وردة يعقوب🌹مكتملة🌹

🌹الجزء 72🌹

💎قصة : وردة يعقوب 💎

❄بقلم : وردة نور ❄

🍁البارت : 72 🍁

بلاما تفكر ناضت بزربة عندو مخلوعة كاتمشى بزربة جيهتو غا فارة هاربة شداتو من راعو مزيرة عليه وكتخشا فيه
يعقوب: بالو معاها شاف فيها وهي تبسم ليه بثوثر عرفها خافت ليه تاني طلق من لفلون وشدها عندو مجلسها على حجرو وهي كيف الامانة عاد رجعات فيها الروح
يعقوب: يد كيصوك بيها ويد كيلعب بيها في شعرها حيد ليها لبانطة : منااش خايفة ؟
شمس: مكمشة فوق رجليه وكتشوف قدامها في البحر ولماء لي كيطير عجبها لحال قلبها كيفرفر سمعاتو اش قال وجوباتو بصوتها لحنين : ماعرفتش خفت نطيح ولا يتقلب بينا وانا مكنعرفش نعوم
يعقوب : تحنا باسها من راسها : ماكاين مايوقع ليك ماحدي معاك

وقف لباطو وسط لبحر وناض واقف هازها زاد بيها لبرا فين ضاربة الشمس وقفها على رجليها وشعرها الاشقر كيطير لكسيوة مع الريح كاتبين طايتها كادور عويناتها وتشوف بعدو بزاااف داخلين وسط البحر لاطير يطير لا بنادم يسير غا البحر والسماء بدات تشوف وتكتاشف حمقها المنضر وجو البحر ولات كاضحك عاجبها لحال وهو من وراها بالو غير معاها
يعقوب: يالاه حيدي كسوتك دبا
شمس: دارت عندو حنيكاتها تحقنو بدم : هن لا لا بلاش عجباتني
يعقوب: حيدي الكسوة نهبضك تعومي راني دويت معاك
شمس: ولا عفاك نبقى نشوف غير هكا
يعقوب: جرها عندو بنفاد صبر وتحنا كيحيد ليها الكسوة وهو مخنزر جمعها معاها بشحطة لترمتها : فاش نكول لحاجة منعاودهاش ولا نصمك مك
شمس زمات شفيفاتها وهي حشمانة منو قلع ليها الكسوة وشورط خلاها بدوبياس بلون الأزرق غامق
بعد عليها شوية كيشوف فيها بدوبياس كاتشقشق تحت اشعة الشمس لي ضاربة كتبان بحال شي حورية تشنجو عضلاتو شوفة فيها كاتحرك فيه بزااف راسو كايزند

يعقوب: جرها ملصقها معاه وهي كاتشوف باستغراب تعرات برا جاتها عجب معرفاش مسكينة بلي هاد لبلاصة لي مدخلها ليها غا هما لي كيدورو فيها
يعقوب: شنو دبا الشبر ونص نضربو شي راس
شمس:ببراءة : اءء
يعقوب: بمكر : نعومو ؟
شمس: حركات راسها ب لا : عوم نتا انا مكنعرفش
يعقوب: زاد لحاشية كيشوف ودار عندها : أجي عندي اجي
شمس : حيدات لكلاكيط من رجيلاتها وزادت عندو
يعقوب: شدها عندو مجلسها : يالاه جلسي وديري رجليك في لماء
شمس: دارت شنو قال ليها وهي فرحانة كاتلعب برجليها في لماء وشعرها كايطير وراها
يعقوب: شافها بدات تولف ومرتاحة وهو يتلاح في الماء قدامها
شمس: غوتات مخرجة عويناتها بدات ترمش بزربة

شمس: غوتات مخرجة عويناتها بدات ترمش بزربة
اما هو كيعوم بمهارة زاد مقرب عندها كيضرب برجليه وهز يديه باش يهزها
يعقوب: أجي البرهوشة ديالي اجي
شمس: حركات راسها بزربة : لا لا مكنعرفش
يعقوب: خرج فيها عينيه كيخلع : أجي عندي
شمس: هنن هئ عفاك
يعقوب: رما يديه لحاشية ديال لباطو و هز يديه تانية لخصرها يالاه بغات تهرب ليه جرها بزربة معنقها عندو ولصقها معاه مهبضها لماء هي غير حسات بلماء دورات يدداتها مور عنقو بجهد ورجليها دوراتهم على خصرو مخلوعة كاتبكي
يعقوب بدا يضرب برجليه مبعد على لباطو ومتبتها بيديه عندو كيعوم بيها بشوية
يعقوب: ششش حلي عينيك متخافيش راني شادك
شمس خاشية راسها في عنقو مكنززة على راسها : هئ هئ ولا ولا غانغرق هئ
يعقوب: هز يدو لمور عنقها جبد ليها وجها : حلي عينيك راني دويت معاك متخافيش يالاه الله يرضي عليك سمعي لهضرة مابغيتش نبكيك
شمس: حلات عويناتها فيه كاتشوف في عينيه لقاصحين نيشان وهو مركز الشوفة فيها بقاو هكاك كيشوفو فعيون بعضهم شحال