وردة يعقوب🌹مكتملة🌹

🌹الجزء 3🌹

🍁 قصة : وردة يعقوب 🍁
🍂 بقلم : وردة نور 🍂

🦋البارت :3🦋

هاجر بقات واقفة مصدومة مظناتش توصل بيهم لهاد دراجة زادت كرهاتهم مخلاو مدارو ليها ولبنتها وبقات حادرة راس حيث عارفة إلى خرجات من هاد دار معندها فين تمشي هي وبنتها منغير لخلا وعارفة إلى خرجات بنتها من داار فرصة لشحال من ذيب كان يتسناها عارفة بزااف باغين غير لفرصة فين يفرسو بنتها أمثال هاد سكايري لي من ديما عينو فيها غير تيشوفها تيقيم عليها لمكبوت وملي مالقاا منين إدوز ليها بغاا يتزوجها. هي صبراات هاد سنين كلها غير باش تكبر بنتها ومتخليهاش تعيش داكشي لي عاشت هي مستاحيل توصل حتا لهنا و تسمح ليهم هما لي مادارو عليها حتا جهد يجيو و يبيعوها اه لبيع حيث هداك ماشي زوااج. بقات تتسمع ودموع فعينيها اش دارت گااع باش يوقع ليها هكاا وتعدب ..
مصطفى : لبنت محال تبغي
راشيدة : ضحكات بإستيهزاء : هاديك غير تخرج فيها عينيك تمشي حتا لعافية تتخاف من طلها، وأصلا تبغي بزز على مالها غدي نشاوروها
مصطفى : و مها
راشيدة : شوف الله يرحم ليك لواليدين متعصبنيييش نتااا مالك ومااال مها تبغي ولا لا نتا لي راجل فهاد داار ولا هياا كلمت من غدي تمشي فهاد داار و أصلا خالتي رااه هدرت معاها في تيليفون گالت ليك لي درتيها نتا لي تكون إذاا سالينا
مصطفى : صافي غدي نعلمواا بلي موافقين سيمانة جاية غدي يجي داكشي باش ترجع مي من سفار
راشيدة : إواا هاكاك وديك مها لا معجبها لحال تخرج من دارتشوف فين تعيش ولا تمشي تسعاا

ناس معندهم ضامير باغين يلوحو بنت صغيرة مزال معارفة والو فهاد دنيا و وسخها على قبل فلوس هي مكلات منهم ريال سلفهم مصطفى لخو راشيدة باش يحرگ لي گالت ليه مرتو تيديرو بلا ميفكر وااش لخاطرو ولا حتا هو داكشي لي ماشاف حيث مكاينش شي راجل طبيعي يدير هاكا وتكون لمرا راكباه بهاد لمعنى
هاجر واقفة مصدومة تداركات نفسها ومشات دغيا دخلات لطواليت بكات حتا تفشات وغسلات وجها
هاجر : والله لاكانت ليكم واللة واخا نعرف نغبر بنتي عليكم نصبر على فراقها منصبر على عدابها خرجات مشات لكوزينة وهي تتحاول تبان طبيعية دخلات لقات ديك لكوثلة من لجمال تتحرك بحال شي فراشة في لكوزينة تتشوف هاد لوريدة واش تستاهل هادشي لي تيديرو وناوين يديرو فيها
شمس لي كانت تتوجد فواحد طوجيين بيديداتها حسات بشي حد دخل دارت مبتسمة بتيسمة غزالة
شمس : ماما
هاجر تتحاول تبتاسم فوجه بنتها : أ ماما
شمس : وا اجي خلاص تاكلي غداك راه لعشاء قريب يطيب تعطلتي غدي يكون برد انا نعاود نسخنو
هاجر : لا اماما بلاش الله يحفظك لياا غدي ناكلو هاكا
شمس : مشات حتا باستها في خدها بوسة تسمعات في لكوزينة : واخا أمامي لحبيبة
كلات هاجر و غسلات لماعن عونات بنتها في لعشاء حتا طاب عيطات على عمها و مرت عمها وحتا نورة لي غير تتوصل من لجامعة تاكل وتخشاا ف بيتها وتبقاا مقابلة غير تيليفون و لماكياج و صباغة ديال شعر متاتعاون والو في دار. تجمعوا تعشاو لي هاجر بزز تتاكل مسكينة وقفوه ليها سالاو كل واحد مشاا ينعس دخلات هاجر لبيت لقات بنتها طالقة شعرها لي طوييل ومسبسب بحال لحرير واصل لفخيضاتها ولابسة وحد لبيجامة ديال نعاس بالغوز واصلة حد ركبة خفييفة مع صهد كتبين طايتها كلها دريعاتها بيضييين و سيقانها عامرين وبيضيين بلقة رجيلاتها حميمريين تتفتن بقات هاجر غير تتسبح وتسمي الله وخا بنتها لعين علينا حق .كل وحدة تخشات بلاصتها ملي صبح صباح هاجر كيف لعادة اول وحدة تتفيق ف دار لقات بنتها ناعسة بحال شي ملاك شعرها مزلع حداها وكل رجل ف بلاصة متتزگاش ف نعاس تتبقاا تقلب بزاف باستها ف خدها لي حميمر و مشات غسلات ولبسات وقفات شحال تتشوف ف بنتها تنهدات تنهيدة طويلة و زادت خارجة بلا فطور مقصداتش لخدمة كيف ديما لا هاد لمرة عزمات على حاجة شجعات راسها خاص تلقاا لحل مشات ديريك قاصدة دار لحاجة فاطمة كيفما معروفة تما