وردة يعقوب🌹مكتملة🌹

🌹الجزء 101🌹

💎🌺 قصة : وردة يعقوب 🌺💎

🍁🍁بقلم : وردة نور " نور الصدقي " 🍁🍁

🍂🍂 البارت : 101🍂🍂

كل شوية يقلب فساعتو عيا ميتسنا وهو يهز تيليفونو وصونا ليها

عند سلمى
8.00
كانت غارقة فنعاسها وتليفونها حدا راسها كيصوني مسمعاتوش بكترت لعيا من لبكاء نعسات دودة صونا تليفونها لمرة لولا والو حتى عاود صونا للمرة تانية بدات كتمخشش ففراشها وهي عاقدا حجبانها من هاد ااصوت ليزاد ضرها فراسها بغات غير تمد يديها لتيليفون طفيه مقدراتش كتحس بعضامها كلهم مدݣدݣين وراسها عيها صداع وحنكها كلو زرق بزز باش مدات يديها لتيليفون هزاتو مع شافت شكون كيصوني تفكرات ݣاع لوقع لبارح والإهانة لي دار ليها هذا لي كيصوني ضربات تيليفون مع لفراش مخلياه كيصوني ناضت وقفات على رجليها وبدات كتمشي وتجي فلبيت كتبكي وتنتف فراسها بلحس مبغاتش دير صوت قلبها طااايب من كل جوايه حاسة براسها بغا غير تبكي وتغوووت بغا تخرج ما في قلبها

سلمى:علاش علاش علاش كتصوني علاش واش مكفاكش داكشي ديال لبارح براكة عليا باركة انا كرهتك انا ندمت على نهار لي بغيتك فيه نتا اكبر شماتة شنو بغيتي عندي

وهي باقة كتهضر دخلات خالتها ملي سمعات حسها عرفاتها فاقت غير شافتها هكاك ضربات حناكها وزادت ليها شداتها من يديها كتحاول تسكتها من لبكاء

حليمة:كدوي وهي مخلوعة وشادة فيها : باركة عليك ابنتي الله يرضي عليك احبيبتي باركة مديري فراسك هكك (عنقتها وبدات خالتها كتبكي معاها)

سلمى:كتبكي بحرقة وألم وكل دمعة كتهبط من عينها كتحس بيها كتنزل لقلبها فحال شي قطرة دلما القاطع نطقات بصوت كيقطع في لقلب : خالتي علاش انا معنديش ماما وبابا علاش ربي حرمني منهم وانا باقا صغيرة واش انا خايبة لهاذ درجة وممزياناش باش ربي يحرمني منهم جوبيني عفاك واش مكانوش وليديا كيحملوني هذشي علاش ماتو

حليمة:قهرتها بنت ختها فقلبها مقدراتش تصبر ونفاجرت بلبكاء كثر :لا بنتي لا نتي كنتي من احسن لبنوتات كنتي مأذبة ومتخلقة واليديك كيبغيوك وكيحماقو عليك ولكن احبيبتي ربي بغاهم وداهم ربي ختارك نتي بضبط في هذ لمحنة باش يشوفك واش تقدري تصبري على حكمو الله ميبغيش يضرنا كيبغينا وهذشي علاش بتلاك ابنتي صبري احبيبتي صبري ربي كبيير مكيسد باب حتى يحل بيبان

سلمى:ولكن عارفة اخالتي باش كنحس عارفة منهار ماتو وانا صابرة من نهار مشاو وانا صابرة واش انا حيط غنبقا صابرة منقدرش وعلاش ناس كاينقصو مني كون كانو واليديا مكانش غيوقع ليا هكك ومكانش غدي يعايرني بلي انا ممزياناش وفاسدة واش انا هكك (كدوي وتبكي قلبها مقهور )

حليمة :باست على راسها وزادت ضمتها عندها:حتى حد مغدي يحكرك ولا يهينك ولي ينقص منك غادي يلقاني في وجهو انا لولة وكنواعد ابنتي حتى غادي ندمو على هذشي لدار ليك