وردة يعقوب🌹مكتملة🌹

🌹الجزء 76🌹

❄💎قصة : وردة يعقوب 💎❄

❄🌺بقلم : وردة نور 🌺❄

❄❄البارت : 76 ❄❄

في دار عائشة كانو جالسين مجمعين في جردة مع لحال سخون فرشو حصيرة على لكازو و زربيات مخدومين باليد شراتهم عائشة من عند واحد لمرأة لي كاتخدمهم ... حطو لمخاد وطبيلة محدورة لوسط عليها بلاطو ديال أتاي ولقهوة مع طبسيل لمسمن ولحرشة مع لحلوة ولخبز ديال دار وزيتون لعسل وزيت وكيكة ديال شكلاط لخير ديال راسو دايرين بطبلة كايديرو لكوتي عائشة مع هاجر لي مكبرين بيها ولحاجة وخديجة وملاك مع وصال لي خرجو مع ربعة اما دراري مزال مجاو من الخدمة ورجاء مشات لقرايتها كتقراء في لافاك

جالسين منشطين لوقت على داك لبراد قولها وضحك عليها حتى تضرب لكلاكسو وناضت ملاك تحل لباب بحكم السيد لي مقابل ولدات ليه المرأة وخدا عطلة
مع لحلة ديال لباب لكبير مع جات في طنوبيلت يعقوب كيف لعادة مكيعلمش وجها تخطف من لون فرحات وخافت تخلطات عليها حلات لباب كلو حتى دخل بطموبيلو بدات تسد في لباب عاد زادت تبعاهم كاتمشي بشوية حشمانة من خوها
يعقوب لي بلاصة طموبيل بانو ليه جالسين مفرشين كلهم دارو كيشوفو فيهم عائشة ناضت فرحانة في فمها غير ولدي وعروستي جاو
دار عند الرهوشة ديالو لي غير شافتهم زادت وسعات ضحكتها فرحانة وجها مزنك من نعاس لي نعسات حل سمطة ومد يديه لمجر هز لكارو ولبريكة دارهم في جيب مع تليفون عاد نزل ودار جيهتها فتح ليها لباب حتى نزلات ب حجابها الجميل هزات راسها فيه حتى تطوا عنقها كاتبسم ليه خلاتو غير كيشوف ماكرهش يتكيها تما شدها من يديها وزاد جيهتهم هما لي ناضو مقربين ليهم
غير شافو شمس بزيف وطويل كلهم تبسمو كيسميو الله ويباركو من جمالها وزادها الحجاب والسترة نور على نور وجها المنور ولحنيكات لحومر مزنكين
يعقوب قرب لمو باس راسها ويديها وعنقها عندو
عائشة : فرحانة بولدها : على سلامتكم اولدي الحبيب
يعقوب: الله يسلمك الوليدة
قرب لحاجة باس راسها وسلم على هاجر فقط باليد هي و خديجة قربات عندو وصال سلمات عليه هي وملاك لي عنقاتو طبطب عليها وباس راسها وخربق ليها شعرها
شمس زادت معنقة ماماها كاتبوس وتعاود وسلمات على عائشة باست ليها راسها خلاتها ترضى عليها ونفس شي دارت لحاجة وخديجة سلمات عليها باوجه عنقات ملاك ووصال فرحانة توحشاتهم
يعقوب بقى غير حاظيها عينيه غير عليها رغم لكسوة لواسعة الى انا ديك ترمة عندها خارجة ركز في ترمتها معاجبو حال الطويل ولواسع لبسهم ليها والو ديك لمؤخرة عندها فاظحة دنيا كاتخليه يقيم غا من شوفة
زاد قالب ادراجو لطموبيل هبض لبالز طلعهم معاه لبيت هازهم بحال مهاز والو كيتمشى بضخامتو قد سخط جبل

أما هما حتى طلع عاد لقاو الفرصة كيسولو ويعاودو على لحال والاحوال
شمس غسلات يدداتها من روبيني لي تما وجلسات معاهم كاتاكل وتهضر معاهم فرحانين برجوعها

ملاك : واش نتي لي ختاريتي ديري لحجاب
شمس: لا يعقوب لي بغا
هاجر : أحسن خطوة ابنتي تستري قدام لبراني ويشوفك غير راجلك عندو لحق
عائشة: مشاء الله ابنتي جاك زوين
ملاك : جاك غزال لي زين زين صراحة مكاين ما حسن من الحجاب الله يهدينا محبتو في القلب ناوية إن شاء الله ودبا زتي شجعتيني
لحاجة : إوا بغا يغطي رزقو داك لمخنزر حولو على لي يكساب هاد زرقت لعينين مايخاف.عليها خصو يحضي رزقو
وصال : هههه شتي أعمتي وخا يلبسها لي لبسها زينها مايتخبى
ملاك : تبحرتي ؟
شمس: أه عرفتي ديك المدينة كاتحمق عجباتني

بقاو شادين فيها يسولو ويعاودو حتى سلاو داك لكوتي صايبات ليها عائشة بلاطو طلعاتو ليعقوب ياكل
طالعة في دروج حشمانة وصلات لباب مالقات باش تحلو لبلاطو تقيل عضات على شفتها تحتانية وهزات رجليها كادق بشوية