وردة يعقوب🌹مكتملة🌹

🌹الجزء 42🌹

❄💎قصة : وردة يعقوب💎❄

🦋البارت : 42🦋

انوار : ساكنين في الناسيم ؟؟
سلمى : اه

وقف قدام الباب فين قالت ليه كانت عيمارة ب 6 طوابق على قد لحال كيسكنو فيها اكترية لموظفين كاين لي شاري وكاين لي كاري لي شاري راه كتقام عليه ب 36 مليون

سلمى : شكرا بزاف هاد النهار برزتك والله غير سمح ليا وصاف

أنور : هانية الزوفري ديال دوار طلعي طلعي لداركم ليل هدا ماعليك حكام
سلمى : حاكمة راسي براسي ودنيا رباتني اسي انوار
انوار : لهلا يخطي عليك واليديك تربية لولة منعندهم ولحكام حكامهم

سلمى : تزيرت وحلقها ضرها ولكن مابيناتش : الله يرحمهم فهاد نهار
انوار : بجمود : امين
سلمى: الله يحفظك شكرا مرة خورة

نزلت من الطموبيل بزربة زادة داخلة من باب لعمارة كتحاول تكبح دموعها كلما تفكرات واليديها قلبها كيتقطع هي ولفات وكتحاول تعايش مع الامر لي كتب عليها الله ولكن صعيبة كيبقى جرح صعيب وعمرها تنساهم

أنور بقات فيه دور لفلون راجع بحالو و خاطرو ضرو من جيهتها صعيب بزاف على بنت تعيش بلا واليديها وخصوصا انها بقى صغيرة حس بيها تا هو عارف مرارة اليتم هو راجل وقصحاتو جاتو صعيبة هدشي غير من باه و عندو بعدا عائلة وخوه لكبير لي دارهم تحت جناحو وكبرهم
أما هي لا ام لا اب بزااف من لبنات لي كيكونو عندها هاد الظروف كتلجأ لطريق و هي طريق الحرام مع للأسف حيث كاتجيها ساهلة واش تا هي زعما تكون بحالهم ؟؟؟؟ ما بيناش فيها من داك نوع كون كانت بحالهم وشادة فديك الطريق مغتكونش كاتوصل لي كوموند هي خدامة على راسها .... تبسم منين تفكر الصباح فاش كان داخل لدارهم تا بانت ليه كتسلت بحال الفيران وكاتهدر وحدها

لقى راسو سها بزاف و بلي فكر فيها بزاف ليوم نعل شيطان ... مكمل طريقو راجع فحالو لدار كيحس بواحد الراحة غريبة يمكن حيت خوا قلبو وهدر على موضوع مكانش حامل يجب سيرتو

غالبا الانسان فاش كيجمع بزاف و كيبقا يخبي ويرد لداخل كيمرض في صحتو وفي خاطرو و ديمن كاتبقى شي حاجة متقلة عليه و هادي حاجة خايبة بزاف .... فهاد الوقت لي الثقة انعادمات و الناس مبقاتش كتقدر تشارك همومها وتعاود ما في قلبها لشي حد خوفا من يجي نهار و يتعاير بداكشي لي عاود حيث بنادم صعيب ماتعرف اش في قلبو ونتيتو ولينا كنلقاو كولشي مريض بالأعصاب صغار و كبار

أحسن ملجأ يلجأ ليه العبد هو الله ربي مكيردش عبدو يسمعك بلا ما يحبسك بلا ما يلومكك هو الوحيد لي مكتحشمش يشوف ضعفك و هو الوحيد لي عندو حل كولشي جلس وعاود لربي داكشي لي ضرك خوي قلبك طلب ربي يشوف من حالك ويوقف معاك في كل خطوة هدر بلا زواق قول ماعندك وربي معاك عمرو يخيبك ❤ لا شكوى الا لله