وردة يعقوب🌹مكتملة🌹

🌹الجزء 119🌹

❄🌺قصة : وردة يعقوب 🌺❄

🍂🍂بقلم : نور الصدقي 🍂🍂

🍁 البارت : 119🍁

يعقوب: ملي نتي خوافة اش مهبطك بوحك فهاد لليل

شمس: انا نزلت نجيب ليك لعشاء

يعقوب: ياك تنقول ليك لهبوض في لليل لا ؟ مبقيتيش كتسمعي لهضرة

شمس حركات راسها كدور فعويناتها : واغير بغيت

يعقوب: زاد طالع بيها بشوية مدور يدو على ظهرها : بغيتي لي يسلخك ياك

شمس: أه خاص لي يسلخني حيث بغيتك تعشاء ومتبقاش بلا عشاء وخليت ليك حقك

يعقوب نزل عينينه ليها كيشووف جابت ليه ضحك لوى لسانو في فمو محمقاااه زير بيدو على جنبها ونطق بصوتو لغليض بشوية : براكة عليا انا غير نتي تكوني واكلة وشاربة ومرتاااحة مبغيتكش تنزلي فهاد لليل وحدك وزيد لكريشة متقلاك خاصك الراحة انا كون بغيت غانزل لراسي نتي دبا خاص لي يتسخر عليك تنكول ليك شدي الارض ولي بغيتيها تجيك مديري والو سمعي لهضرة الله يرضي على بنتي

شمس : زمات شنوفتها : وخا ولكن انا مزيانة فاش كنعيا راه كنجلس

حل لباب دخلها قدامو ودخل سد لباب بشوية وزاد لطابلة لي تما حط لبلاطو وجرها عندو بشوية جلس على لفوطوي وجلسها على فخادو

يعقوب: اشنو المرضية

شمس: حطات راسها على كتفو ونطقات بصوتها رقيق يديها فوق يدو لي على كرشها : والو

حرك راسو بشوية كيتفحصها بعينيه ملامحها وعويناتها ماحس غير بركلة تحت يديه تبعاتها لقفزة ديالها يعقوب بقى مفيكسي قلبو كيخبط

شمس: اااي ركلني

يعقوب: نيم عينيه فيها كيحرك يدو بشوية على كريشتها: كيهضر مع باباه

شمس: هههه وانا شابع فيا ركيل

يعقوب: بان ليا باغي لعصا من لكرش ياك

شمس: بدلع : لا ولدي منخلي حتى حد يضربو

يعقوب: وخا حتى نجمعهم ليك لمك واحد تابع لاخور نشوفو اش ديري معاهم واحد هزاه واحد كترضعيه واحد كيجري ويزلع ولاخور نحطو في لكرش نعمروها وغادية هكاك

شمس: خرجات عينيها : لاااا غير هدا

يعقوب: انا باغي لولاد بزاف

شمس: جوج صااافي غانولد هدا وغاتجيب ليا لفانيد
يعقوب: عقد حجبانو راسم 1111 في جبهتو : ديالاش لفانيد ؟

شمس: عضات على شفتها بحشمة دغيا تزنكو حنيكاتها لمطيبزين: ديال مانع لحمل حتى يكبر هذا تولي عندو 5 سنين ولا 6 سنين يدخل لمدرسة عاد نزيدو ختو إن شاء الله

يعقوب: مكاين لا عام لا زعتر وقضية لفانيد حيديها من بالك

شمس: خرجات عويناتها: واشنو... لا ايعقوب منيتك