وردة يعقوب🌹مكتملة🌹

🌹الجزء 114🌹

🌺❄قصة : وردة يعقوب ❄🌺

🍂🍂بقلم : وردة نور "نور الصدقي "🍂🍂

🍁🍁البارت : 114 🍁🍁

خرجات مستغربة
رضى : ملاااك

ملاك : حتى كانت خارجة سمعات صوتو رجولي رجعات طلات عليه من لباب بحال لفارة : نعام اوستاذ

رضى : دبا غادخلي لقاعة لمطالعة ممنوع لخروج برا

ملاك حركات راسها وزادت لقاعة دارت لورقة فجيب معرفاتش فاش غيدوي معاها

ملاك:اكيد بغا يدوي معايا باش يقولي راه غيعيط لولي الامر ديالي باينة ولا فاش غيهضر معايا
ببففف وانا مالي تلعشية ونعرف

خرجات وزادت لقاعة ديال لمطالعة هزات واحد لكتاب من لمكتبة وجلسات كتقراء فيه بيما صونات ساعة وتدخل لحصة تانية صونات ساعة وخرجو تلاميذ وهي ناضت باش تشوف وصال ويدخلو بجوج

كانت كدور فساحة تشوف فيناهيا تجات عندها
وصال:ناري اصحبتي لحصة دازت كي زبل بلا بيك

ملاك:خلينا من هذشي شوفي اش غنقوليك
وصال:اشنو ياكما شي حاجة مع لمدير

ملاك:داكشي نيت راه قالي بغا يدوي معايا فلعشية

وصال: قولي والله وفاش باغي يهضر معاك

ملاك:هاذ لمكلخة كون عرفت كون قتلك فلول
زيدي زيدي دبا ندخلو حتى 6 ونمشو نشوفو اش بغا

مشاو لحصتهم دخلات ملاك وصال من بعد ماحطات لورقة فوق لبيرو بدات الحصة كملو ساعتهم بزز
صونات ساعة ستة وخرجو كلشي خارج لا التلاميذ لا الأساتدة كلشي خارج

ملاك: يالاه يالاه نشوفو داكشي سي لمدير اش بغا راه لحصة كاملة وانا غكنفكر اش بغا

وصال:يالاه زيدي

ملاك : قشعات واحد دري وعيطات ليه : مراااد الله يحفظك قول لمول طرونسبور يتسنانا ها حنا شوية وخارجين قولو لا خلانا نقيد مو منعند لبوليس

زادو الادارة دخلو وصال شدات واحد لكرسي تما جلسات كتسنى فيها وملاك زادت لباب لمكتب دقات في الباب

ملاك:استاذ ندخل

رضى :غير شافها وهو يتبسم ليها ودوا معاها بلطف:دخلي مرحبا بزين ديالنا لديما منور علينا

ملاك: هزات حجبانها مخنزرة كتقول فخاطرها اويلي هذا مالو يكما ضرب شي جوان بوقو مداتهاش فهضرتو وسولاتو:استاذ قلتي بغيتي دوي معايا

بقاو شي 20 دقيقة تقريبا وهي تخرج من عندو وباينة فوجها لفرحة وجها حمر خارجة وكضحك راسها

ناضت وصال عندها

وصال: كتسول فيها:اشنو قاليك مالك فحال لمصدومة