وردة يعقوب🌹مكتملة🌹

🌹الجزء 102🌹

💎🌺 قصة : وردة يعقوب 🌺💎

🍂🍂بقلم : وردة نور "نور الصدقي " 🍂🍂

🦋 البارت : 102 🦋

عند يعقوب

واقف وجهو كحل بالأعصاب عروقو مجبديين زراقو عضلاتو تورمو فكوو مزييير واقف مسند مستقيم على لحيط كي ثور عينيه منيشين على لباب لي دخلات ليه طبيبة واقف أنفاص ليه ومو حداه جالسة على لكرسي كدعي الله بقاو شحال هكاك هو قلبو وعقلو لداخل كيتشوا جابها كي شي فريخ سخاافنة فيديه ماعرف مالها ولا أش بيها عينيه لي ولاو حمرييين متزعزعوش على داك لباب

حتى تحل لباب وخرجات منو طبيبة في مقتبل العمر سدات لباب وزادت عندهم وقفات عليهم عائشة ناضت واقفة

عائشة: مالها أبنتي مال بنتي اش عندها

طبيبة: تبسمات ليها وطبطبات على كثفها : كل خير إن شاء الله

هزات عينيها في يعقوب لي واقف عليها كي لحيط عرفاتو راجلها ملي جابها وهو محيح عليهم

يعقوب: هز يدو دوزها على وجهو حاس بشي عرق غيطرطق ليه نطق بصوت مدعدع كيبرك على لحروف فكو مززيير : مررتي ماالها شنو بيها وكي بقات دبا

طبيبة : تبسمات ليه بأداب خلعها بضخامتو : الحمد لله ماعندكم علاش تخلعو هي دبا بخير علقنا ليها سيروم غير يتسالا ممكن تخرجوها بينما فاقت راها ناعسة والسبب في الإغماء لي وقع ليها هو الحمل

يعقوب: هز عينيه لحمرين فيها ودنيه كيصفرو عوجع عنقو مهبض عينيه ليها نطق بصوت مدعدع غليض عااقدهم وتفاحة ادم كطلع وتهبض في عنقو : شنو كلتي مال الزعرة ديالي

طبيبة: عرفاتو مصدوم وصدمها معاه خافت غير لا تجيها شي دقة : مراتك اسيدي حاملة في الاسبيع الاولى

عائشة ضحكات من لودن حتال لودن محسات حتى طلقاتها بتزغريتة منقلب قلبها : يويويويويويوييي

يعقوب دار شاف في مو ورجع عينيه لباب لي ناعسة فيه البرهوشة ديالو قلبو كيخبط باغي يخرج من بلاصتو تلف دنيا دارت بيه بلاما يحس خرجات ليه إبتسامة خفييفة بزاوية ديال فمو جمعها في لبلاصة وهز راسو لفوق بلع ريقو حتى طلعات تفاحة ادم وهبضات في حلقو نطق بصوت مدعدع وخافت إسم واحد : الله

بلاما يشعر نزلات دمعة من عينيه كي قطرة ديال لماء مسحها بزربة و الاول مرة من بعد موت الاب ديالو كتنزل دمعة من عينيه عض على فمو من لداخل عاااقدهم 111 ديما مرسومة في جبهتو

عائشة: عينيها دمعو بدات تبكي عنقات طبيبة بالفرحة : الله الله الحمد لله فرحتيني ابنتي ربي يفرحك يااربي يااربي الحمدلله الحمدلله ربي كبير

طبيبة : عنقاتها مبتاسمة : الله يتبت حملها ومبروك عليكم

يعقوب: جر مو عندو بشوية عنقها عندو وباس راسها نطق بصوت مدعدع : مرتي وولدي بخير