وردة يعقوب🌹مكتملة🌹

🌹الجزء 109🌹

❄🌺قصة : وردة يعقوب 🌺❄

🍂🍂بقلم : وردة نور "نور الصدقي " 🍂🍂

🍁 البارت : 109 🍁

وجدو راسهم وجدو كلشي وكلسو كيتسناو في الناس يوصلو

حليمة: تبارك الله على بنتي حبيبتي كبراات وبغات دير دارها وانا فين ناوية تخليني بوحدي

سلمى:شداتها لبكيا:لا ميمكنش نخليك بوحدك غنديك معايا والله اصلا دارهم كبيرا وكاين فين تعيشي وهما اصلا غيرحبو بيك

حليمة: لا ابنتي نبقا غير هنا ونتي سيري الله يسرلك مع راجلك باش نكونو مفاهمين من دابا سكنة مع النساب لا تيقار زوين ومالي هانا في الدار خدامة واكلة شاربة فينما نتوحشك نجي نشوفك ونتي تجي مالنا

سلمى:والله وممشيتي معايا لتزوجت صافي انا مبغيتش نتزوج

حليمة:هههه صافي سمحتي فداك راجل لي واخد عقلك راكي حمقة لا انا هنا نبقى

سمعو صوت طونوبيلات ناضت سلمى كتجري طلات من سرجم لقاتهم فعلا هما زادت عند خالتها كتجري تكانت غطيح

حليمة:بسم الله عليك ابنتي غبشوية عليك
سلمى:كترعد: خالتي جاو جاو

حليمة:مرحبا بيهم ابنتي

سلمى:انا غندخل لبيت تيدخلو
حليمة : وخ سيري حتى نعيط ليك

بقات حليمة كتقاد وتشوف يكما ناقصة شي حاجة حتى تسمع صونيت في لباب زادت حلات لباب وإبتسامة لطف على وجها

حليمة : مرحبا مرحبا

عائشة قربات كتسلم عليها ومعاها حتى سميرة سلمو على حليمة بفرحة و

حليمة:مرحبا مرحبا بيكم دخلو دار داركم

عائشة:ترحب بيك جنة بسم الله(قالتها ودخلت)

عاد تبعوها دراري هازين فيديهم لكراطن دسكار ومن وراهم ملاك ووصال هازين فيديهم طباسل دلحلوة ولكطوات مغلفين بدهبي ومن وراهم انور سلم على حليمة باسها فراسها ودخل ودخل من وراهم يعقوب لي سلم عليها بليد عاقدهم وشمس لي غير كتفرنس سلمو على حليمة و دخلو كلهم لصالون مفرش فراش مغربي طلامط بلون الأزرق ملاكي حطو داكشي لي جابو على طوابل لي تما ولكراطن ديال سكار حطوهم دراري في باب صالون في الارض كلسو كلهم فصالون
حليمة كترحب وتعاود ودايرة صواب احسن ترحيب

حليمة:نعاود نقولها مرحبا بيكم كاملين والف مرحبا دار داركم خودو راحتكم

كلست معاهم شوية و ناضت تعيط على سلمى

حليمة:انا نوض نكلم لعروسة ديالنا ونجي
عائشة:تحنا جينا على قبلها كلمي عروستنا

ناضت حليمة لبيت لقات سلمى كتقفقف بلخلعة و لحشمة تجمعو عليها إحساس فشكل