارة على خوتو وميمتو تيديير داكشي لي ميقدروش رجال لكبار إديرووه خدم وكاافح عمرو تشكى ولا گال عييت تيضرب تمارة نييت تيخدم فلي كاان خدم حتا ف سودوور راسو خفيف تيتعلم دغيا ذكي بزااف هااز مسؤولية كبيرة عليه مكانش تيهمو راسو نهائيا أهم حاجة إوكل ميمتو وخوتو ويكسيهم ميخصصهم من والو دوك لفلوس لي تيتخلص تيشري بيهم لخضرة و تقدية لداار ولحلييب وليكوش لختو صغيرة داكشي لي ضروري ويخلص لماء وضوء لكراء هو لي متيخلصش صافي حيث دار دارهم خلاها ليهم بااه هما ف مدينة مراكش وشي مرات تيخدم حتاا فلييل متيرتاحش لا ليل لا نهار باش إصور لي إكسي بيه خوتو لي تيقراو وباقين صغار زيرهم على لقراية مستحيل إخلي شي حد منهم إخرج من قرايتو بلعكس بغاهم إوصلو وهو يضرب عليهم تمارة حتا يكبرهم لقى راسو مسؤول ولكن تيشووف داكشي لي تيصور مكافيهش وخوتو تيكبرو غيخصهم بزااف ها مصروف دار ها لقراية ديال خوتو هو فكر وفكر بذكاء وهو يهضر مع واحد عمو كان صغر من بااه الله يرحمو على قبل لورث وحتا دااك عمو إنساان معقول جمع خوتو وقسمو لورث و عطاوه حق بااه لي كانت أرض واسعة بعد ما سول وسول وشاور ميمتو خدا قرار لي مو معتارضاتش عليه حيث تتيق ف ولدها عارفااه رااجل حتا حد ميديرها بيه ولا يضحك عليه ولا يحگروه ولدها سبع إجيبها من فم سبع .قرر وبااع ديك الارض وشراء داار مصلوحة فيها جوج طبقات قريبة من لحي لي هما ساكنين فيه لي هو حي شعبي ديك داار كتبها على سميت موو و دار فيها للكراء وفعلا كراءها لناس لفوق وناس لتحت دار ليهم 24 ألف لشهر ، فلوس لكراء تاخدهم مو تصرف منهم عمرو خدا منعندها رياال بقى خداام على راسو تيهز رملة وسيمة وحتا لبنية لجسمانية ديالو معاوناه كاان صحييح و مفورمي وطوييل وبديك ثمارة بدا يربي لعضالات بلا لاصال غير ب تقل ولخدمة وعلامات لبولوغ ظاهريين علييه بداا جسمو يتكون ،واحد نهاار كان خداام تيهز لخناشي على كثافو تضرب فيدييه ضربة خايبة ولكن موقفش ومداهاش فيدييه واخا مقصح بقاا خداام من نيتو تيحس بقطااع لحم ف دراعو وكثافو بكثرت دااك تقل كيف كنعرفو رملة تقيلة وسيمة
وخا تضرب ضربة قاصحة ف يدييه صبر وبقى خداام موقفش خداام بنيتو تيهز ف لخناشي ويطلع بيهم ف درووج حتا لفوق فين كانو لمعالمية ويهبط يهز تاني و لخناشي دياال رملة وسيمة تقاال ولكن هو صابر تيقول فراسو هادي هي خدمت رجاال وحتا لبنية لجسمانية ديالو معاوناه واخا باقي صغير يالله 19 لعاام مفورمي وقاصح وطوييل علامات لبولوغ ظاهرين علييه جسمو بدا يتكون ويتگطر ،بدا يربي لعضالات غير بثقل ولخدمة وتمارة بلا لاصال ،خداام تيهز لخناشي على كتافو بداا تيحس بيدو عاطيااه صدااع ولكن صابر خاصو يكمل نهارو و حااس بقطاع لحم ف دراعو وكثافو بداك تقل ،جاا يهز واحد لخيشة ديال سيمة وهي تفلت لييه من يدييه مبقااش تيحس بيدييه رجعات زرقة وتنفخات ،طاحت لخيشة وجات على رجلليه وتشتتات سيمة ف الارض فهاد لحضة كان جاي مول شي شاافو فاش هز لخيشة وطاحت ليه جاء ليه بقاا تيسب فييه ويعاير مقاال نشوف مال يدو هو همو غير لخيشة لي طاحت بقاا يسب وعرعر مبقااش فييه يعقوب لي كاان تيقطر بلعرق وشمش كطنطن ف راسو باينة فيه تمارة مرحموووش وخا شافو خداام بنيتو متيقولش عييت معقلش علييه وجراا عليه من لخدمة
يعقوب : إدييه عاطياه صدااع ولاخور عصبو بسبان مرضااش ولكن صاابر بقى تيعظعظ ف شفايفو بسنانو بالاعصاب : واخا عطيني رزقي ونمشي بحالي
مول شي : شافو دري صغير بغا يحگر عليه و ياكلو ف رزقو : أشمن رزق ولا زمر ونتا مشتت ليا خيشة ديال سيمة لخير لي ندير فييك هو سير تقو*د علييا بلا مندير فيك إدي
يعقوب : نتا بانت ليك غير هاد لخيشة لي طاحت أما لي طلعو لدوزيام إطاج مابانوش لييك ،عطيني رزقي خليني نمشي بحالي رااه من صبااح وانا نهز لخناشي على ضهري رااه عرق كتافي هادوك ماشي كنطلبك

مول شي مرضاش برهوش إتراد معاه ف لهضرة : سيير تقو*د أش تتسالني ونتا تتفلا من صباح هنا إحساب لموك لخدمة ساهلة سير تتقد عليها بعدا
يعقوب : هضر بعصبية وهو داير فيه واحد شوفة تتخلع : متجبدش لياا مي على فمك تنهدرو انا ويااك لوليدة بعيدة عليك سمعتي .أنا خدمت معااك بنيتي و كنت معااك راجل ولكن نتا طلعتي شماتة
راجل مرضااش وهو يهز يدييه حتا هزها ناوي يصرفقو يعقوب خوا ليه جاتو تصرفيقة فلعنق : سيير تقو*د أشفاار ولا نخلط واليديك هنا
يعقوب : تصدم عمر شي حد هز عليه إيدييه باه لي باه عمرو ضربو، دغياا ولاو عينييه حمريين تيخلعو صدرو تيتهز صبر لييه ولكن هو زاااد فييه :هز رجلييه حتا هزها وهو يضربو بجهدد بين فخاضو فقص لييه لبوايضاات ديالو مسكين👀
دااك راجل طاح على ركابيه وهو شااد لمعلم وجهو رجع حمررر تينهج ويتعصر ،ويعقوب تيشوف فيه ولكن مزال متصرطات ليه إهز عليه يدو عااود هز يديه وعطاه ببونة غير لوجه لاخور حس براسو مشا وجا
يعقوب : لمرة جاية فااش تبغي ترجل ترجل على لي قدك الشماتة .باغي تحگر علياا أنا راه نفقص لموك قلا*يك .عاود هز يدييه وعطاه بتسرفيقة : وهادي باش تعلم تجبد مي على فمك لموسخ
لمعلمين شافو اش وقع من لفوق وهبضو كيتجارو يعقوب شافهم وعطاء رجلييه لرييح تبعوه واحد زوج باش إشدوه ولكن لقاو غير رييح .
يعقوب دمو سخوون متيرضاااش مكيجبد حد ولكن لي جبدو تيلقااه من صغرو حاااار وراجل