💎🌺قصة : وردة يعقوب 🌺💎
🍂🍂نور الصدقي 🍂🍂
🍁البارت : 91 🍁
داز لوقت كل واحد طلع لبيتو ينعس حتى ناض يعقوب بطولتو كيطرطق في عضامو ونطق بصوتو لغليض: لي مسلكك ديرو مهم انا باقي سيمانة هنا
انوار : يكون خير
زاد يعقوب طالع لبيت حل لباب لقى لبيت خاوي زاد لدوش والو وحتى لبالكون مكيناش عقد حجبانو وساط بسخط قلب أدراجو خارج من لبيت وسرطح لباب بجهد عيط بصوت مدعدع غليض وبجهد دعدع لحيوط
يعقوب: شمسس شمسس
شمس لي كانت في البيت مع ماماها كيهضرو ويتجمعو مع بعض حتى سمعات صوتو قفزات مخلوعة باست ماماها وهزات تليفونها وخرجات عندو بزربة كتجري ولخير ديالها كيتهز معاها
شمس: بصوت حنين: نعاام
يعقوب: كيشوف فيها جاية عندو بجرا بحال شي فار هارب وديك لمحلابة عندها كتهز تريمة خاارجة كتهز معاها : فين كنتي ؟
شمس: كتهضر وهي قالبة وجها : عند ماما
يعقوب: شير ليها قدامو : قدامي يالاه
شمس: بدات ترمش : ب بغيت نعس عند ماما
يعقوب: البيت قبلما نعوج جدك فهاد ليل
شمس: عصرات فمها لحميمر وقوسات حجبانها بلطف وبراءة وزادت قدامو عقداهم زعما قالك محسات حتى جمع معاها بشحطة لترمتها وبدات تهرنن
يعقوب: زيدي لمك زيدي هاد لخير عندك غير ديال شحيط
زادو داخلين لبيت مشا هو تجبد فوق سرير داير يديه تحت راسو وشاف فيها
يعقوب: فرشي لينا في لبالكون برا
شمس: و خليني نشوف واش جا هيشام وجابلي لكلاص بغيتو
يعقوب: خنزر فيها : لقلاوي لي تشوفي لا
شمس: بدات تهرنن : متبقااش تهضر معايا
زادت كتشتف نترات زيفها ودخلات لدريسينغ حلات لبلاكار لي تما بدات تجبد في لمانط تفرش وهو غير حاطيها فينما دازت متبع ليها لعين حتى فرشات وزادت لناموسية هزات لمخدة ديالها ومشات لبالكون نعسات في بلاصتها نعسات وهي مكمشة بغا تبكي
يعقوب: هز لمخدة ديالو وزاد حداها تجبد هي عاطياه بظهر قاطعة لحس : دبا مال مك عطياها غير لبكاء
شمس: كتسمع فيه وساكتة
يعقوب: معامن داوي أنا
شمس: هئ ابغيت لكلاص هنن
يعقوب: دورها عندو وهزها فوق منو بحال لبخوشة : وعلاش مكلتيهاش ليا انا
شمس: وهنا قلتها دبا عفاك خليني نشوف واش جاب لي هيشام لكلاص نجيبو ونجي بزربة
يعقوب: عقد حجبانو: انا نخرج نجيبو ليك شنو بغيتي خور ؟
شمس: ولكن مابغيتش نتا تجيب ليا حيث مكنهضرش معاك
يعقوب: كيحاول يوسع خاطرو : نوضي نديك جيبيه لراسك
شمس: حلات عويناتها على وسعهم فيه : واش لحانوت ؟
يعقوب: اممم
شمس: ناضت قافزة من فوقو : يالاه
يعقوب: ناض وزاد لبزطامو لي على لكوافوز هزو خشاه في جيب : مسيبة لمك مسيبة
أنت تقرأ
وردة يعقوب🌹مكتملة🌹
Roman d'amour💎مكتملة💎 ❌حصرية على الواتباد❌ ♨️حـــــصــــــريـــــــا ولأول مـــــــرة عـــــلــــى شــــاشــــتـــــكــــــم ♨️ 🥀#مكتملة 🥀 💎 قــــصـــــة تــــحـــــت عــــنـــــوان 💎 ⚜وردة يــــعـــــقــــــوب⚜ 🦋 بـــــقــــــلــــــم 🦋 ...
