وردة يعقوب🌹مكتملة🌹

🌹الجزء 99🌹

💎🌺 قصة : وردة يعقوب 🌺💎

🍁🍁بقلم : وردة نور "نور الصدقي " 🍁🍁

🍂🍂 البارت : 99 🍂🍂

ظلام بدا يطيح داز لوقت

عند سلمى
لكان وقت خروجها من لخدمة وصل اليوم تعطلات على غير لعادة بحكم كان عندهم عيد ميلاد في ريسطو ضربات 22.45 بقات غير هي والناس لخدامين معاها قبل متمشي تلقا ليها يوسف ولد خدام معاها تكون عندو 26 سنة ولد عادي مقبول فزين ونطق قبل متمشي

يوسف: فين ازين غادا تمشي دبا
سلمى : (جوباتو وهي معصبة حيت اصلا معندهاش مع هذ لولد ) لا حتى نسيق طواليطات عاد نمشي تسيقهم معايا

يوسف : (كمش حجبان مستغرب منها) من نيتك موالفة كتسيقيهم واصلا ليل دبا
سلمى :(كتجاوب غير بزز ) ايوا هنتا قلتيها ومالفة كنبقا ملي كيوصل وقت خروجي

يوسف:(بدا كيضحك عرفها غير كضحك معاه)وملك معفرة علينا راه غير سولناك تبغي نوصلك معايا فطريق
سلمى :لا شكرا غنمشي بوحدي ولفت نمشي بوحدي

قبل ميجاوبها مشات وخلاتو دخلات لبلاصة لمخصصة ديال لبنات وبدات كتبدل فحوايجاها كانت لابسة لبسة ديال لخدمة لعبارة عن شوميز بيضة وسروال فنواغ حيدات شوميز وبدلت حوايجها وهزات صاكها يالاه جات تخرج وهي تلمح شي حد كين ورا لباب ديال لفيستر لكتبدل فيه ملي قربات تشوف شكون تصدمات ووسعات عينيها من صدمة

فهذ الأثناء لكانت كتبدل فيه حوايجها جا يوسف تبعهاا بلا متحس وبقا مقابلهاا وهي كتبدل وخا مبانتش ليه بزاف مبغاش يحرك لباب ويدير لحس قضى غا بداك شوية لي بان ليه ولي ماحملش انها لبسات شورط فوق ركبة مع طوني مشافش كيف بغا بقى مقابلها

سلمى زادت بزربة حلات لباب كلو لي خلاتو لبنت لي خرجات منقبلها غير مردود وقفات عليه وجها ولا حمررر بصدمة و الاعصاب بلا متشعر هزات يديها تلفوق وصرفقاتو بكل قوتها

سلمى:(كتهدر وهي معصبة وجها ولا حمر)قلييل الاآداب اشنو كدير هنا كنتي حضيني وانا كنبدل الحمار

يوسف :(بدا كيضحك بحال لمسطي وقال) اححح عندك هديك لخالة فخسرك زوينة اصلا كلك كتهبلي

سلمى : (ولات كلها كترعد وجها حمررر ومعصبة عاودت هزات يديها تلفوق وعطاتو تصرفيقة حر من لولة وتفلات على وجهو)تفووووو عليك الحمار الله يخاد فيك لحق الى خليتها فيك الشماتة مانيش سلمى

لاحت هذ جوج كلمات ومشات كتجري بلا مدور وراها
يوسف جعر بلبيان وبدا كيهضر وهو ومعصب وكشاكشو خارجين

يوسف: منتسماش يوسف ايلا ماحويتك على هذشي لدرتي غير بلاتي غنخليك تركعي على ركابيك ههههههه(بدا يضحك)

سلمى زادت كتجري موقفات حتى لبلاصة ديال طكسيات شدات طكسي طريق كلها وهي كتبكي معرفاتش علاش كتبكي واش حيت شاف لحمها ولا حيت قليها هديك لهضرة فحال شي عاهرة لي عارفة انها تشمتات وحتى باش تشكي بيه لمول ريسطو ماتقدرش عارفة يوسف شكون وهي شكون هو كيبقى ولد مول شي داخل معاهم كيتعلم وصافي مناقصو لا فلوس لا والو منغير انه داخل يدوز لوقت ويتبسل على بنات عباد الله بقات طريق كلها كتبكي وهي كتبكي تيليفونها مني خرجات من لخدمة وهو كيصوني ومسمعاتوش حتى ركبات فطاكسي عاد ردات ليه لبال جبدات تشوف شكون لقات انور مصوني ليها كثر من 6 مرات قطعات عليه وردات تيليفون لساكها