وردة يعقوب🌹مكتملة🌹

🌹الجزء 100🌹

💎🌺 قصة: وردة يعقوب 🌺💎

🍁🍁بقلم : وردة نور "نور الصدقي " 🍁🍁

🍂🍂 البارت : 100 🍂🍂

عند يعقوب لي يالاه جاي من صباح لدبا غرق في الخدمة جاي عااقدهم خاسر بلاصة طموبيل ونزل كيطرطق في عضامو زاد داخل سد لبيبان وطلع لبيتو موحشها باغي غير يشوفها طلع ذروج حتى كتبان ليه مو خارجة من بيتها كاتفوه زاد عندها باس راسها

عائشة : عاد جيتي الحبيب نسخن ليك عشاك
يعقوب: تعشيت الواليدة

عائشة: الله اولدي الله من صباح لهاد لوقت شابع تمارة شوف اولدي غير يديك كي مفلحين رخف على راسك

يعقوب: شد يديها باسها ونطق بصوتو لغليض : ماتهزي لهم لوالو تمارة لرجال الواليدة

عائشة: إوا اوليدي اش نقول ليك الله يفرحك و ينقي طريقك من شوك
يعقوب: أمين اش مفيقك فهاد الوقت ؟

عائشة: فقت غير نشوف شمس نعسات من العاصر طلعت نفيقها لعشاء مبغاتش غير كترد مواكلة والو

يعقوب : زاد عقد حجبانو جبهتو مكمشة : وعلاش ماعيطوش ليا الوليدة

عائشة: جلست معاها قالت ليك ولات بخير بغات غير تنعس

يعقوب: نطق بصوت مدعدع : غاتعيطي الوليدة غاتعيطي

عائشة: لي وقع وقع اولدي دبا زيد نشوفو كي بقات

يعقوب زاد لبيتو بخطواتو لكبار عااقدهم حل لباب دار طريق لمو دخلات ودخل لقا ضواو شاعلين وهي نااعسة كي لبخوشة عاطية لباب بظهر زاد مقرب ليها بزربة وهي نااعسة خنيكاتها غيطرطقو بلحمورية حط يديه على جبهتها لقى حرارتها عادية

يعقوب: جلس حداها وهزها عندو بشوية كيفيق فيها : شمس شمس

شمس: غير حسات بيه وشمات ريحتو بدات تنخشش فيه : اممم

يعقوب: هز يدو لوجها كيعنكش فيها باش تفيق ليه : حلي عينيك

قربات عندو عائشة حطات يديها على راس شمس كاتقلب فيها : سخانة مافيهاش الحمدلله

يعقوب: كيهضر وعينيه على الزعرة ديالو : ومالها الوليدة هاكا ماالها

عائشة : حطات يديها على خد شمس: فيقي أبنتي تاكلي ليك شي حاجة فيقي ماتكون غير كلات شي حاجة معدتها مبغاتهاش كترات من لفريز نيت غير دور دور وترجع ليه مكتاكل والو

يعقوب: هز يدو لكريشتها كيدوز عليها : فيقي الله يرضي عليك يالاه

يعقوب: هز يدو لكريشتها كيدوز عليها : فيقي الله يرضي عليك يالاه

شمس حلات عويناتها بشوية كاترمش فيه دلات شفيفاتها صغار : هنن يعقوب

يعقوب: هزها وجلسها عندو : نوضي نشوف فين كيضرك نمشيو عند طبيبة يالاه