وردة يعقوب🌹مكتملة🌹

🌹الجزء 34🌹

❄🌺قصة : وردة يعقوب🌺❄

🦋البارت : 34 🦋

مراكـش يا بهجت ليام

من لبعـيد انا شايف انوارك
عـروسة غزالة
والفـرحة مازالا ديما في قـلب دارك
امراكش الباهية
وانت ديما زاهـية
وبـشارة لـيام

وصلوا لمراكش وزادو خرجو عليها وشدوا طريق دارهم
في طموبيلت يعقوب لي صايك بمهارة بيد ويد حاضها على فخدو مرة مرة يدور وجهو لديك لوريدة لي حداه الطريق كلها و هي جابدة على النعاس رجع عليها العيا ديال العرس كلو ..مكمشة وناعسة هو صايب ليها لكوسان حدرو حتى جا مقاد ليها في وضعية نعاسها وفتح سرجم شوية من جيتهو مخلي لغربي يدخل مع لحال بدا يسخن

في طنوبيلت انوار كانت ملاك و وصال حتى هما ناعسين لور وعائشة راكبة حدا ولدها مرة مرة تديها عينيها حتى هي
اما واحد جوج مسكتوش طريق كلها وهما مناكرين

مسافة ديال طريق حتى وصلو وتحل الباب الكبير و دخلات منو سيارة يعقوب لي وصل هو الأول حيث جاي كيطير فالطريق و مكيوقفش أما هوما مرة مرة كيوقفو يرتاحو عاد يكملوا اما هيشام كل مرة يوقف هو وياسين مرة يتبادلو صوكان وخا لمسافة مبعيداش بين بني ملال و مراكش ولكن هما مفروحين وحتى هيشام مدوخ بنعاس

يعقوب بلاصا الطموبيل وهبط لقا خديجة في لباب مبتاسمة وفرحانة تشوف مرت يعقوب هازة بلاطو فيه لحليب وتمر بركات ليه فرحاانة شاف في لبلاطو وهز تمرة لاحها كلها في فمو اما لحليب مقربش ليه ماعندوش معاه
خديجة: كاتشوف في طنوبيل بغات تسولو ولكن مزعماش عليه كتخاف منو
يعقوب: فهمها بغا : ناعسة
خديجة: حركات راسها باه وزادت داخلة وهي فرحانة ليه من قلبها هو لكبير فولاد لعائلة ويالاه هداه الله ودار مرتو حتى هو

يعقوب دار عند شمس حل الباب حيد ليها السمطة و هزها بالشوية مابغاش يفيقها خشاها فيه كتبان قد لكمشة تم داخل بيها الدار وزااد طالع بيها لبيتو حل الباب و مشا حطها فوق الناموسية وحيد ليها شربيل من رجيلاتها

هي غير حست براسها تحطات على لفراش لي رطب ومررريخ كلشي بريش ...حسات برااحة بدات كتجبد وتنخشش في لمخدة كدير شي أصوات بحال ديال المشاش دليل على راحتها

خلاتو غير كيشوف وحاضيها و سالف ديالها زعيعر مزلع فوق لفراش

بداو شفارها طوال يتحركو كتحل عويناتها
حتى فتحاتهم جاو فيه ديريكت بدات ترمش بزربة حنيكاتها تحقن فيهم دم بحال شي تفااحة

هو كيشوف فيها هبلاتو كتجيه ديال لي يشدها ياكلها فدغمة لوحة فنية محطوطة على فراشو

تحنا عليها وطبطب بيديه على راسها : رجعي تنعسي رتاحي انا غانخرج دبا عندي مانقضي مغانرجع حتى لليل

تحنى عندها و قرب لودنيها و نطق بصوت مدعدع وبشوية

نعسي دبا وبليل متنعسيش تسنايني حتى نجي
ليلنا طويل