وردة يعقوب🌹مكتملة🌹

🌹الجزء 37🌹

❄🌺قصة : وردة يعقوب🌺❄

🦋البارت : 37🦋

أصبحنا و أصبح الملك لله🌅

صباح جديد
في الدوار وبضبط دار الحاجة فاطمة كانو ثلاتة ديال طنوبيلات مبلاصين قدام لباب منهم طومبيلت فيصل لي واقف كيهز فطور شمس ومعاونينو بعض شباب دوار فطور عبارة عن الكادويات لي جاو للعروس فالعرس و الحلاوي لي ديجا صاوبو ليها و لمسمن لبغرير و لبيض بلدي و لفاكية لخير ديال ربي وحولي كبير شراتو ليها مها من الفلوس لي كانت تجمع لدواير زمان وتكبر بيهم كبدتها اليوم خدات بيهم حولي لفطور بنتها اما فلوس صداق خدات منهم بعض لكدويات لبنتها منهم الذهب ...وشي لاخور خبعاتو حتى تعطيه لشمس حيث لمبلغ كان كبير
هضرو مع الدقايقية باش غايدخلو لفطور دايرين معاهم فمراكش تا يوصلو و يتلاقاوهوم حطو كولشي في طنوبيلات وعاد بيكب لي ربطو فيها لحولي و معاهم شي عيالات من العروبية عرضاتهم هاجر

الحاجة و هاجر كيشوفو واش ما ناقص والو باش يتحركو بعد ما صافي صايبو كولشي ركبو و ديمارا فيصل طموبيل متوجهين لمراكش وموراه طموبيلات لخرين

اما راشيدة وراجلها وبنتها ممشاوش معهم حيت مزال الخلعة و الخوف من يعقوب كاتجري فيهم وحتى انهم محاملينش يمشيو بغاو يموتو بسم و رقية محملات تمشي ودارت السبة بالعيا و حكا ما حكا ماقدة على الطريق

في مراكش

طلع عليهم الصباح فاقو بكري و تعاونو جمعو الدنيا و نقاوها و طلقو البخور فالدار فرحانين بالدار لي داخل ليها الفرح كيجمعو ويقادو اما طياب تهناو منو يعقوب وصا على الماكلة تجي مصاوبة من عند التريتور حيت عاارف مو مزال عيانة من تمارة ديال العري مبغاش يزيد يعيها كتر من هاكا خلاهم يتعاونو على امور الدار استعدادا للترحيب بأهل العروسة ديالو

البنات فاقو بزز و عاونو تاهما ودارو يديهم
جيب هادي حط هادي غسل هادي حتى سلاو كلشي
و بداو كيلبسو باش يساليو قبل ما يوصلوا الناس ويستقبلهم

صباح مختالف بزاااف على غيرو بالنسبة للبعض

منهم يعقوب لي فاق هو الأول حل عينيه لمخنزرين خاسر بنعاس حدر عينيه لزعيعرة
لي فوق منو خاشية وجها فصدرو حنيكاتها حميمرين ومطيبزين و الفيم بحال توت مبقج بنعاسها وشعر ذهبي مسبسب كيف لحرير مزلع على لفراش وطايح على دراعو بقى غا كيشوف هاد لمنظر لي صبح عليه مكان حتى يحلم بيه حول عينيه سود لي مجبدين بنعاس لفيمها لي حالاه شوية كاتنفس بحال لوليدات صغار تحنا بجق ليها فمها بواحد البوسة لي تسمعات في البيت كلو وناض وقف بشوية وهو هازها غير حركها بدات تنخشش فيه وتقلب فين تخشا زاد خشاها فيه كيطبطب عليها بشوية باش ترجع ماتفيقش اما هي ميتة بنعاس تبتها بيد وليد تانية طير بيها ليزار لي كانو مفرشين فوق ناموسية بالابيض لي عامر بدم عذريتها حيدو
عاد رجع حطها بشوية غطاها وباسها من حنيكاتها لي جننوه
دار شاف في داك ليزار وهزو طواه مزيان وخشاه فواحد صاك ودارو فواحد لمجر ديالو وسط حوايجو وسورتو
زاد لحمام دار روتينو الصباحي و لبس حوايجو لي عبارة عن سروال توب كحل مع قاميجة كري وصباط كحل هز لكونطاكت وباكية ديال لكارو وزاد خارج