وردة يعقوب🌹مكتملة🌹

🌹الجزء 153🌹

❄🌺قصة : وردة يعقوب 🌺❄

🍂🍂 بقلم : نور الصدقي 🍂🍂

🍁 البارت : 153

ثلاثة أياام دازو في لكلينيك لي شمس كل نهار مقابلينها بدوا والأكل الصحي باش يكون لحليب وترضع إسحاق لي كايبقى حاميها لغوات حتى ترضو وينعس كل لعائلة زارتها من عمام يعقوب وعيلاتهم و بناتهم بستثناء ليلى لي مشات لفرانسا تخدم

هاجر لي غير علموها كانت غاطيح على طولتها بالخوف قلبها مع بنتها كانت حااسة وقلب الأم ديما حاس ... جابها سعيد صباح نيت كي علموها ناضت بلا عقل هزها سعيد ومعاه مصطفى وراشيدة خلاو غير رقية مع نورة حتى يرجعو

وصلو داك صباح نيت مع 11 تقريبا نيشان لكلينيك سعيد خدا كادو لوليد وخدا لبوكي ديال لورد لي هزاتو راشيدة دخلوه فيديهم على شمس لي كانت لعائلة كلها معاها باركو ليها وحتى راشيدة ومصطفى وزررو لوليد وشحاااال فرحات شمس بشوفت عمها ومرتو من ديما كاتمنى يحنو فيها وبمجيتهم فرحوها باركو ليها وفرحو بالوليد لي كايهزوه من يد ليد فرحاانين بيه جلسو شوية حتى دخل يعقوب باركو ليه زيادة وزادو راجعين سعيد وميمتو وباه عياات فيهم عائشة يمشيو لدار يتغداو ويرتاحو لكن رفضو بحكم حتى هما كايجيوهم ناس بمناسبة ولادة نورة لي خلاو وحدها وهي نافسة فغير باركو ورجعو بحالهم لبني ملال

أما في لكلينيك لي دخل كايدخل لورد فيديه لكل فرحان بقدوم لمولود لجديد لحافيد الأول للعائلة ديال يعقوب إسحاق الذيب

هيشام وياسين بحكم لقااو لفرصة يهجمو على إسحاق يعقوب خارج حيث كاينة أم شمس وعائشة وسلمى وصال وكل مرة دخل شي وحدة من لعائلة خرج هو ماعندوش مع صداع لعيالات خلا هيشام و ياسين غير كايصورو ف لوليد ويلوحوه في سطوريات ويهزو فيه يبوسو حمقهم عجبهم حتى عصبوه غير كايبكي

ثلاثة أيام دازت عند شمس ويعقوب في لكلينيك هاجر مكتفارقش بنتها إلا لليل كاترجع مع عائشة لدار يعقوب لي كايبقى مع مرتو وولدو

وليووم كان الاخير لي غاتخرج فيه شمس

وااقفة وسط لغرفة ب بكيطمة في الأسود سخوونة ومستيلية مع سبرديلة نايك في الأبيض في رجيلاتها وزيف غوز مقدااه بشكل كلاص وجه دائري كايشعل وحنيكات حوومر من دفئ لغرفة وااقفة بزز مع لغرااز وماماها معنقاها جنب شادة فيد ماماها تفتح لباب ودخل عليهم بسروال توب أسود وقاميجة في زرق غااامق فاتح أزرارها لفوقانين وطاوي كمامها شوية مخليه يديه سمرين لي مزغبين باينين وعروقو لمجبدين عااقدهم لكن نضرة عينيه في محبوبتوو صغيرة فشكل كاتشع حب وعشق هي كاترمش فيه وهو مفيكسي شوفتو فيها غمزها حتى زادت تزنكات وحدرات عويناتها حشماانة من ماماها لي ملاهية مع صاك لي هازة فيه حوايج لبيبي وشمس

يعقوب لي غير خرج الإستقبال خلص لي عليه وقاد وراقوو ورجع ... لوى لسانو في فموو من شوفاتها لخجلانة قلب عينيه سوود لولدو لي ف لكونة ديالو لابس حويجااتو بالون الأزرق وتقيشرات ف رجيلاتو مكمط وسط ماانطة ديال صغاار نااعس ومرة مرة يحرك فيمو صغيور ويتبسم وهو نااعس خلا يعقوب بلا عقل قلبو كايخبط منهاار شاافو وهزو بين يديه تكونو مشااعر من نوع خااص فقلبوو الأبوة شي حاجة لي زووينة بزاااف ... قرب هززو فلكونة ديالو وقرب لشمس عنقها عندو وزااد خارج بيها بشووية وهاجر حدا بنتها من جيهة تانية هازة صااك