وردة يعقوب🌹مكتملة🌹

🌹الجزء 2🌹

💎 قصة : وردة يعقوب 💎
💎 بقلم : وردة نور 💎

🦋البارت : 2🦋

غسلات لماعن دخلات عليها نورة لكوزينة تبسمات ليها هاجر و خدات بيمو حيث جابت جوج واحد لبنتها و واحد لنورة عطاتو ليها غير خداتو من عندها دخلات راشيدة و شافتها جرات ليها حيداتو ليها من يديها ورماتو حدا رجلين هاجر
راشيدة وهي مخنزرة في بنتها : يك تنگول ليك عمرك تشدي شي حاجة من عند شي حد حنا مكنطلبوش لي بغيتي گوليها لباباك يجيبو ليك وهي تجرها مخرجاها من لكوزينة خلات هاجر مقصة في قلبها تتقول كون كان باقي عايش متعيش هيا وبنتها فهاد دل ولقهرة مشات لبيتها حيث عيات بزااف من صباح وهي خدامة تتغسل لماعن في واحد لقهوة دخلات وسدات لباب لقات بنتها مسكينة نعسات كانت تتلعب حتا نعسات قداتها في بلاصتها و غطاتها وتخشات حداها غير حطات راسها على لمخدة طاحو دموعها قلبها ظارها بزااف تتطلب ربي يفرجها عليها هي وبنتها عيات وبزااف. هاجر بنت لي مقطوعة من شجرة معندها حد منغير الله مها كان ضحك عليها شي حد حتا حملات وتخلا عليها خوتها جراو عليها ولدات في زنقة عاونوها غير شي عيالات غسلو لتربية الصغيرة و غسلو لمها ولي ربي خدا روحها ماتت حيث مستحملاتش الالم وهي صغيرة من بعد واحد لمرأة هي لي ربات لبنت وسماتها هاجر ديك لمرأة وحيدة تترزق الله تتبيع نعناع ولقزبور في سوق كبرات هاجر مع مرور ليام وشهور وسنين لمرأة لي رباتها بدات تعيا حيث هي مرأة كبيرة ولات هاجر تتعاونها في سوق حتا لواحد نهار شافها سعيد عجباتو بزااف زينها عاطي لعين رغم لفقر كيف كيقول لمثال الفقر مقبرة الجمال خطبها مو مبغاتش قالت بلي معندها أصل غير بنت لحرام ولكن هو بغاها مسمعش لمو تزوجو بشي يامات ماتت لمرأة لي رباتها هاجر عمرها شافت شي عيب من سعيد بلعكس كان تيبغيها وتيعاملها مزياان كان خدام تيترزق الله من لفلاحة تيخدم عند الناس هاجر صبرات على لمعاملة ديال عگوزتها لي دوزات عليها دكاكة ديال بصح متاتحملهاش و راشيدة كدالك تتغير منها حيث زوينة ديما تتجبد ليها صداع بالاخص راشيد عندها ولد و حاملة للمرة تانية و هاجر لا هنا بداو يمعنيو عليها بلي عاگرة حيث 6 سنين معطاهمش ربي لولاد حتا جا نهار لي عرفات راسها حاملة فرحاات بزااف اما سعييد مقداتو فرحة ولا يخدم ليل ونهار باش يجمع لفلوس يدير السبوع لبنتو ولا ولدو هاجر لي تقالت وديما عگوزتها تتعطيها شقاا مترحمهاش لا هي لا راشيدة شحال من مرة ضربوها دوزو عليها بزااف شيخها لواحييد لي كان تيحن فيها جا نهار لي ولادات فيه هاجر بنت سعيد فرح بزااف دار سبوع لبنتو و سماها شمس كان مسكيين فرحاان ببنتو بالنسبة ليه هي شميسة ديالو لي مضوية عليه دازت على ولادت هاجر شهرين هنا غدي تصدم هاجر صدمة خرا واحد نهار من يامات الله خرج سعيد لخدمة كيف لعادة كان خدام عند شي ناس تيهزو لغبار تيعمروه في شاريو ملي سالاو بغاو يتحركو سعيد فرح اخيرا سلا غادي يرجع عند بنتو ركبو هو و واحد لخدام اخور فوق داك لغبار و واحد اخور صايگ تراكتور في واحد لحضة لي دازت بزربة شيفور منتابهش لرويدة لي غادية لواحد لحاشية حتا مبقاش قاد يتحكم في تراكتور لي غادي وتايتقلب وتقلب معاه شاريو لي كان جار حادثة فاجعة مشاا ضحيتها جوج د الاشخاص من بينهم سعيد مسكين لي طاح وجا عليه داك لغبار و شاريو و راجل لي كان معاه مسكين اما شيفور نقز ونجا واخا تهرس من رجلييه تجمعو ناس دوار كلشي تيغوت وصلات لخبار دار سعيد كلشي تصدم هاجر تصدمااات هزات بنتها غاديا تتجري كلشي غادي فاش شافت لمنضر قلبها تهز رجليها فشلو مقدراتش مقدراتش تتشوف راجلها تيجبدوه من تحت شارير كلو دمايات مزال مفرح ببنتو ومزااااال بزاااف شافتها واحد لمرأة غدي تسخف حيدات ليها لبنت من يديها لي حتا هيا بحال حسات بباباها غير تتبكي هاجر سخفات بكاو بالاخص هاجر بكات مقدراتش تتيق بلي صافي الراجل لواحييد لي عندها فهاد دنيا صافي مشاا عانات بزاااف تصدمات مرضات خسراتو وخسرات صحتها و فرحتها ولكن في الاخير قوات راسها على قبل بنتها لي مكبراتها حتا شافت لويييل خدمات وردمات صبرات على بزاااف ديال لحوايج على قبل بنتها على هضرت ناس على لمعاملة ديال عگوزتها بالاخص فاش مات شيخها من بعد عام من موت ولدو كان حنين فيها و في بنتها وخا عيان مسكين كان تيقابل ليها بنتها حتا ترجع من خدمتها حيث مدترة تخدم باش تشري لحليب لبنتها وتخلص حقها في لماء وضؤ لي لوسها تشكاا وقال بلي ماشي غير وحدو لي غدي يخلص خدمات مسكينة وردمات تتغسل لماعن في واحد لقهوة وتدير لميناج من صباح حتا لعشية ملي توصل وخا عيانة توكل بنتها و تبدل ليها وتعومها و تعاون في شقااا وتصبر على غوات راشيدة لي باينة ماحاملهاش تبقاا معاهم فدار وتصبر على عگوزتها تيضربو ليها بنتها لوسها تيشري لولادو في لعيد بنت خوه ليتيمة لا حيث راشيدة تتقول ليه راه ناس تيعطيوها شمس مسكينة منهار مات باها تتلبس غير لي تيعطيوها ناس عمرها لبسات لحاجة جديدة غير شياطة ديال الناس