وردة يعقوب🌹مكتملة🌹

🌹الجزء 43🌹

❄🌺قصة : وردة يعقوب🌺❄

💎BY : Ama Mery & وردة نور💎

🦋البارت : 43 🦋

لبنات دخلو لداخل منبعد معيطات عليهم عائشة يتغداو دخلو وتجمعو على طابلة لي كانت عامرة بخير الله وجدو طواجن ديال دجاج وزيتون ولفريت معاهم لعواصر و شلايض وبسطيلات صغار بداو ياكلو غير بيناتهم اما دراري صونات عليهم عائشة قالو ليها مزال معطلين غدي يتغداو برا اما خلاص يعقوب معروف عليه تيخرج ميرجع حتا لوقت لي قالها ليه راسو ...تغداو بيناتهم ودخلو لصالة كيتفرجو حتا صونا تليفون لشمس لي غير شافت سميت زوجي لمخنزر ❤ حنيكاتها دغيا حمارو ومع حنيكاتها مطيبزين كتبان بحال شي فرييزة بلخلعة ولحشمة قطعات عليه وناضت بزربة طالعة لبيتها خلاتهم كيموتو عليها بضحك

شمس طالعة كتجري ف ضروج لبيتها ومع قصيورة غا بخوشة كتجري وهي كتعط ف شفيفاتها حتا وصلات لبيتها شافت فتليفون لي قطعات عليه بغات تبكي حيت قطعات عليه بقات كتفكر واش تصوني عليه هي ولا لا ولكن حشمانة كتجيها واحد لحشمة منو كتخليها متزعمش عليه ݣلسات على ناموسية وهي كتعضعض ف شفيفاتها حتا قفزات ملي عاود صونا تليفون هزاتو وهي حشمانة جوبات
شمس: "بصوتها رقيق لحنين و بخفوت" الو
يعقوب: لي كان صاايݣ وهو عااقد حجبانو كيكمي بيد وصايݣ بيد حتا تفكر لبرهوشة ديالو وقلب لفلون خرج على طريق و دخل لواحد لبلاصة جنب طريق خاوية داير بيها غا لخلا وشجر بلاصا تم وهز تليفونو ودوز ليها حتا قطعات عليه زاااد عقد 111 فجبهتو كمل لݣارو ديالو وهو عااقد دوك لحجبان كيتسناها تعاود تصوني ولكن باينة منويااش عااود دوز ليها حتا سمع صوتها لمحلون من عند ربي
يعقوب: بصوتو لمدعدع لقاصح : شنو كديري
شمس: ببراءة : والو
يعقوب: عض فمو من لداخل وهز يدو لمعرقة لحرشة دوزها على لحيتو و بصوت قاصح: وعلاش قطعتي تليفون مال حسك باغيني نفرع مك
شمس: خلعها بصوتو لمدعدع دغيا دمعو عويناتها : هنن ا لا أنا أنا
يعقوب: نتي شنو أمم ..لمرة جاية تقطعي عليا
نتفاهم مع حسك
شمس: ندمها جوبات بصوت مغنغن : م هئ منعاودش
يعقوب: عرف راسو خلعها سااط بجهد بحال لعجل : مالنا دبا على البكاء تبكي نجي نبكيك ديال بصح يالله زميه
شمس: بحالا قال ليها بكي دغيا طاحو دميعاتها واخا مدار ليها والو ولكن هي بكاية بزااف وهو لسانو سليط واخا يعيا يربط فيه مكيعرفش يتعامل معاها معرف ميدير وهي بحال لوليدات صغار هضرة زوج تبكي ليه
يعقوب: شششش راني دويت صافي سكتي مندير ليك والو مالنا دبا
شمس : بدات كتمسح فدميعاتها وتمصمص ف شفيفاتها دغيا وجها حمااار حنيكاتها بغاو يطرطقو بقات قاطعة لحس
يعقوب: شنو خاصك
شمس: مفهماتوش يحساب ليها باقي معصب عليها وبصوتها رقيق : و والو
يعقوب: صوتها كيبورشو محلوون نيت : وااش خاصك شي حاجة نجيبها ليك معايا أمم
شمس: حشمات منو معندها متقول ليه : لا
يعقوب: حرك راسو وعض فمو من لداخل : بقا مقصحة ؟؟ إلى حسيتي بتحتك ضارك قوليها
شمس: خرجات عويناتها وحنيكاتها ولاو بحال ماطيشة بدات دور ف عويناتها وهي غدي تبكي بلحشمة مزال ممولفة بهادشي
يعقوب: عرفها حشمات ولكن حالف حتا يحيد منها هاد لحشمة : داوي مع لحيط
شمس : بغات تموت ليه بلحشمة خافت متجاوبش يصدق تاني معصب عليها : هنن لا أنا أه غير زعما غير شوية كيوعتني
يعقوب: حلاوتها كتجيب ليه تمام : دبا نجي ونداوي غاري حيت خصو يبرا دغيا
شمس: بقات غير كترمش دم بغا ينقز من خدودها منهم
يعقوب: يالله سيري حتا نجي لي خصاتك عيطي عليا وانا نجيبها ليك صافي
شمس: صافي واخا
قطع عااد رجعاات فيها نفس حطات تليفون وناضت كتعض ف شفيفاتها دخلات لحمام وسدات لباب بدات تحيد ف حوايجها وحلات لماء كتعمر لبانيو لحمام مجهز بكلشي وملاك وراتها كلشي منين كيخدم وهي عقلها خفيف دغيا كتعلم...عمرات لبانيو وخوات من واحد لباندوش كانو بزاااف محطوطين تما هي خطارت ديال لفريز خوات منو حتا دار لكشكوشة ودخلات وسط لبانيو عجبها لحال مع لماء دافئ ترخات كتحس براحة زوينة رجعات راسها لور وغمضات عويناتها مرخية بقات شحااال هكاك حتا حسات على راسها تعطلات عاد ناضت وهزات شمبوان ديالها لي حتا هو بنكهة لفريز ومشات تحت رشاشة كتغسل فشعرها حتا غسلاتو مزيان و عودات شللات ببندوش دلفريز لي كيرطب لجسم وشللات لحمها مزياان بلماء عاد هزات فوطتها نشفات ولبسات بنوارها و دارت فوطة خورة لشعرها وخرجات من دوش بحال شي وريدة حنيكاتها حووومر وفمها حمررر كتر ماهو حمر دووش باين عليها زادت جيهت دريسينغ لي عااامر بحوايجها شي مستف وشي باقي فلبالز خدات دوبياس بلغوز حيدات البنوار ولبساتهم ولبسات صوفيطمة حتا هي بلغوز باااارد و لبسات بيجامة غوزية خفيفة سروال أبيض وفيه وريدات بالغوز و لفوقي غوز وفيها نونوسة بالابيض على شكل دبدوب جااات فنة وكيوت ومع لبيجامة خفيفة و لفوقي قصير شوية بينات ليها طايتها لي مقودة صدر واااقف وترمة خارجة ولهونش خارجين للحصول كتفتن لبسات فرجيلاتها بانطوفة ديال دار خفيفة ومفتوحة من لقدام وحتا هي بالبيض وفيها نونوس بلغوز زادت خارجة جيهت لكوافز لي ستفات فيه مكياجها ملي كان غير يعقوب كان خاوي فيه غير جوج قراعي ديال ريحة لي كيستعمل دبا ولا عااامر بالمكياج ديالها و بنظاتها و رواايح ولفيليلات واكترية لون لغووز لي كتحمااق عليه