وردة يعقوب🌹مكتملة🌹

🌹الجزء 128🌹

❄🌺قصة : وردة يعقوب 🌺❄

🍂🍂بقلم : نور الصدقي 🍂🍂

🍁 البارت : 128 🍁

اصبحنا واصبح الملك لله

بني ملال

نهار جديد ويوم جديد شرقت شميسة ديالو لي كتحجبها الغيوم كانت دافئة شوية كتنسي برودة الجو

جالسين دايرين بطابلة ديال الفطور سعيد و رقية وهاجر وراشيدة لي عزلات لبراد ديالها مسوس ولات ضعييفة عكس مكانت عليه قبل اما مصطفى فاق بكري فطر ومشا لسوق

الطابلة عليها خير ربي من مأكل ومشرب محطوط عليها بلاطو فيه اتاي ولقهوة معطرة
زويتة ولعسل الحر مع سمن و طبسيل ديال الروز بالحليب
مع طبيسيل ديال لبطبوط سخون و بغرير مدهون بالعسل طيباتهم هاجر على صباح لسعيد عرفاه كيبغي طابلة تكون عامرة كيعجبو هادشي دلمسمن ولبطبوط و كتعجبوو لماكلة ديال الدار منوعة

راشيدة : معاجبها حال مخنزرة : وفين تمشي نتا اولدي وعاد واصلتي جلس غير ترتاح راه لكيران عطاهم الله

سعيد : كيفطر هز عينيه فمو ونطق بهدوء : باغي نشوف بنت العم الوليدة عندي غراض تما

راشيدة : شافت في رقية لي ساكتة وغير كدور فعينيها ممسوقاش رجعات شافت في سعيد : اولدي اش تشوف فيها مالها ماتجي هي تشوفك

سعيد: نطق بزعاف بدا يتعصب : الله يرحم ليك لوليدين الوليدة خلينا هانين وخليني مرضي ميمتي

راشيدة ضربات طم و خنزرات في هاجر لي حتى هي شافت فيها بشوفة قاصحة

هاجر : انا نوض اولدي نلبس جلابتي

سعيد حرك ليها راسو مطفح كيفطر ومخنزر كلام مو كيمرضو وفنفس لوقت كيصبر كتبقى مو وخا مبغات توب باقي الاب ديالو مصطفى منهار عرف سعيد اش كيخلوط وخلص عليه لفلوس لي كيتسالو سكايري اما كان يمشي فيها لحبس ندم ولا ساد فمو وشاد تيقارو سعيد كيشوووف حتى يعيا كيبقاو واليديه

كمل فطورو وناض بطولتو لابس سروال دجين ازرق مع تيشورط ابيض فوقو تجاكيط د لكوير كحلة وسبرديلة بالابيض شعرو محسن تحسينة عادية جسم اسمر ومعضل بحكم السبور وخدمتو وحتى تمارة لي طلع فيها من الصغر رجل حررش .... زاد لحمام غسل يديه وسنانو وزاد لبيتو هز بزطامو ولكونطاكت دارهم في جيب مع تليفونو ولكارو وزاد خارج لقى هاجر واجدة لابسة جلابة بلخزي مخدومة بعقيق أبيض لخياطة لواعرة مع صبيبيط بلا اسود وشال اسود جا مع لون بشرتها البيضاء هازة صاك متوسط دايرة فيه حوايجها وصاك صغير بسنسلة فليد تانية وجها صافي بدون اي مساحق تجميل رجعات صحتها ولات الراحة باينة عليها علاش لا وبنتها مهنية عليها وبالها عليها مرتااح عارفة عطاتها لراجل كيبغيها وسيد رجال

قرب سعيد خدا من عندها الصاك وزاد مقرب لمو باس راسها وراس جداها وزاد خارج تبعاتو هاجر منبعد ما نطقات ب الله يعاون