وردة يعقوب🌹مكتملة🌹

🌹الجزء 24🌹

❄🌺 قصة : وردة يعقوب 🌺❄
❄🌺 بقلم : وردة نور 🌺❄

❄🌺البارت : 24🌺❄

يعقوب زاد طاير مع طريق وهو عااقد حجبانو وكيعض ف فمو وبلا ميحس جات ف بالو تفكر ليلة لي دازت وهي ناعسة في حضنو وكتنخشش فيه وتفكر جسمها لي متفجر الأنوثة رطيطبة بحال لوليدات صغار تفكر كيفاش كانت تحتو بحال شي حلوة بلا ميحس دوز لسانو على شفايفو وحدر عينيه لمعلم لي دغيا تنفخ على سبة عقد حجبانو وزااد خنزر غير وحدو... زاد طاير حتا وصل لبني ملال وزااد خارج منها وشد طريق مراكش غادي صايگ وعااقد حجبانو وتيعض فمو من لداخل ...
.....عند شمس لي لبنات ملاك و وصال وحتا هجار تعاونو على دوك لحوايج وكلشي داكشي لي شراء ليها هزوهم لبيت هاجر وشمس وسورتات عليهم هاجر عارفة راشيدة مافيهاش تيقة تقدر دوز لحوايج بنتها ودير ليها شي حاجة عارفها مكتخاف الله هادشي علاش دايرا بالها مع كلشي كيخص بنتها
زادو لصالة لي عائشة جالسة فيها ومجلسة شمس حداها لي حشمانة وحنيكاتها بغاو يطرطقو و لحاجة في جنبها لاخور ولبنات مقابلين ليهم وراشيدة وبنتها ورقية حتا هما جالسين دخلات عليهم هاجر هازة صينية ديال أتاي ولحليب لشمس لي معندهاش مع أتاي حطات صينية ورجعات لكوزينة وجابت بلاطو فيه زيت بلدية وزبدا ولعسل ولحلوة و لفاكية ولكيك ولخبز حطات كلشي وگلسات كتشوف في بنتها وتفحصها بعينيها لي مجمعة مع عائشة لي كتحاول تخليها تزعم عليها مسولاتهاش نهائيا على أش وقع بينها وبين يعقوب مبغاتش دخل عارفة ولدها ميبغيش لي يدخل ليه سوقو وهي لمهم عندها غاملي هداه ربي وتزوج ...بقاو شادينها هضرة وواحد زوجات غا حالين عينيهم في شمس ولفضول قاتلهم بغاو يعرفو أش وقع ولكن خافو من عائشة تنوض ليهم ضربو ضم وخلاوها حتا يكونو غير هما وياها راشيدة بقات تطلع في شمس وتهبض لا هي لا بنتها مكرهو يعطيوها سم

لحاجة لي حاضية شمس كتشوف فيها بغات تعرف واش قرب ليها ولا لا لي فيها مهناها
لحاجة : حم إوا أبنتي أشمس مقولتيش لينا أش درتو نتي وراجلك زعما واش قرب ليك
كلشي خرجو عينيهم في لحاجة و سؤالها
ملاك : حم أرسول الله الحاجة وليني منكذب عليك حتا أنا بغيت نعرف
شمس كدور في عويناتها حشمانة حنيكاتها غا يطرطقو تفكرات شنو دار ليها حسات بمعدتها تقلبات ولبكية شداتها بين فخيداتها باقي كيوزوز وطايب غا ملي دار ليها ديك لبوماضة ولات شوية
عائشة : خرجات عينيها : أويلي الحاجة فاطمة يهديك الله راه داكشي بينها وبين راجلها حنا أش دخلنا
لحاجة : إوا تا نتي مفيها باس وراه بغيت غير نضمن وصافي
وصال : واه زعما بغات تقول ليك أختي شمس سرك في بئر
ملاك : لا لا لعداك أختي شمس نصيحة مني راه لمغريبي تهضر معاه يقولك سرك في بئر عمييق تتخاصم معاه يدير أمارش للموطور ديال البير ويبدا يسقي .وبصراحة منكذبش حتا انا قتلني لفضول بغيت نعرف حيث عارفة خويا مصعور ميفلتكش لا مفرعك لبارح دبا إن شاء الله جياك جياك غير بغيت نعرف اش درتو اخور زعما واش درتو شي فساد منغير لفساد لي فراسي 🙂
عائشة : بغات تاكل جنابها من لسان بنتها وغير شافت راسها عند ناس أما تنوض تشتف عليها بدات تحلف عليها : الله يعطيك لمسخ الماسخة والله لا خليتها فيك اوجه لقنفود
هاجر : جابت ليها ملاك ضحك شافت في بنتها لي تترمش في عويناتها ببراءة باينة فيها حشمانة وكتعض فدوك شفيفات لي منفوخين كثر ماكانو ودم مقهور فيهم بجهد عاد ردات لبال خرجات عينيها ومعرفات تبكي ولا أش دير واحد راس تيقول ليها يمكن دخل عليها راه بات معاه وجات مبدلة حوايجها وراس تيگول ليها ميمكنش يدخل بيها ومتقصحش ولمشية تعواج ليها في لبداية وخصوصا يعقوب تبارك الله تتخمم