وردة يعقوب🌹مكتملة🌹

🌹الجزء 157🌹

🍷🍒 قصة : وردة يعقوب 🍒🍷

🍂 بقلم : نور الصدقي 🍂

🍷🍒 البارت : 157🍒🍷

تم جاي راجل جيهتم مبسم بلطف راجل رقيق وطويل

لحسين : بانت ليه كلثوم عرفها قرب ليهم كايسلم : مرحبا مرحبا

مصطفى : بارك الله أ فيك

سلمو عليه وهو كايرحب بيهم ويعاود حتى تمات خارجة أخت كلثوم أم كوثر فرحانة بضيوف الله لي جاو مع ختها وخا معرفوهمش ناس بسااط ولقلب لكبير كايفرحو بضياف ويهزوهم فوق الرأس

أم كوثر : أهلا أهلا مرحبا و ألف مرحبا زايدات كشمات ( زيدو دخلو )

كلثوم : غير سيول ستعرابت أت غير إعرابن أرسن تمازيغت (هضري بالعربية راه غير لعرب معارفينش تمازيغت )

سلمو عليهم كايرحبو ويعاودو ولاو داوين غير بالعربية باش يتفاهمو بحكم الامازيغية صعيبة عكس لعربية هما عارفينها

حل سعيد لكوفر هزو داكشي لي جابو راشيدة هازة بلاطويات لحلوة وكلثوم لفاكية سعيد هز لكارتونة لولة حطها فلباب وجبد تانية وثالثة

أب كوثر لحسين : علااش أولدي عدبتو روسكم اش هادشي والله حتى صدعتو راسكم

سعيد: مكاين صداع بلعكس

دخلو لداخل لدار لي فيها تسليسة ومصبوغة بالغوز نقية رغم لبساطة ديالهم دخلوهم لصالة لي كانت مفرشة بزرابي مخدومين باليد كباار بالاحمر والاسود ولمخاد مقادين وجوج طبالي صغار لوسط صالة عاطية منها ريحت نقى مكاينش ريحت لغبرة ولا لوسخ كلشي نقي حيدو سبابطهم ودخلو جلسو سعيد طاوي رجل وسرح رجل تقاشرو بويض كايشعلو عينيه في باب صالة كايتسنى فوقاش يشوفها ... جلسو كايتعارفو ويهضرو وتبسيمة فوجه اهل الدار لي فرحانين بيهم

ناضت أخت كلثوم لكوزينة لقات كوثر تما لي ردات لماء يطيب فرحااانة وحشماانة مقالت والو لمها بحالا مفراسها والو لابسة بيجامة غوز تروا بياس وبانطوفة مع تقيشرات شعرها ظفراتو جنب وجها صافي مدارت واالو

أم كوثر : عمري أبنتي أتاي ولقهوة رديهم فوق لبوطة ودخلي سلمي وخرجي قابلي لبرارد

كوثر : وخا أمي

عمرات أتاي وبريق لقهوة دخلات مع مها حشمااانة كاتفرك فصبعانها وحانية عينيها سلمات على راشيدة وباست يد مصطفى قربات لخالتها لي عنقاتها كاتبوس وتعاود وكوثر غير حشماانة وجها غايطرطق باست بنت خالتها وزادت جيهت سعيد لي جالي جيهة تانية مدات يديها صغيرة حشمانة سلمات عليه هو زيد على يديها وسط يدو لكبار على طلقها خرجات ديك ساعة راجعة لكوزينة حاطة يديها على حناكها كاتعض فشفتها بلحشمة ولخوف معدتها كاتشطح

داز شوية دلوقت وتمات خارجة أم كلثوم هزات صينية كبيرة بالكيسان في الذهبي فيها راد أتاي وبريق لقهوة كلشي قداتو كوثر دخلات الصينية وتبعاتها كوثر ببلاطو عامر خير الله من الزبدة بلدية وزويتة بلدية زيتون لحكل ولخضر كشرملين وطبيعين لعسل لحر ولبطبوط سخوون لخبر ديال لفران طبيعي لي هو إنور مع لوز ولفاكية لي جابو ولحلوة لي جابو وطبسيل لكيكة لي صايبات كوثر قبل كل مرة دخل وتحط وسعيد متبعها بعينيه غادية جاية قدامو بديك لبيجامة وشعر بحال سوااد لليل ويدك ظفيرة ماكرهش يشد شعرها يلعب بيه بياض جسمها وسواد حروفها بسيطة وجميييلة