وردة يعقوب🌹مكتملة🌹

🌹الجزء 104🌹

💎🌺 قصة : وردة يعقوب 🌺💎

🍁🍁بقلم : وردة نور "نور الصدقي " 🍁🍁

🍂🍂 البارت : 104 🍂🍂

اصبحنا واصبح لملك لله

عند ملاك وصال

كانو باقين ناعسين صونات ساعة فتيليفون ملاك على 7:00 ناضت طفات تيليفون صدعها وخسر ليها نعاسها هي لي باقة حالة فمها كتحلم تقلبات لبلاصتها تكات بقات متكية 5دقايق تقريبا ومنبعد ناضت غسلت وجهت وبدات كتغوت

ملاك:وعكعوك اعيباد الله نوضي اوصال نوضي غنغرقو نوضي

وصال ناضت طافجة
وصال: تفووو مالنا تاني

ملاك: نوضي راه لعافية شاعلة غنتحرقو الصكعة في دنيا قبل الاخيرة نووضي غسلي وجهك دغية واااجري

ناضت وصال كا تسب غسلت وجها ورجعات لقاتها كاتمشط

وصال:بدات كتغبن:اش كاين غنموتو ياك الطحبة تفووو عليك ماتعرفي تفيقي الناس كيف الناس

ملاك:ونوضي على سلامتك هههه قالك نفيقها كي ناس على انا بنادمة بعدا

وصال: بداات تعيب فيها : هننننخننن

ملاك: سرك نتي لمكتبغيش تفيقي ههههه درتها بيك ياك

وصال زادت تلاحت عليها حتى طيحتها فلارض وبقاو مني منك مني منك وحدة ضرب ولخرة تعاودها مطلقو من بعطياتهم تريوسهم تريشو

ملاك:وخ عليك الكلبة اخانزة البيطان تنتي تعلمتي ضربي ايلا بقات فيك انا مسميتيش ملاك

وصال:وعوديها لمك الكلبة نتي نيت لاش منوضاني

ملاك:دبا غتهبطي نفطرو نمشيو نقراو ولا وجهك نخلطو ليك

وصال مجوبتهاش زادت كتجبد في حوايجها ودخلات لحمام بدلات عاد خرجات عندها لقاتها واجدة ضاربة سروال دجين بويفراند مع تيشورط بيض دخلاتو في سروال لبسات طابليتها وسداتها شعرها جمعاتو كوتشوفال لابسة سبرديلتها لبيضة ودايرة فقط إكخون ديال شمش

ملاك طلعات وصال ونزلاتها لي لبسات بحالها تماما غير هي تيشورط حمر : لقد جيتي خائبة

وصال قلزات ليها ورداتها ليها ملاك عاد هزو شكايرهم وهبطو يفطرو لقاو عائشة حاطة لفطور على طابلة شمنك يا مسمن لي كيضيبوه ويديروه في لفريكو لوقت لي يحتاجوه كيجبدوه يسخنوه كيولي كي عاد طايب شمنك يا بغرير لحرشة ولخبز ديال دار مع زيت لعسل وزبدة لفرماج شكلاط كلشي محطوط حتى تمات خارجة شمس من لكوزينة معكسة راسها بزيف كتبان غزالة هازة طبسيل ديال لكيك بلكريم و لفريز حطاتو فوق طابلة كتفرنس

ملاك:صباح النور والسرور والوجه المبشور صباح الحرشة بالزبدة والخبز بالزيت صباح أتاي مشحر بنعناع اححح عندي مع رومانسية غاباقي مالقيت معامن