وردة يعقوب🌹مكتملة🌹

🌹الجزء 118🌹

❄🌺 قصة : وردة يعقوب 🌺❄

🍁🍁 بقلم : وردة نور "نور الصدقي " 🍁🍁

🍁🍁 البارت : 118 🍁🍁

واقفة مقابلة مع سرجم ديال لبيت وشعرها طويل منسادل على كتافها شادة خصلة منو كتلعب بيها بين صبعانها وبليد تانية شادة تليفونها كتهضر ابيل فيديو هو لي متكي في بيتو ملابسش منغير شورط كتشوف في كثافو لعراض وعضلات صدرو باين كيخدم على جسمو عضات على شفتها بحشمة من شوفاتو

رضى : بصوت رجولي مبحوح : عقلتي على نهار لقتلك دخلتي لقلب أفريفرة ؟

ملاك : ههه على انا غنسى

رضى : وغنعاود نقولها ليك نتي لي خديتي القلب ولعقل

فلاش باك 🔙🔙🔙🔙

دقات لباب وعطاها اذن باش دخل
دخلات وكان هو جالس في لبيرو برجولية غير شافها دخلات وهو ينوض عندها بخطواتو طوال وقف قدامها بقا كيشوف فيها وفي عويناتها لعسلين وهي كتشوف فيه وترمش بزربة كتسرط في رقها

رضى: حنحن باغي يهضر وحشمان خايف يتصدم من ردها ليه : شوفي غنجيك نيشان بلا داك تبرهيش باش متقوليش هذا باغي يتفلا عليا انا ابنت الناس عجبتيني وبغيتك حلالي قبلتي مرحبا وراك غتعيشي معايا ان شاء الله بخير انا مغنشكرش ليك راسي وانا زوين وانا وانا. راك شفتيني كيفاش ديار وشفتي شخصيتي وتعاملي فعلا انا عصبي ولكن كنتعصب على لحاجة لكتستاهل ومزال غتعرفيني كثر فاش غتعاشرني وانا عجبتيني بصراحتك وضسارتك وتصروفاتك لحمقة بضحكك لباسل مبقيتش كنقدر نعس بلاما نفكر فيك ديما كتجي فبالي وليت مهوس بيك بمفهوم اخر وليت كنبغيك ابنت الناس

ملاك حلات فمهاا تصدمات من كلامو بقات غير واقفة وكتسمع ليه حسات بدنيا كدور بيها معرفت واش تفرح ولا تعصب من هذ لهضرة لي قال معرفاتو كيضحك ولا بصح عقلها رافض وقلبها كيضرب بجهد فحالا فرحان وكيقوليها جوبيه حدارت راسها كتفكرواش دير ولا باش تجاوب كترتب افكارها معدتها تزيرات عليها تخربقات فعلا معرفاتش اشنو غتقول زامة فمها كتفرك في صباعها

هو شافها سكتات وشدها من كتافها وحركها شوية

رضى: عينيه كيتاملو فيها بحب وإعجاب كبير : ملاك انا مغنبزز عليك والو ايلا كنتي رافضة هذشي كلو ومكتحسي بحتى حاجة من جيهتي غير قوليها كنواعدك عمرني نقوليك شي حاجة مرة خرا ويلا كنتي كتحسي غير بشوية من جيهتي ومقدراش تجوبيني غير حيت مخربقة ومعرفا واش تبعي عقلك ولا قلبك انا غنعطيك لوقت لكافي تفكري فيه وعطيني جواب انا باغيك لحلال باغي نقصد لباب

ملاك:كتهدر وهي حادرة راسها :صراحة معرفتش باش غنجاوبك ولكن ا انا نن

قبل متكمل هضرتها سكتها ملي حط صبعو على فمها
رضى:شوفي متقولي والو دبا ومتجوبينيش وخا سيري لدار دبا وفكري مزيان وشنو يناسبك ومن بعد عطيني جوابك ويلا مقديتيش تجوبيني اولا تعطيني لجواب فوجهي (مد ليها يدو) عطيني تيليفونك نقيد نمرتي عندك وصيفطيلي جوابك فميساج وخا ومنها نيت تسولي وتعرفي لي بغيتي