وردة يعقوب🌹مكتملة🌹

🌹الجزء 136🌹

❄🌺قصة : وردة يعقوب 🌺❄

🍂🍂 بقلم : نور الصدقي 🍂🍂

🍁 البارت : 136 🍁

مبروووك مبروووك عااا إسموو محسووبة
مبرووك هالفرحة مكتووبة
الله يتمم فرحتناا ... وضمك يااامحبوبي
مبرووك مبرووك ... حبابك بمحبة علوك
عقباال اللي بيتمنو... وتكمل فيكون فرحتنا
أهلك كرموكي وأهلوو شوو حبووكي
كبرتي يازغيري كبرتي ... وملكة توجوكي
يااامااطلبت وشو صليت .. بليلة فرحك أتهنى
أحلى فرح الليلة ... مبروووووك مبرووووك

على هاد الأنغام لعرسان وااقفين قدام طارطة كبييرة ديال لعروسين بسبع طواابق يد ملاك صغيرة وسط يد رضى لكبيرة شادين السيف ديال تقطاع لحلوة قطعو لحلوة وكلشي كيزغرت ويصور وكلاتو من لحلوة ووكلها ولكاميرة متبعاهم رجعو لعرسان للبرزة وزادو سرباية كيقطعو في لحلوة ويحطو في طبيسلات مع فراشط وكيفرقو على الناس كلشي كلاا وشاط لخير
غير بدا الشعبي ناضو لبنات ودراري كلشي كيشطح لعرس بقى حتى صبح لحال فطرو الناس بالحريرة والتمر معمر بالكركاع ولحليب مع لبريوات عاد لكل قصد دارو حتى باقت غير العائلة ناضو لبرا كيركبو في طموبيلاتهم لكل هز وليداتو مرتو رضى ركب لوطو ديالو وملاك حداه يعقوب هز مو حداه و شمس لور مع خديجة وبنت سلوى الصغيرة رحانة لي عجباتها شمس غير لاصقة فيها كتقول ليها الأميرة ساندريلا

سعيد وقف قدام طموبيلتو عاقدهم مع مناعسش خسر ليه لخاطر وااقف كيتفووه كيتسنى في هاجر حتى بانت ليه جاية وكوثر حداها ركزز في كوثر عويناتها نايمين ومعسلين بداك لوين لجداب ديالهم بلع ريقو حتى تفاحة برزات في حلقو يالاه قربو عندهم جات واحد لمرأة مبسمة وجها بشووش لابسة قفطان بالكرونة وبليغة في رجليها مع زيف ذهبي بلون لخياطة ديال لقفطان يديها كلها دهوبات تعرضات لهاجر سلمات عليها وعلى كوثر وبقات كتهضر مع هاجر وتشوف في كوثر دور عينيه لجيهة منين جان بانت ليه طموبيل واقف قدامها دري يكون في لعشرينات بحروف زعرين متيتز حروفو كيشبهو لمرأة ولي باينة موو عينيه على كوثر
سعيد صغر عينيه فهم لبلان خنزر وزاد جيهتهم تم تم وهو قرب جات في ودنو هضرت لمرأة

لمرأة : مانكذبش عليك ألالة هاجر لبنية عجبات لولد عندي وناوي لمعقول هو بخدمتو وبطموبيلتو وداخل سوق راسو مامبلي ماوالو وانا بلفرحات علياا هاد لبنية زوينة تكون عروستي نديرها بنتي وربي شاهد دبا غير عطيني نمرة نتواصلو نعرفو عنوان داركم ونقصدو لباب في أقرب وقت

يالاه غاتجاوب هاجر تسمع صوتو روجولي لخشن نطق ساخط حتى دارو كلهم مخلوعين

سعيد : لبنت لي كتخطبي فيها الحاجة راه مرتي
لمرأة : هزات عينيها فيه ونطقات ببشاشة : إوا ماديروهاش مني قلة الصواب بانت ليها صغيرة ومديراش لخاتم ماضنيتها مرت الراجل سمحو لنا

سعيد : شااف في كوثر لي وجها تزنك : هانية الشريفة كتوقع

ودعاتهم لمرأة وزادت بحالها هاجر شافت فيه بصدمة حتى هز فيها حاجبو زعما أش كاين حركات راسها ب لا حول ولا قوة إلا بالله العلي العظيم وزادت لطموبيل حابسة ضحكة وكوثر موراها حشمااانة منطقات بحتى حرف تبعها سعيد وعينيه على طموبيلت ولد السيدة يكما باقي كاحنزز ولكن مشاو ركبات كوثر لور زاد حتى هو لبلاصتو وزاد مقلع تابع طموبيلت هيشام