وردة يعقوب🌹مكتملة🌹

🌹الجزء 6🌹

❣️ قصة : وردة يعقوب ❣️
🎗️بقلم : وردة نور 🎗️

🦋البارت 6🦋

-بعد مرور أسبووع
فهااد لاسبووع يعقوب دخل للمغريب جاا على غفلة فجئ ميمتو وزرع لخووف فقلب خوتو

لكن قبل نعرفكم على عائلة يعقوب
الأم لالة عائشة : مرأة ضرييفة وبشوشة قلبها كبير وحنينة ملامحها زوينين بقى شادة ف راسها كاتبان قل من عمرها
أنوار : لأخ ديال يعقوب مقاول فعمرو 27 دبا طالع ف 28 إنسان ضريف ومعقول ومهدن منعازل مزوج ببنت عمو ولكن طلقو لاسباب غدي نعرفوها منبعد
حروفو كحلين وزوين وجهو مزيناه لحية خفيفة ،جسم مخدوم ورياضي سمر تيلبس غير لباس سبور معنددوش مع رسمي بمرة
هشاام : خدام مهندس فعمرو 25 عام ضريف هو ضحوكي ف دااار إنسان نشييط وخالق سعادة غير وحدو واخا تكون واصلة فيه لعطم يضحك وهانية ضارب دنيا بركلة لخفة لي فييه تتجيبها لييه .تيخااف بزااف من يعقوب حيث فايت كلا من عندو سلخة دياال لكلاب .تيخااف ميحشم ولي تتشبه لييه ختو حتا هو زوين وحروفو كحلين سمر (كلهم سمريين تيشبهو لباهم ) عينييه عسليين وجسمو رياضي
واخيرا أخير لعنقود ملاك : بنت زويينة سمرة ورقيقة حروفها كحليين وعينيها بحال خوها هيشاام عسليين كيحمقو ملامحها برئين ولكن فعايلها شيطان تيستغرب منهم شويطينة مع راسها وضاربة دنيا بركلة متتحشمش سنطيحة بحاال خوها ولكن ضريفة وقلبها بيض تتخااف من يعقوب بزااف وتتحتارمو تتحسبو باها ماشي خوها .تتحمااق على شي حاجة سميتها لمكيااج ولبس لمقزب غير تتقرب ليسي تتحيد طابلية وطلق شعر ولكن حتا هي جااي ف طرييق لي يحدهم ليها
ساكنين ف فيلة زوينة وراقية وبسيطة فنفس لوقت مندوق عائشة جات ف لخرجة ديال مراكش جات ف بلاصة زوينة وفيها طبيعة بعيدة شوية على صدااع لمدينة فيلة داير بيها سور وفيها باب كبير واقف حدااه لعساس ودايرة بيها جردة زوينة فيها لورد ولابيسين لي كانت حدااه واحد لگليسة زوينة بليفوطوي تحت واحد ساقفة و لداخل مع دخلة كاينين جوج صلوناات مفرشيين تقليديين غزالين على دوق عائشة هي لي فرشاتها على دوقها وكيف حبات خطرها وكان صالون واحد اخور رومي مفرش بطريقة عصرية اروبية تيشووف ل جردة حيت لحيط كان بزااج وفي لخوامي بذهبي و كوزينة كبيرة ومجهزة و عااد لفووق لي فييه لبيوت مفرشين وزوينين كل واحد فرش بيتو على دوقو إلا يعقووب ميمتو لي تكلفات كانت بيتو منعازلة على لبيوت لخورين بيت كبير وزوين مفرش فراش كبير بالابيض والاسود لي هو لونو لمفظل فيه بالكون كيطل على جردة وطبيعة لي كتحيط ب لدار ...لخوامي واصلين حتا الارض فيه دووش كبير لبينوار فين كيدوشو و لبانيو وكلشي و دريسينك وواحد لفوطوي محطوط قريب لناموسية كان على شكل دائري وفالارض مفشة زربية برييش رطبة

يعقوب منبعد موصل على غفلة فررح لواليدة ديالو لي فرحتها متعطيها لحد بقات تعنق وتبوس سلمو علييه خوتو وهوما حشمانين منو عندو واحد شخصية مكتخليهمش يزعمو عليه .أما ملاك وهيشاام تيشطحو ملي شافوه .يعقوب گلس معاا موو شوية باش تشبع من شوفتو وعطاها لخاطر تتسول ويجاوب على قد سؤال داير ليها خاطرها و صايبو ليه قهوتو لي قاصحة وبلا سكار مرة ضوري عندو باش يكمي . سالا كاسو ونااض طلع لبيتو لي غير دخل وسد لباب بدا ينصل ف حوايجو بقاا ب لبوكسر لي مزير عليه ودوك لعضالات الله الله عوج عنقو لجنب حتا طرطق ليه كيسرح ف عضامو ( تشوفو شمس مسكينة تموت ليه تما بلخوف ومع هي قصيورة وهو طويييل تبان كي نملة قدامو 🙄)
زااد داخل لدوش ونصل لبوكسر بقى زبط بداك لجسم الاسمر .خدا ليه دوش صحصح بيه وخرج لبس بوكسر اسود و سورفيت كحلة مع تيشرط ابيض تحت لقبية لكحلة لي خلاها محلولة لبس تقاشرو وسبرديلة كحلة ورش رشة خفيفة من عطرو وهز باكية ديال لگارو وبريكة خشاهم فجيب سورفيت وهز لكونطاكت وزااد خارج من لبيت كيتمشا بروجولية وهو عاقد دوك لحجبان كيف ديما راسم 111 ف جبهتو مخنزر زااد خارج من دار مشاا جيهت طونوبيلتو لي كانت كحححلة تتبري وزاجها فيمي من نوع رونج روفر لي غير شافو لعساس مشاا تيجري حل ليه لباب يعقوب ركب و خدم لكونطاكت وزااد طاير شعل لگارو وحل زااج حاط يدييه عليه وتيگمي وصايگ بيد وحدة
عند ملاك :
لي كانت مركنة ف بيتها غير سمعات لوطو عرفات خوها يعقوب خرج دغياا ناظت لبسات ف رجليها صندالتها وهبطات لتحث مشاات عند مها لكوزينة دخلات عليها كي لعجاجة
ملاك : ماما يعقوب فين مشاا
عائشة : شافت فيها ورجعات تتقطع ف لخضرة تتعاون لمرأة لي خدامة عندها : گال عندو شي غراض منعرف
ملاك : هزاات وحد طرف يال خيزو تتغزغز فيه بحال لقنية : شفتييه أماما غير مكيزيد يتگظر تبارك الله
عائشة : بتسمات بفخر : إوا شنو رااه ولدي راااجل وسييد رجال
ملاك : بنكر : لا خلاص هادي مكدبتيش فيها لعربون بااين من تحت سروال ديما منفوخ داكشي عندو زاايد نغزة لا لا نغازاات
عائشة : أش لي منفوخ ؟؟
ملاك : خليك منداكشي اماما مبغيتش نفسد ليك أخلاقك ولكن أماما عندي وااحد سوال محيرني صراحة
عائشة : من نيتها مسكينة : لي هو ؟
ملاك : دباا خوياا نهاار غير نهاار يتزوج وااش نتي مهزااش لهم لهادي لتكون مراتو
عائشة : أه ولدي قاصح وعصبي ولكن لي تعرف لييه راه تتاقي شرو ورااه ميفوتهاش حتا هو مفيهش فعايل شمايت
ملاك : لا اماما لا ماشي على داكشي داكشي غير خلييه حريرتو حريرة بربي تيخرج منها لعسل لحر .ولكن انا اماما لي محيرني كيفاااش مسكينة تكون تحتو رااه بربي حتا يبقجها اويلي خلي دييك زرواطة عندو غدي تخلط ليها لوالدة ولمسارن ولمعداا علاش لا حتى لكبدة
عائشة : خرجاات عينيها ف بنتها عااد فهمات علاش كتهدر دغياا تحناات على صندالتها لي غير شفتها ملاك كعطاط مبقاتش ضارت تشوف وراها
عائشة : والله ابنت لحراام ونشدك حتاا نفرسك المسخوطة إواا واخا حتااا ترجعي والله لا خليتها فييك أوجه طوبة لا حياء لاحشوم
ملاك مسكينة موقفات حتا لجردة وقفات تترد نفس وتهضر غير وحدها : ودباا انا گولت شي عيب أويلي رااه گولت غير لمعقول كي شتي أنا ضريفة تنفكر ف مرت خوياا وهازة ليها لهم رااه مكذبتش أعيباد الله وااش لحجم طبيعي ديما منفوخ عندو دااك لعجب إواا ونهار يقيم اش إولي مسكينة والله صافي نديراها بحال ختي لكبيرة على الاقل نواسيها ف معاناتها ( ختك صغيرة أزين 🙂)