وردة يعقوب🌹مكتملة🌹

🌹الجزء 82🌹

💎🌺قصة : وردة يعقوب 🌺💎

🍂🍂البارت : 82 🍂🍂

أصبحنا وأصبح الملك لله 🍁

صباح يوم جديد

لتحت كانو فايقين كلهم دايرين بطابلة ديال الفطور منهم ملاك ووصال لي مبدلين حوايجهم بحوايج سبور وطابلية ناوين يفطرو ويمشيو يقراو ملاك لابسة سروال كيطمة بالاسود واسع مع تيشورط قصير بالابيض مدرقاه بطابلية لي سداتها قدام خوتها وفي رجليها سبرديلة ديال سبور بالاسود والابيض
وصال لابسة سروال كيطمة بالاسود مع توني ديال ريال بيض وسبادري كحلة
حداها ياسين لي كيكمل نعاسو فوق طابلة أما هيشام عينيه على وصال غير شوية لحقات عليهم الحاجة فاطمة معنقها أنوار بجنب لي يالاه فاق حتى هو
أنوار : صباح الخير
لكل : صباح الخير
تمات هابطة هاجر لي لابسة بيجامة طويلة والزيف على راسها منورة بعيونها زرقين صبحات على عائشة وخديجة ورجاء في لكوزينة بغات تعاونهم ساعة عائشة حلفات عليها حتى تجلس ترتاح بقات معاهم حتى عوناتهم في لحطان حطو الفطور لي كيف لعادة الطابلة عامرة بخير ربي من أتاي والقهوة والحليب الزبدة الزيتون الزيت لعسل لحلوة لكيك ولحرشة لفرماج لمسمن مع لبطبوط سخوون وخبز الدار طايب في لفران

لحاجة فاطمة: شافت في ملاك : نوضي أبنتي دقي على خوك
ملاك : خرجات عوينيها : لا لا أعمتي السيد ناعس ندق عليه أنا ويلي
لحاجة : إواا نفطرو ونخليوهم حشومة نوضي طلعي دقي عليهم يالاه نعرفو غير واش هابض نتسناوهم
ملاك : شافت في مها : مي طلعي نتي عفااك انا راه كنخاف منو في صباح كيفيق خاسر ندق عليه يمرمقني
شافت فيهم رجاء قاطعة لحس حجبانها مقرونين زامة فمها ماعندها كانة
هيشام : وجهو تزيير باغي يضحك مقادرش : احمم مكاينش في بيتو نعسو في سطح
كلشي دار شاف فيه منهم ياسين لي بدا يدور في عينيه
عائشة: بإستغراب: مكاينينش في البيت
هيشام : لا الواليدة نعسو في السطح راه الباب مسدود غا جلسي تفطري باين مغاديش يفيقو دبا
ياسين : كحز عندو براسو شوية كيدوي بلحس : تا واش مبقاوش البيوت في الدار طالع لسطح ونتا باش عرفتيهم ماغاديش يفيقو دبا
هيشام : كيخشي في وجهو مسمنة ويهضر

بلحس : البارح نزلت نعمر لقرعة وانا نسمع واحد لغوتة بعيدة تبعوها غوتات هما انا فشلو ركابيا كلت غير شي جنية ناوية تصرفقني تبعت الصوت في دروج مانكدبش عشت الرعب كي وصلت لباب ديال سطح سمعت هضرت لخوادري طاح قلبي فهمت لبلان هبضت بكرامتي قبل يحصلني وباش نتاكد زت لبيتو كندق مجاوبنيش عرفتهم نعسو في الهواء الطلق
ياسين : مامزوج غا خوك صراحة وزايدها بسطح قلبي ضرني على ليتيم لي بين فخاضي

هيشام : رما عينيه لحبيبت قلبو وعاد نزلهم : فطر فطر لا تفكرناش فيه

واحد جوجات ملي سمعو نعسو في السطح وهما وحدة تشوف في تانية ديك نضرة ديال هل تفكيري فيما أفكر